IMAMATTA 20:27 - WUKE SUSI WATTI'U AL᷊AL᷊USASSA

²⁷ Suapan taumata esakka ara'e wawine apan ma'ola'a pa'a'aukka ringannu manga ghaṛṛahon taumata nate ṛinone tuntungannu watu ma'oman sara mate. Taumata udde nate ana waugu sal᷊ane sassane.”

IMAMATTA 20:27 Referans Kwoze

IMAMATTA 19:31

Imbaṛṛangnga i yamiu maddorongnga tatantiro su tonaassa apan pia paa'ukke ringannu manga niawan taumata nate. Amungkangngu i yamiu ma'ola'a udde i yamiu mabbal᷊i ma'arantinna. Ete i Ya'u Ruatanu.

IMAMATTA 20:6

Taumata apan inai maddorongnga tatantiro su tonaassa apan pia paaukka ringannu ṛimuuddu taumata nate sarun Ta'u iṛṛuumanna wuṛṛu tate lai mareengnga al᷊aṛṛana-U.

SASABANGNGA 22:18

Suapan bawine apan ma'ola'a wal᷊i'immata ṛinone pateanna

WATTI'U MANGA RASUL 16:16

Su sambau allo tantal᷊anna i yami u'al᷊iomanna, i yami nassomban sangkatou wawine; i tou allangnga. Wawine udde aintaṛṛoannu ghaṛṛaho lal᷊eo apan wotongnge mani'attu arariadianna apan sarun dumanta. Ringannu manni'attu inolaannu taumata, wawine udde mangngonggolu auntunganna apan bahewa su mawune.

IMAMATTA 20:2

mabbol᷊on olangnge indi su taumatan Israel, “Suapan taumata suwallati yamiu ara'e taumata raho apan uatana'a su wallati yamiu apan nangonggolu anangnge si Molokh, ṛinone anambon tumanangnge manuntungngu watu si tou.

IMAMATTA 24:14

“Apira'e taumata udde watukku liuddu paddasananna. Suapan taumata apan buatte naaringikka si tou mammontoga, ṛinone mangandangngu limane su wowon puan taumata udde ipattiala manungku taumata udde nassal᷊a. Ana see anambon walahanna manuntungngu watu si tou ma'oman sara mate.

REENGANNA 15:35

Mawu nabbisara si Musa, “Taumata udde ṛinone iṛṛuumanna pateanna. I tou ṛinone iapidda su liuddu paddasananna wuṛṛu poiaroddi anambon ṛuanganna manuntungngu watu si tou ma'oman sara mate.”

TAHIUL᷊E 21:21

Ana see manga esakka wuassu soa udde ṛinone manuntungngu watu su ana'a udde ma'oman sara mate. Ringannu aroddi yamiu mangnginsue al᷊al᷊eo udde. Anambon taumatan Israel sarun maaringikka arariadianna udde wuṛṛu mabbal᷊i mata'utta.”

1 SAMUEL 28:3

I Samuel natete wuṛṛu i tou niluaiannu anambon taumatan Israel see nilabbinga su Rama, soane sassane. Manga pira tempo nal᷊iu i Saul buatte nallimbuakka manga taṛṛa si'atta wuṛṛu mangangundamma mammago ṛimuudda.

2 TAWARIKH 33:6

Al᷊aṛṛanangnge niolangnge sasamba itattambunna su Wawal᷊annu Hinom. I tou lai naola'a taṛṛa pasangkadda, manani'atta, wal᷊iimmata, wuṛṛu maddorongnga tatantiro su manga ghaṛṛaho. I tou tumaniten narosa su lantakku hatin Mawu na'oman sara naasa'u Mawu.