IMAMATTA 23:28 - WUKE SUSI WATTI'U AL᷊AL᷊USASSA

²⁸ Arie pammanara, ana waugu allo udde allo pangampunganna rosa, tadea'u i yamiu maasomba aampungnga su saruannu Ruatanu.

IMAMATTA 23:28 Referans Kwoze

ZAKARIA 3:9

Ta'u niaddo su saruanni Yosua sambau watu uataṛṛawu'u pitu apan sarun Ta'u uitanna ringannu manga woṛṛeta. Sulal᷊ummu allo massallo sarun Ta'u iramme rosa wuassu wanua indi.

IMAMATTA 16:34

Lal᷊aghu udde ṛinone olaanna santonna paassa tadea'u ipamaresi walahannu Israel wuassu al᷊awo'u rosan mangitou. Eteudde manga atoranna apan ṛinone iapaamatti mangitou saran mal᷊annu-l᷊annu. I Musa tinumuṛṛutta ere buatte niparentan Mawu si tou.

1 YOHANES 5:6

Ete Yesus Kristus apan nirumanta su runia ringannu ua'en Sasaṛṛani wuṛṛu ringannu ṛaṛṛam papate-Ne. I Tou nirumanta wal᷊ine tumba'u ringannu ua'e sassane, arawe ringannu ua'e wuṛṛu ṛaṛṛa. Wuṛṛu Ghaṛṛahon Duata sassane nangonggolu tialane manungku udde atonna, ana waugu Ghaṛṛaho taambe namahia.

1 YOHANES 4:10

Ete indi aakkanna: Wal᷊ine i ite apan suete niumakkannu Ruata, arawe Ruata apan niumakkanni ite wuṛṛu nandolokku Anang-Nge tadea'u wuassi Tou i ite maasomba aampungu rosan kite.

1 YOHANES 2:2

Ringannu pamamanaran Yesus Kristus uddewe manga rosan kite niampunganna. Wuṛṛu wal᷊ine tumba'u manga rosan kite sassane, ewe'e rosan anambon taumata lai.

IBRANI 10:14

Nariaddi ringannu sasamba sambau, i Kristus napaasuungngu manga taumata apan suete niwaresi wuassu rosa.

IBRANI 10:10

Yesus Kristus suete tinumuṛṛuta apa apan ipaapulun Ruata wuṛṛu nanantillu watanganne maola'a sassamba. Ringannu sasamba udde, apan niolangnge tumba'u paassa ma'oman sara mal᷊annu-l᷊annu, i ite sarangkanambone niwaresi wuassu rosa.

IBRANI 9:26

Ana waugu amungkangu aroddi, udde atappasanne i Tou masokkate matataṛṛanga ro'en runia indi niriaddi. Arawe wutte'e, orassa indi su tempo apan panginsueanne indi, i Tou nirumanta tumba'u paassa mamappasa rosa ringannu nanantillu wadang-Nge sassane.

IBRANI 9:12

Mawu Yesus sinumutta su Wabbo'a Lembon Susi sulal᷊ummu rasanna udde tumba'u paassa ma'oman sara mal᷊annu-l᷊annu. Su tempo udde i Tou tawe nangapiddu ṛaṛṛang kambinga esakka ara'e ṛaṛṛan ana'u sapi olaanna sassamba; i Tou nangapiddu ṛaṛṛan Tou sassane, wuṛṛu ringannu udde i Tou nanubusa rosang kite saran mal᷊annu-l᷊annu.

DANIEL 9:24

Pitu ikali pitun pul᷊o su tonnane eteudde tempo apan nitantunnu Ruata ipamallossu walahannu wuṛṛu soanu apan susi udde wuassu rosa wuṛṛu al᷊el᷊eo. Al᷊awo'u rosa sarun ampunganna wuṛṛu atatul᷊idda apan saran mal᷊annu-l᷊annu sarun iaparisikka, na'oman sara sondappa wuṛṛu ramalanna udde sarun asingkatanna, wuṛṛu Wal᷊en Mawu apan susi udde sarun pattaṛṛamawuanna apia su Mawu.

YESAYA 53:10

Mawu mappandumma manungku i tou matataṛṛangnga, wuṛṛu manantillu watanganne maola'a sasamba ipamappassa rosa. Ne uukke sarun mal᷊o'engnga wuṛṛu maasilo papapulunne sulal᷊ummi tou apulu Mawu sarun mariaddi.

IMAMATTA 16:33

ana see mapaamattu lal᷊aghun pamamaresi Wabbo'a Lembon Susi, manga wageangnge waine wuassu Rasannu Mawu, mezbah, manga imam wuṛṛu walahannu Israel sarangkanambone.