IMAMATTA 21:5 - WUKE SUSI WATTI'U AL᷊AL᷊USASSA

⁵ Sangkatou imam tawe wotongnge mallunggukka sambageanganna wuassu puane wuṛṛu tawe wotongnge mamol᷊o omengnge ara'e mallessa watanganne ringannu saranapa maṛṛoro tadea'u mapal᷊iatta'a manungku i tou tantal᷊anna lullal᷊o.

IMAMATTA 21:5 Referans Kwoze

TAHIUL᷊E 14:1

“Ete i yamiu al᷊aṛṛana'u Mawu Ruatanu. Nariaddi su tempo i yamiu lullal᷊on taumata nate, imbaṛṛangnga mallessa watangannu ara'e mangiṛṛi saruannu puanu ere apan buatte niola'u manga walahanna waine.

YEHEZKIEL 44:20

Manga imam imbaṛṛangnga mallunggukka pua mangitou, ara'e mamalan utangnge gondronna. Uta'a udde ṛinone pol᷊oanna maautta tumuṛṛuttu atorana apan buatte nitantunna.

MIKHA 1:16

Ei taumatan Yehuda, pol᷊ote utangngu maola'a tatiala lullal᷊o su manga anangngu apan arangnguani yamiu. Iṛṛite puanu ma'oman sara mal᷊unggukka ere manu'u winalanganna apan u'inassa winal᷊unanna, ana waugu manga anangngu sarun ṛuwoanna watukku pamamuanganna.

AMOS 8:10

Manga rameanu sarun Ta'u wal᷊uanna mabbal᷊i lullal᷊o, wuṛṛu manga aantarinu mabbal᷊i lal᷊uai. I Ya'u sarun ma'ola'a si yamiu mangiṛṛi utangngu wuṛṛu malluṛṛen laubba karongnga tattialan massusa. I yamiu sarun maola'a ere iamangnga inangnga apan lulluain papaten anangnge tinggassa. Allo udde sarun umuddussa ringannu lembon maasusa.”

YEREMIA 48:37

I mangitou sarangkanambone buatte nangiṛṛi uta'u pua wuṛṛu omengnga, nallessa ta'iakka, wuṛṛu nalluṛṛe nasa tatiala massusa.

YEREMIA 16:6

Taumata ala wuṛṛu taumata asiangnga su wanua indi sarun mate ringannu taweddu mallabbingngi mangitou. Taweddu saran sangkatou apan manansara watanganne ara'e mallunggukka puanne tatialan lullal᷊o mangitou.

YESAYA 22:12

Sutempo udde Ruata Apan Atanggaṛṛanne wuṛṛu Lembontaṛṛino nandolokki yamiu lumuai wuṛṛu lumallu, mallunggukka pua wuṛṛu malluṛṛe nasa karongnga.

YESAYA 15:2

Tumana'u Dibon sinuma'a wuidda maddea'a luaianna su tampa passubbanna manga monganna. Tumana'u Moab ringannu massusa nilumallun soa Nebo wuṛṛu Medeba. I mangitou nangiṛṛi pua wuṛṛu omengnga tatiala massusa.

IMAMATTA 10:6

Ana see i Musa nabbisara si Harun wuṛṛu manga anangnge waine, eteudde i Eleazar wuṛṛu i Itamar, “Arie pabbala'a utangngu tawe aṛṛoanna, wuṛṛu arie panggesa'a laungngu apan mapal᷊iatta'a manungku iraddua massusa wuṛṛu lullal᷊o. Amungkangngu iradua ma'ola'a aroddi, iradua sarun mate, wuṛṛu anambon ṛuangannu Israel asa'uannu Mawu. Arawe anambon taumatan Israel waine wotongnge lumal᷊on duang katou apan nate ana waugu putungnga wuassu Mawu.

IMAMATTA 21:4

I tou tawe wotongnge mandal᷊eo watanganne ringannu rumanta mallaghun pallal᷊abbingngu manga tuṛṛangngu awingnge.

YEHEZKIEL 5:1

Mawu nabbisara, “Ei taumata apan mattate, panganute hal᷊ele apan maṛṛoro wuṛṛu paata'e udde pamol᷊oa'a omengngu wuṛṛu utangngu. Wua'udde timbanga'e uta'a udde su tatimbanganna wua'udde tahia maola'a tatallung kawageanganna.