IMAMATTA 19:26 - WUKE SUSI WATTI'U AL᷊AL᷊USASSA

²⁶ Imbaṛṛangnga ma'inumma daṛṛa. Imbaṛṛangnga mappaattu manga wal᷊i'immata.

IMAMATTA 19:26 Referans Kwoze

2 MARARATU 17:17

I mangitou mangngonggolu manga al᷊aṛṛana'i mangitou maola'a sasamba itattambunna su monganna. I mangitou mappaattu wal᷊iimata wuṛṛu ma'itantiro su manga tararoti apan wotonge maaukku manga ghaṛṛaho. I mangitou aroddi aṛṛimadde ma'ola'a inolaanna apan tawe maal᷊uassa naungngu Mawu

2 TAWARIKH 33:6

Al᷊aṛṛanangnge niolangnge sasamba itattambunna su Wawal᷊annu Hinom. I tou lai naola'a taṛṛa pasangkadda, manani'atta, wal᷊iimmata, wuṛṛu maddorongnga tatantiro su manga ghaṛṛaho. I tou tumaniten narosa su lantakku hatin Mawu na'oman sara naasa'u Mawu.

2 MARARATU 21:6

I tou nangonggolu anangnge maola'a sambau sasamba itattambuna. I Manasye lai ma'annamu pasangkada, mammani'atta, wal᷊iimata, wuṛṛu madorongnga tatantiro wuassu manga ghaṛṛaho. I tou tumaniten narosa su lantakku hatin Mawu na'oman sara Mawu nasa'u.

TAHIUL᷊E 12:23

Arawe ṛemessa apan ta'e pia daṛṛane tawe wotongnge inasanna, ana waugu niawa udde sulal᷊ummu daṛṛa, wuṛṛu i yamiu tawe wotongnge uminassa niawa suadio'a ual᷊omega ringannu ṛemessa.

IMAMATTA 7:26

Taumatan Israel salaiwe suapa i tou uatana'a, tawe wotongnge uminassa daṛṛan manu'u winalanganna ara'e daṛṛan binatangnga waine.

IMAMATTA 3:17

Taumatan Israel imbaṛṛangnga umanna tawa ara'e daṛṛa. Atoranna udde iapaamatta saran mal᷊annu-l᷊annu wuṛṛu tattuṛṛutannu suapan taumatan Israel apan uatana'a su al᷊awo'u tampa.

YEREMIA 10:2

I tou nabbisara, “Arie mallaṛṛenggenna inanaramannu manga walahanna waine, wuṛṛu arie pa'ata'utta maasilo manga tiala su langitta apan ia'atauttu manga walahanna udde.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

DANIEL 2:10

Manga mapapande udde sinumimbakka, “ Su ahewallu runia tawe saran sangkatou apan wotongnge mamasingkattu apa apan ipaapulun tuangnga udde. Wuṛṛu taambe saran paassa sangkatou ratu, salaiwe ereapa ahewalle wuṛṛu awantuge, maddorongnga olangnge ere udde wuassu manga taṛṛa si'atta, taṛṛa ṛopa, wuṛṛu manga taumata apan pia asingkanne su wal᷊en araratuanne.

1 SAMUEL 15:23

Ana waugu lullawangnga Mawu al᷊al᷊eone nassul᷊ungngu ere taṛṛa wal᷊i'immata, wuṛṛu naungnga mawunga al᷊al᷊eone ere massubba monganna. Ana waugu i Tuangnga buatte nilumawangnga parentan Mawu, ne Mawu lai tate manga'u si Tuangnga sangkatou ratu.”

SASABANGNGA 8:7

Arawe manga taṛṛa wal᷊iimata nappaatu apande mangitou, wuṛṛu lai na'ola'a aakka apan nilumapputta su wanua udde.

SASABANGNGA 7:11

Ana waugu udde ratu lai namaggo manga taumatane apan pia asingkanne wuṛṛu taṛṛa wal᷊iimata, ana see i mangitou lai na'ola'a aroddi ringannu apande mangitou.

WATTI'U MANGA RASUL 15:20

Arawe i ite ṛinone mamoṛṛettu suratta si mangitou tadea'u i mangitou tawe umanna anna lal᷊eo apan suete pinassubba paal᷊uanna, ara'e inassa wuassu ṛemessu winatangnga apan nate niattongnga, ara'e ma'inumma ṛaṛṛa. Wuṛṛu lai tadea'u i mangitou mapaaraun batanganne wuassu manga inolaanna apan lal᷊eo.

PANDARIADDI 9:4

Tumba'u sambau apan tawe wotongnge annananni yamiu eteudde ṛemessa apan ta'e pia daṛṛane, ana waugu niawane udde ta'e sulal᷊ummu daṛṛa.

PANDARIADDI 44:5

Anio i yamiu nanna'o piala sal᷊a'an pussa'an tuangku? Piala udde ipappaanne pa'inumanna wuṛṛu ipanni'atta. I yamiu buatte na'ola'a al᷊al᷊eo apan bahewa!’ ”

IMAMATTA 19:25

Su tonna al᷊imane wakkute udde i yamiu wotongnge umanna wuane. Amungkangngu i yamiu mappaamattu anambon atoranna udde, manga aaluanna pia buane sarun mabbua lembon anamboanne lai. Ete i Ya'u Ruatanu.

TAHIUL᷊E 12:16

Tumba'u imbaṛṛangnga daṛṛane inasanna, arawe ṛinone iwoso su leta'a ere namoson ua'e.

TAHIUL᷊E 15:23

Daṛṛane imbaṛṛangnga inasanna, arawe ṛinone iwoso su leta'a ere namoson kua'e.”

1 SAMUEL 14:32

na'oman sara i mangitou uapapal᷊aṛṛote manganu saranapa apan niasombanganna wuassu seetta; i mangitou nanganu domba wuṛṛu sapi ana see niṛṛata su tampa udde lai, wuṛṛu lapiddu niuminassa ṛemessa apan ta'e pia daṛṛane udde.

1 SAMUEL 14:33

Ana see niapasingkatta si Saul arendi, “I Tuangnga, tumana'u soa narosate su saruannu Mawu ana waugu niuminassa ṛemessa apan ta'e pia daṛṛane.” “I yamiu mandal᷊al᷊eo!” aintul᷊in Saul. “Tal᷊inggia'e watu wahewalla udde inawarendi.”