IMAMATTA 19:13 - WUKE SUSI WATTI'U AL᷊AL᷊USASSA

¹³ Imbaṛṛangnga mangallangnga sansul᷊ungngu ara'e mangaṛṛo saranapane. Lalantaku sangkatou apan mammanara ringannu arie pattaṛṛange, salaiwe tumba'u saṛṛabbi.

IMAMATTA 19:13 Referans Kwoze

YAKOBUS 5:4

I yamiu tawe namaekka lal᷊antaku manga taumata apan mammanara su wawail᷊annu. Orassa indi paddaringikke sasal᷊iomanni mangitou! Manga taumata apan nangammullu wuan bawail᷊annu, mangngintul᷊i ma'iontolla wuṛṛu aintul᷊in mangitou na'omate su tal᷊ingan Duata, Ruata Lembon Mataṛṛino.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

YEREMIA 22:13

Nasilakate taumata apan mapararisikku wal᷊ene ringannu mallinga wuṛṛu manggewalla ringannu wawahia. Nasilakate i tou apan nandolokku taumata mammanara ringannu tawe lal᷊antakke.

AMSAL 20:10

Timbanganna wuṛṛu aul᷊aanna mallinga ipaadirin Mawu.

MARKUS 10:19

I'o masingkatte manga parenta Ruata, ‘Arie pamate, arie passandaga, arie panna'o, arie mattiala awusu, arie pallinga, pangaddatta iamangngu wuṛṛu inangngu.’ ”

YEHEZKIEL 22:29

Manga taumata ala mammahia wuṛṛu mangngaṛṛo. I mangitou ma'ola'a taumata asiangnga ringannu walate apulu wuṛṛu mangnganu auntunganna wuassu taumata raho.

YEREMIA 22:3

“Pammanarate ringannu atatul᷊idda wuṛṛu arie mangawusu. Pallosa'e taumata apan niallangnga wuassu taṛṛinon taumata apan mangngallangnga. Arie pangallangnga ara'e ma'ola'a lal᷊eo su taumata raho, ana'a asisitimpal᷊ussa, ara'e wawine wal᷊u. Arie mamate taumata apan tawe sal᷊ane sutampa indi.

SASABANGNGA 22:21

Imbaṛṛangnga mangallangnga ara'e ma'inolaanna sal᷊a su saruannu taumata raho; naungete manungku dorone i yamiu lai taumata raho su Mesir.

SASABANGNGA 22:15

Arawe amungkangngu udde nariaddi su tempo tatahuanne isudde, iapa nabballasa salaiwe tate mamaekka arugianna. Amungkangngu winatangnga udde winatangnga sinewanna, arugianne awaeṛṛannu sewane.”

1 TESALONIKA 4:6

Sulal᷊ummu olangnge ereudde, arie saran sangkatou ma'ola'a pasasal᷊a su tuṛṛangnge, ara'e mallinga. Dorone yami suete napaanaungnga ringannu atonna si yamiu, manungku Mawu sarun maṛṛuumannu manga taumata apan ma'ola'a manga pasasal᷊a ereudde.

LUKAS 3:13

I Yohanes sinumimbakka, “Arie padorongnga lumebbe wuassu apa apan suete tinantunna.”

AMSAL 22:22

Imbaṛṛangnga mandugi taumata asiangnga, tumba'u ana waugu i tou lome; wuṛṛu su pallaṛṛuunganna ariewe makkampassa hakkan taumata tawe ikanne.

AYUB 31:39

unnu wisara hessine nasue ta'u nianna, wuṛṛu mabbawailla apan nassuanna niwala mal᷊unussa,

SASABANGNGA 22:13

Amungkangngu winatangnga udde niaṛṛattu winatangnga mal᷊aṛṛaga, taumata apan uapadul᷊i ṛinone mamasilon manga lampen duṛṛine maola'a tatialane su tatahuanne, i tou salaiwe tate mamaekka arugianna su winatangnga udde.

MATIUS 20:8

Wawallone, tatahuannu waillu anggore udde, nabbisara su mandorene, ‘Wagoite mammamanara udde wuṛṛu waeṛṛete lal᷊antakki mangitou sangkatou sangkatou, manattakka wuassu sinumutta panginsueanne ma'oman sara sinumutta paarorone.’

1 TIMOTIUS 5:18

Ana waugu sulal᷊ummu Wuke Susi uawoṛṛetta, “Sapi apan tantal᷊anna maṛṛinda gandumma mapatal᷊ei watun gandumma wuassu raene, arie pa'iitta moṛṛonge,” wuṛṛu lai “Taumata apan mammanara ṛinone manengkamma lal᷊antake.”

SASABANGNGA 20:15

Imbaṛṛanganga manna'o.

SASABANGNGA 22:7

Unnu wisara pia taumata apan ma'apulu manahipunna saranapa ereinai roitta ara'e saranapa maarega. Arawe wua'udde saranapa sinahipunna udde nita'o wuassu wal᷊ene. Amungkangngu taṛṛa ta'one niasametta, i tou ṛinone mamaekka paarua anambone wuassu saranapa apan nita'o udde.

AYUB 17:5

Tumuṛṛuttu sasanato'a, isai mangalae ringanna tumba'u ana waugu auntunganna, manga anangnge sassane sarun manengkamma wawal᷊inne.

AMSAL 3:28

Ariewe mandolokku sansul᷊ungngu taumata maṛṛaddo sara tiṛṛabbi, amungkangngu su orassa udde lai i'o wotongnge mantul᷊ungnge.

YEHEZKIEL 18:7

I tou tawe saran paassa mallinga ara'e mangaṛṛo. Manga saranapa ere wataṛṛun taumata apan pia awallassa si tou sidutu iappawelenge. Taumata apan niamal᷊unusanna nionggolanni tou anna wuṛṛu taumata apan tawe laubba, i tou nianggilanne laubba.

YEHEZKIEL 22:12

Piaddu lai apan naola'a mamamate wabbaeṛṛanna, taṛṛal᷊inga wuṛṛu taṛṛa woddo manga taumata sambalahanne. I mangitou sarangkanambone na'abul᷊i-U te. I Ya'u Mawu Apan Atanggaṛṛanne buatte nabbisara.

IMAMATTA 25:14

Nariaddi amungkangngu i yamiu mabbal᷊u'u leta'a su sansul᷊ungngu taumatan Israel, ara'e mamalli leta'a wuassi tou, imbaṛṛangnga mabbawalli udde ṛingannu tawe su tul᷊idde.

IMAMATTA 25:17

Imbaṛṛangnga mamahia su sansul᷊ungngu taumatan Israel, arawe ṛinone i yamiu mata'uttu Mawu, Ruatanu.

AYUB 7:2

naal᷊ihidda allangnga apan luṛṛintulun passirunganna; naal᷊ihidda taumatan sewa apan uaṛṛaddo sewane.