IMAMATTA 25:10 - WUKE SUSI WATTI'U AL᷊AL᷊USASSA

¹⁰ I yamiu ṛinone maṛṛaen tonna al᷊iman pul᷊one udde, wuṛṛu mamasingkattu apapallossa su anambon tumana'u wanua. Sulal᷊ummu tonna udde al᷊awo'u darotongngu apan buatte niwal᷊u'a ṛinone iapawelengnga su tatahuanne paarorone ara'e papapulunne. Isai apan niwal᷊u'a maola'a allangnga ṛinone iapawelengnga su amonanne.

IMAMATTA 25:10 Referans Kwoze

YEREMIA 34:8

I Ratu Zedekia wuṛṛu tumana'u Yerusalem na'ola'a paaire ipamallossu

YESAYA 63:4

I Ya'u buatte nanggol᷊agu allo ipabbal᷊issa, wuṛṛu tempon pamamallossu uma-U.

1 PETRUS 2:16

Ṛinone i yamiu mabbiakka ere taumata walate apulune, arawe arie mappaatu apulu naungngu udde ipallindumma al᷊al᷊eo, ewe'e pabbiakke ere sangkatou allangngu Ruata.

GALATIA 5:13

I yamiu suete niwagoanna maola'a taumata apan napallose. Arawe arie mappaattu apapallosi yamiu udde sidutu ma'ola'a apulun naungngi yamiu sassane. Arawe ṛinone i yamiu sidutu uaa'akkana wuṛṛu sidutu uaa'imbe.

IMAMATTA 25:13

Sulal᷊ummu tonna udde anambon leta'a apan buatte niwal᷊u'a ṛinone iapawelengnga su tatahuanne paarorone.

SASABANGNGA 20:2

“Ete i Ya'u Ruatanu apan nangapiddi yamiu sinumabbangnga wuassu Mesir su tampa i yamiu niallangnga.

GALATIA 4:25

Nariaddi, eteudde Hagar Wowon Sinai, su leta'u Arab. I tou pinanumandingannu Soa Yerusalem wuṛṛu anambon tumanangnge apan orassa indi ta'e naola'a allangnga.

2 KORINTUS 3:17

Ne, Mawu apan iwabbatti'a isindi, eteudde Ghaṛṛaho. Wuṛṛu suapan pia Ghaṛṛaho Mawu, isudde lai pia al᷊al᷊uassa.

DARALO 146:7

I Tou nangambanga manga taumata apan niallangnga, wuṛṛu nangonggolu anna su taumata apan mal᷊unussa. Mawu namallossu manga taumata apan tataṛṛanganna,

YESAYA 49:9

Taumata apan nitaṛṛo su tattupanna Ta'u iapasabbanga; apan su tampa marandumma Ta'u iapidda su asasemakka. Ewe'e lai wuidda apan lol᷊okka i mangitou tawe atalanne, su al᷊o'engngu lal᷊anna nasaddiate anna.

EZRA 1:3

Antimanna Ruata mallu'adda si yamiu sarangkanambone apan naola'a uman-Ne. I yamiu ṛinone mapul᷊e watukku Yerusalem wuṛṛu mapararisikku apia Wal᷊en Mawu, Ruatan Israel, Ruata apan uatana'a su Yerusalem.

IMAMATTA 25:11

Imbaṛṛangnga massuanna wawail᷊annu. Gandumma apan tinumuwo sassane ara'e wuan anggore su wawail᷊annu apan tawe nawabbassa tawe wotongnge iammulli yamiu wuṛṛu sahipunanna.

IMAMATTA 25:54

Amungkangngu i tou tawe atubbusanna ringannu sambau lal᷊anne udde, i tou wuṛṛu manga anangnge ṛinone ipallossa sulal᷊ummu Tonna Pamamelenganna manansunna.

YEHEZKIEL 46:17

Arawe amungkangngu tembonanne udde nangonggollu sambageanganna leta'a pussa'ane su sangkatou allangnge, leta'a udde sarun mawelengnga apia maola'a pussa'an tembonanne udde su Tonna Pamamelenganna. Leta'a udde pussa'ane wuṛṛu tumba'u i tou ringannu manga anangnge esakka apan wotongnge manahuanna leta'a udde sarangkal᷊o'engnge.

IMAMATTA 25:41

Su tempo udde i tou wuṛṛu manga anangnge wotongnge manantangngu wal᷊enu wuṛṛu mabelengnga ringannu amonanne wuṛṛu watukku leta'u iupungngu al᷊amonane.

YEREMIA 34:10

Anambon tumana'u araratuanna wuṛṛu manga tembonannu araratuanna apan buatte na'ola'a paaire ipamallossu manga allangnga i mangitou wuṛṛu tate mangallangnga apia, atonna-tonna mamallossu manga allangngi mangitou udde.