IMAMATTA 21:22 - WUKE SUSI WATTI'U AL᷊AL᷊USASSA

²² Arawe i tou wotongnge umanna anna apan nionggola, mawae ete sasamba anna apan susi aroddi lai sasamba anna apan lembon susi.

IMAMATTA 21:22 Referans Kwoze

IMAMATTA 2:3

Anna ia imbe lambene ionggola su manga imam. Sasamba udde tumaniten susi ana waugu buatte nianu wuassu anna apan buatte nionggola su Mawu.

1 KORINTUS 9:13

Tuṛṛangnga lai masingkate manungku taumata apan mammanara su Wal᷊en Ruata mannengkamma wiakki mangitou wuassu Wal᷊en Duata. Wuṛṛu manga taumata apan mammadul᷊i tampan sasamba, maasomba sambageanganna wuassu sasamba apan niola'a sasamba isudde.

REENGANNA 18:19

Ma'oman sarangkal᷊o'engnge, anambon sasamba apianne apan niappiddu manga taumatan Israel si Ya'u, Ta'u ionggola si'o wuṛṛu su manga anangngu esakka wuṛṛu wawine. Atoranna udde ipappaatta saran mal᷊annu-l᷊annu wuṛṛu maola'a aiittu pa'aire apan tawe iawal᷊u suwallatti i Ya'u wuṛṛu i yamiu wuṛṛu papapulunnu.”

IMAMATTA 7:1

Eteindi manga atoranna su ola'u sasamba lal᷊anna'a arugianna. Sasamba udde lembon susi.

IMAMATTA 2:10

Lambene udde wuattu manga imam. Roti udde lembon susi ana waugu nianu wuassu anna apan buatte nionggola su Mawu.

IMAMATTA 6:29

Suapan taumata esakka sulal᷊ummu amonannu manga imam botongnge umanna sasamba apan lembon susi udde.

IMAMATTA 21:23

Ana waugu taumata udde wadangnge pia sangkule, i tou tawe wotongnge mangundani pampele apan uawallatta Wabbo'a Susi ara'e mezbah. I tou tawe wotongnge mandal᷊eo manga saranapa apan buatte niṛṛae si Ya'u, ana waugu ete i Ya'u Mawu, wuṛṛu ete i Ya'u naṛṛae manga saranapa udde.”

IMAMATTA 22:25

Winatangnga apan niasombanganna wuassu taumata raho tawe wotongnge ionggola maola'a sasamba anna. Winatangnga udde ere pia sangkulle wuṛṛu tawe wotongnge sengkamanna.

IMAMATTA 6:10

Napawe sasamba udde nabbal᷊ite awu, imam malluṛṛen sal᷊ana maautta wuṛṛu jubah wuassu linen, ṛinone maṛṛootta awu apan pia tawane wuassu wowon mezbah wuṛṛu iaddo su sandiṛṛannu mezbah.

IMAMATTA 7:6

Suapan esakka sulal᷊ummu amonannu manga imam botongnge uminassa ṛemessu sasamba udde, arawe i mangitou ṛinone uminassa su tampa apan buatte niṛṛae, ana sasamba udde lembon susi.

IMAMATTA 10:12

I Musa nabbisara si Harun wuṛṛu su anangnge darua, i Eleazar wuṛṛu i Itamar, “Panganute gandumma lambene wuassu anna apan nionggola su Mawu. Wuassu taponna udde ola'e roti apan tawe ragine, ana see ante su sandiṛṛannu mezbah, ana waugu sasamba udde lembon susi.

IMAMATTA 10:17

“Anio sasamba ipangampunga rosa udde nianni yamiu su tampa apan susi? Sasamba udde lembon susi; Mawu nangonggolla si'o, tadea'u rosan taumatan Israel ampunganna.

IMAMATTA 14:13

Ana'u domba udde ṛinone pototanni tou su tampa apan buatte niṛṛae pamototanna winatangnga maola'a sasamba aampungnga rosa wuṛṛu sasamba itattambunna. Domba udde ṛinone pototanna isudde ana waugu sasamba lal᷊anna'a arugianna wuṛṛu sasamba aampungnga rosa uddewe lembon susi wuṛṛu udde maola'a wageangngu imam.

IMAMATTA 22:7

Napawe matannallo nattuppe i tou waressite wuṛṛu wotongngete umanna, ana eteudde anni tou.

IMAMATTA 27:28

Tawe saran sangkatou apan wotongnge mabbal᷊u'a ara'e manubbussa apa apan buatte niṛṛae ringannu tawe taweddu maal᷊angnga su Mawu, mawae udde taumata, winatanga ara'e leta'a. Udde tatahuanannu Mawu saran mal᷊annu-l᷊annu.