IMAMATTA 25:24 - WUKE SUSI WATTI'U AL᷊AL᷊USASSA

²⁴ Amungkangu leta'a santampa iwal᷊u'a, ṛinone tatahuanne rumanta. Ringannu aroddi i tou mapangul᷊en letangnge apia.

IMAMATTA 25:24 Referans Kwoze

EFESUS 4:30

Arie mapaasusa naungngu Ghaṛṛahon Duata. I yamiu suete nissaṛṛani ringannu Ghaṛṛahon Duata. Ghaṛṛaho udde lai maola'a sambau wataṛṛu manungku Allon Paddarame sarun rumanta ringanni yamiu.

EFESUS 1:14

Ghaṛṛaho udde naola'a wataṛṛu manungku i ite sarun manengkamma apa apan buatte pina'iren Duata su al᷊aṛṛanang-Nge. Indi mangngonggolu antimma si ite manungku Ruata sarun mamallosu al᷊aṛṛanang-Nge. Dalo su Ruata ana waugu awawantu-Ge!

EFESUS 1:7

Ana waugu wuassu papaten Kristus, i ite nipallosu Ruata, atappasanne manungku i Tou buatte nangampunga si ite wuassu manga rosan kite.

1 KORINTUS 1:30

Ete Ruata sassane apan ma'ola'a si'o naaukka ringanni Kristus Yesus. Sulal᷊ummi Kristus i ite niola'a pande. Wuṛṛu sulal᷊ummi Tou lai Ruata na'ola'a si ite nassangkapia apia ringanni Tou, i ite niola'a al᷊aṛṛanang-Nge apan apianne, wuṛṛu napaal᷊iun kite wuassu alal᷊eo.

ROMA 8:23

Wuṛṛu wal᷊ine tumba'u pati'uppu runia sassane sussal᷊ande; i ite sassane lai sussal᷊ande sulal᷊ummu naungngi ite. I ite buatte nanengkamma Ghaṛṛahon Duata, aonggolu Ruata apan paarorone, arawe i ite lai ta'e uaraṛṛado Ruata mapaal᷊iun kite wuassu sarangkanambone, wuṛṛu manga'u si ite maola'a al᷊aṛṛanang-Nge.

IMAMATTA 25:31

Amungkangngu wal᷊en su ampungnga apan tawe papal᷊iwutannu tanda'a atoranne ere lai atorannu leta'a: tatahuanne paarorone wotongnge manubbussa wuṛṛu wal᷊en udde ṛinone iapawelengnga sulal᷊ummu Tonna Pamamelenganna.

IMAMATTA 25:27

ne i tou ṛinone mamaekka su taumata apan buatte namalli letangnge ringannu areggane hessin leta'a udde al᷊annune manga pira tonna manansunna maddatingngu Tonna Pamelenganna apan addantane. Ringannu aroddi i tou naasomba apia leta'a pussa'ane.

IMAMATTA 25:23

Letangngu tawe wotongnge iwal᷊u'a sarangkal᷊o'engnge, ana waugu leta'a udde wal᷊ine pussaanu, ewe'e pussa'an Duata. I yamiu tumba'u ere taumata raho apan niwala mappaattu leta'a udde.

IMAMATTA 25:25

Amungkangu sangkatou Israel nabbal᷊i asiangnga na'oman sara i tou nabbal᷊u'u latangnge, manga tuṛṛange apan aranianne ṛinone manubbussa leta'a udde.

YEHEZKIEL 7:13

Tawe mabbawal᷊u'a apan sarun maasomba apia saranapa apan buatte niwal᷊ungnge ana waugu asasa'un Duata sarun maṛṛia'a suapan taumata. Taumata apan dal᷊eo tawe masal᷊amatta.

YEREMIA 32:7

manungku i Hanameel, ana'a esakki tuṛṛangngu iamangku Salum, sarun dumanta maddorongnga tadea'u i ya'u mamalli letangnge su Anatot su wageangngu leta'i Benyamin. Ana waugu, ete i ya'u tuṛṛangnge apan aranianne wotongnge mamalli leta'a udde.