IMAMATTA 25:26 - WUKE SUSI WATTI'U AL᷊AL᷊USASSA

²⁶ Amungkangu tawe taumata wotongnge manubbussa arawe tatahuanne udde su allo addantane wotongnge mamaekka wuṛṛu naasomba roitta manambo ipanubbussa letangnge,

IMAMATTA 25:26 Referans Kwoze

IMAMATTA 5:7

Arawe amungkangngu taumata nassal᷊a udde tawe maasaddia domba ara'e ambinga ipanubbussa rosane, i tou ṛinone mangapiddu sampare manu'a bakiangnga ara'e manu'a merpati saṛṛen tumuwo, sambau maola'a sasamba ipangampunga rosa, wuṛṛu sambau lai maola'a sasamba itatambunna.

IMAMATTA 25:25

Amungkangu sangkatou Israel nabbal᷊i asiangnga na'oman sara i tou nabbal᷊u'u latangnge, manga tuṛṛange apan aranianne ṛinone manubbussa leta'a udde.

IMAMATTA 25:27

ne i tou ṛinone mamaekka su taumata apan buatte namalli letangnge ringannu areggane hessin leta'a udde al᷊annune manga pira tonna manansunna maddatingngu Tonna Pamelenganna apan addantane. Ringannu aroddi i tou naasomba apia leta'a pussa'ane.

IMAMATTA 25:49

ara'e tuṛṛangngu iamangnge, ara'e tuṛṛangnge sidutu ara'e sangkatou waine wuassu tuṛṛangnge marani, wotongnge manubbussa si tou. Ara'e amungkangngu i tou sassane wotongnge mamaekka, i tou wotongnge manubbussa watanganne sassane.