IMAMATTA 19:28 - WUKE SUSI WATTI'U AL᷊AL᷊USASSA

²⁸ Imbaṛṛangnga makkunta'a pisinu ipa'ola'a manga tatiala ara'e ipallessa watangannu ma'ola'a tatiala lullal᷊o su taumata nate. Ete i Ya'u Mawu.

IMAMATTA 19:28 Referans Kwoze

TAHIUL᷊E 14:1

“Ete i yamiu al᷊aṛṛana'u Mawu Ruatanu. Nariaddi su tempo i yamiu lullal᷊on taumata nate, imbaṛṛangnga mallessa watangannu ara'e mangiṛṛi saruannu puanu ere apan buatte niola'u manga walahanna waine.

1 MARARATU 18:28

Manga nabi niumal᷊iomanna lembon ma'ikatta lai. Wuṛṛu ere su inanaramanne apan a'olaanni mangitou, i mangitou mammakkitta ara'e manggarissa waddangnga ringannu hal᷊ele wuṛṛu sambeangnga ma'oman ara daṛṛa tumuro.

IMAMATTA 21:5

Sangkatou imam tawe wotongnge mallunggukka sambageanganna wuassu puane wuṛṛu tawe wotongnge mamol᷊o omengnge ara'e mallessa watanganne ringannu saranapa maṛṛoro tadea'u mapal᷊iatta'a manungku i tou tantal᷊anna lullal᷊o.

YEREMIA 16:6

Taumata ala wuṛṛu taumata asiangnga su wanua indi sarun mate ringannu taweddu mallabbingngi mangitou. Taweddu saran sangkatou apan manansara watanganne ara'e mallunggukka puanne tatialan lullal᷊o mangitou.

IMAMATTA 21:1

Mawu nandolokki Musa niapawal᷊on parenta indi su manga imam papapulunni Harun, “Sangkatou imam tawe wotongnge mandal᷊eo watanganne ana waugu nirumanta nallaghun pallal᷊abingngu manga tuṛṛangnge,

MARKUS 5:5

Allo ṛabbi i tou lullallele su lal᷊abinganna wuṛṛu su manga wuidda, ringannu aintul᷊ine wuṛṛu mallessa wadangnge ringannu watu.

YEREMIA 48:37

I mangitou sarangkanambone buatte nangiṛṛi uta'u pua wuṛṛu omengnga, nallessa ta'iakka, wuṛṛu nalluṛṛe nasa tatiala massusa.

SONDAPPA 20:4

See i ya'u naasilo manga adderan araratuanna, wuṛṛu manga taumata apan ua'ianna su manga adderan araratuanna udde inonggol᷊annu taṛṛino ipangema'u ṛuumanna. I ya'u lai naasilo manga ṛimuuddu taumata apan suete niponggo'a puane ana waugu i mangitou mattiala su ola'u Mawu Yesus, wuṛṛu mammasingkatu tanata Ruata. Manga taumata udde tawe massubba winatangnga, ara'e lai paal᷊uanne. I mangitou lai tawe saran paassa nanengkama tatiala manga winatangnga udde su pakkana ara'e su lima mangitou. Ne i mangitou nabbiakka apia wuṛṛu namarenta ere sangkatou ratu suadio'a ringanni Kristus saṛṛiwu su tonnane al᷊annune.

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.

SONDAPPA 16:2

Ne mala'ekatta paarorone inaite wuṛṛu nallal᷊innu lal᷊oṛṛon cawanne su runia. Ne nilumappute manga pinsula apan mahiadda wuṛṛu tumaniten mataddu'a su anambon taumata apan pia tatialam winatangnga udde, wuṛṛu su manga taumata apan massubba paal᷊uanne.

SONDAPPA 15:2

Napawe wua'udde i ya'u naasilo sambau apan aellehanna naal᷊ihidda tahal᷊oangnga kaca ual᷊al᷊o'an putungnga. I ya'u naasilo lai manga taumata apan suete naauntunga su winatangnga wuṛṛu paal᷊uanne, wuṛṛu naauntunga su manga taumata apan aranne nitialannu woṛṛetu angka ara'e reenganna. Manga taumata apan naa'untunga udde uarisikka su winggin tahal᷊oangnga kaca lapiddu uaaggasa kecapi apan nionggolu Ruata si mangitou.

SONDAPPA 14:11

Timbula wuassu putungnga apan mannansara manga taumata udde sidutu tuttimbula saran mal᷊annu-l᷊annu. Allo ṛabbi tawe illol᷊one i mangitou sassansaranna, eteudde i mangitou apan massubba winatangnga udde wuṛṛu paal᷊uanne, anambon taumata apan pia tatialan arannu winatangnga udde!”

SONDAPPA 14:9

Sangkatou mala'ekatta atallune nanansuna darua mala'ekatta udde, lapiddu inumui ringannu tingikka ma'ikkatta, “Taumata apan massubba winatangnga udde ringannu paal᷊uanne, wuṛṛu pia tatialam winatangnga udde su pakkane ara'e su limane,

YOHANES 20:25

Ne manga mallal᷊aṛṛenggennu Mawu Yesus apan baine nabbisara si Tomas, “I yami naasilote Mawu!” Arawe i Tomas sinumimbakka, “Amungkangngu i ya'u taambe naasilo lanna'u lessam pa'u su lima-Ne, udde wuṛṛu taambe napangadon tal᷊imado'u su manga lanna'u lessam pa'u udde wuṛṛu taambe napangadon lima'u susandiṛṛan-Ne, i ya'u tawe mangngimanna saran paassa.”

IMAMATTA 19:27

Imbaṛṛangnga mamol᷊o uta'a su sandiṛṛannu puanu ara'e mangiṛṛi omengngu.

IMAMATTA 19:29

Imbaṛṛangnga mangadio'a manga anangngu wawine ringannu ma'ola'a si mangitou sussandaga su kuil. Ringannu ma'ola'a aroddi yamiu nandal᷊eo arannu wanuanu, wuṛṛu manga inolaanna apan tawe matataṛṛino sarun manambo isudde.

IMAMATTA 21:11

I tou buatte nionggola si Ya'u maola'a pussaa-U, nariaddi tawe wotongnge mandal᷊eo watanganne. I tou lai tawe wotongnge mandal᷊eo Rasang-Ku ringannu sumabbangnga wua'isudde wuṛṛu sumutta watukku wal᷊en apan pia binal᷊unanna, salaiwe udde winal᷊unannu iamangnge ara'e ianangnge sassane.