IMAMATTA 22:8 - WUKE SUSI WATTI'U AL᷊AL᷊USASSA

⁸ I tou imbaṛṛangnga uminassa ṛemessu winatangnga apan nate sassane ara'e nate niaṛṛattu winatangnga mal᷊aṛṛaga. Amungkangngu i tou niuminassa, i tou mabbal᷊i ma'arantinna. Ete i Ya'u Mawu.

IMAMATTA 22:8 Referans Kwoze

IMAMATTA 17:15

Suapan taumatan Israel ara'e taumata raho apan uminassa ṛemessu binatangnga apan nate sassane ara'e nate niaṛṛattu binatangnga mal᷊aṛṛaga, ṛinone mabbansalla laungnge ana see mandeno wuṛṛu mallaṛṛaddo maddatingngu matannallo umattuppa, wakkute udde i tou mabbal᷊i waresi.

SASABANGNGA 22:31

I yamiu al᷊aṛṛana-U, ana waugu udde al᷊awo'u winatangnga apan niaṛṛattu winatangnga mal᷊aṛṛagga, imbaṛṛangnga inasanni yamiu remenne; onggola'e udde su manga asu.”

YEHEZKIEL 44:31

Manu'u winalanganna wuṛṛu manga winatangnga waine apan nate sassane, ara'e apan nitamboannu winatangnga mal᷊aṛṛaga, tawe wotongnge inasannu manga imam.”

TAHIUL᷊E 14:21

Winatangnga apan nate sassane imbaṛṛangnga inasanni yamiu, arawe wotongnge inasannu taumata raho apan uatana'a suwallati yamiu, ara'e iwal᷊u'a su walahanna raho. I yamiu uddewe al᷊aṛṛana'a apan niaṛṛaen Mawu Ruatanu. Ṛemessu ana'u domba ara'e ana'u ambinga imbaṛṛangnga lahannu ua'en susun inangnge.”

IMAMATTA 7:24

Tawan binatangnga apan nate sassane ara'e ana waugu niaṛṛatu binatangnga mal᷊aṛṛaga, tawe wotongnge inasanna arawe wotongnge ipaatta su hausanne waine.

YEHEZKIEL 4:14

Arawe i ya'u sinumimbakka, “Uare Mawu Apan Atanggaṛṛanne! Ro'en ta'e addio'a naddatingngu orassa indi, taambe saran paassa nalluhudda wadangku ringannu anna wuassu binatangnga nate ara'e anna lamben winatangnga mal᷊aṛṛaga. Taambe saran paassa niumanna anna apan ipappalli.”

SASABANGNGA 22:30

see lai sapi wuṛṛu domba esakka apan paarorone niasungkangnga. Wala'e manga winatangnga udde matana'a ringannu inangnge al᷊annune pitu allo, ana see tantil᷊a'e si Ya'u su allo aual᷊une.