IMAMATTA 18:24 - WUKE SUSI WATTI'U AL᷊AL᷊USASSA

²⁴ Arie watangannu ma'ola'a paddarosa ringannu manga inolaanna udde, ana waugu ringannu olangnge udde manga walahanna apan uatana'a su Kanaan tantal᷊anna i yamiu taambe, buatte nanggalusa'a wadangngi mangitou. Ana waugu udde i mangitou nilimbuaṛṛannu Mawu, tadea'u i yamiu wotongnge mamanua su wanua udde.

IMAMATTA 18:24 Referans Kwoze

TAHIUL᷊E 18:12

Taumata apan ma'ola'a inolaanna lal᷊eo udde ia'arantinnu Mawu Ruatanu, wuṛṛu ana waugu udde manga walahanna udde nilimbuaṛṛan-Ne wuassu saruannu.

IMAMATTA 18:30

Ne Mawu nabbisara, “Paatuṛṛutte su manga atoranna apan Ta'u nionggola wuṛṛu imbaṛṛangnga mattanno inolaannu manga taumata uatana'a su leta'u Kanaan tantal᷊anna i yamiu taambe nirumanta. Imbaṛṛangnga i yamiu mandal᷊eo watanganni yamiu sassane ringannu ma'ola'a manga pallal᷊aghu udde. I Ya'u Ruatanu.”

1 KORINTUS 3:17

Amungkangngu pia taumata manggohakku Wal᷊en Duata, Ruata lai sarun manggohakku taumata udde. Ana waugu Wal᷊en Duata udde tumba'u hunane su Ruata sassane, wuṛṛu eteudde i yamiu Wal᷊e-Ne.

YEREMIA 44:4

I Ya'u ṛinone sidutu mandolokka ringanni yamiu manga allang-Ku manga nabi, apan manningaddi mangitou ma'ola'a al᷊al᷊eo apan iaaranting-Ku udde.

TAHIUL᷊E 12:31

Lalaghu manga walahanna udde massubba manga mawun mangitou, imbaṛṛangnga tannoanni yamiu ipassubba Mawu Ruatanu, ana waugu i mangitou massubba ringannu manga inolaanna lal᷊eo apan ia'arantinnu Mawu. Ewe'e lai manga ana'i mangitou sassane tutunganni mangitou su wowon mezbah maola'a sasamba su manga Mawu mangitou.

IMAMATTA 18:3

Imbaṛṛangnga mattanno inolaannu taumatan Mesir, su tampa i yamiu buatte natana'a, ara'e taumatan Kanaan, watukku apa orassa indi Ya'u mangapiddi yamiu.

PANDARIADDI 15:16

Napawe nal᷊iute papapulunnu su aippatu ṛawanne, papapulunnu sarun mabelengnga apia isindi, ana waugu i Ya'u tawe mallimbuakka taumatan Amori tantal᷊anna i mangitou taambe naola'a aroddi al᷊aleone ma'oman sara wotongnge iṛṛuumanna.”

REENGANNA 35:34

Ariewe mandal᷊eo leta'a apan wawanuanni yamiu, ana waugu ete i Ya'u Mawu, wuṛṛu i Ya'u uatana'a su pattangngannu walahannu Israel.”

TAHIUL᷊E 9:4

Napawe Mawu Ruatanu buatte nallimbuakka si mangitou hunan kamiu, arie massunna manungku i yamiu niapiddi Tou inaiaroddi iapatahuanna leta'a udde ana waugu i yamiu tuttuṛṛutta apulun Mawu Ruatanu na'oman sara i yamiu suṛṛinone manengkamma leta'a. Mangke tawe! Mawu nallimbuakka manga walahanna udde hunan kamiu ana waugu i mangitou lal᷊eo. Mawu namalan kamiu manahuanna leta'i mangitou, ana waugu i Tou ma'apulu manipussu pa'aire-Ne su iupungngu al᷊amonanu i Abraham, i Ishak wuṛṛu i Yakub.

1 MARARATU 9:7

ne i Ya'u sarun mallimbuakka uma-U wuassu wanua apan buatte Ta'u nionggolla si mangitou. I Ya'u lai sarun manantangngu wal᷊en indi apan buatte Ta'u nitantunna maola'a tampa patataṛṛamawuanna si Ya'u. Suapan tampa taumatan Israel sarun lobbosanna wuṛṛu ilallage.

EZRA 9:1

Napawe sarangkanambone udde buatte niapaamatta, manga pira matatimmaddu walahannu Israel nirumanta ringangku. I mangitou namasingkatta manungku tumana'u Israel, nasutta lai manga imam, wuṛṛu manga taumatan Lewi tawe maṛṛaen batanganne wuassu manga walahanna apan uatana'a maranine isudde, eteudde walahannu Amon, Moab, Mesir, Kanaan, Het, Feris, Yebus, wuṛṛu Amori. Ewe'e lai manga imam wuṛṛu manga taumatan Lewi na'ola'a aroddi. I mangitou sarangkanambone na'ola'a manga pallal᷊agu apan maarantinna apan a'olaannu manga walahanna udde.

DARALO 106:39

Ana waugu manga inolaanna udde i mangitou narosa, wuṛṛu tate maddaringikka Ruata.

MAL᷊AṚṚUUNGNGA 20:5

Wua'udde manga taumatan Gibea nirumanta sutempo ṛabbi udde maddea'a si ya'u. I mangitou namal᷊iwutta wal᷊en sutampa i ya'u manaṛabbi ringannu pandumma mamate si ya'u, arawe wua'udde i mangitou nassawa awingku na'oman sara nate.

MAL᷊AṚṚUUNGNGA 20:6

Ne i ya'u nangapiddu winal᷊unanne ana see ta'u niponggo'a, wua'udde nionggola su mapul᷊o dua ruanganna sulal᷊ummu walahanni ite sambau-sambau passangkabuwu. Olangnge udde ta'u niola'a ana waugu manga taumatan Gibea udde buatte na'ola'a sambau al᷊al᷊eo wuṛṛu ma'asili taumatan Israel.

MAL᷊AṚṚUUNGNGA 20:10

Sepere mapul᷊o wuassu anambon esakku Israel ṛinone manaddia wiakka anna ipanaru si mangitou apan inai mapapangalo. Ingana'a waine inai mamangalo Gibea, makkuumanni mangitou ana waugu al᷊al᷊eo apan buatte niola'i mangitou suwallatu walahannu Israel.”

2 TAWARIKH 33:2

I tou na'ola'a rosa su lantakku hatin Mawu, ana waugu nangaṛṛussa manga anaramma lal᷊eo wuassu walahanna apan nilimbuaṛṛannu Mawu wuassu Kanaan sutempo taumatan Israel sinumuttate su wanua udde.

YEHEZKIEL 36:17

“Ei taumata apan mattate, sutempo manga taumatan Israel uatana'a su wanua mangitou sassane, i mangitou buatte nandal᷊eo ringannu inolaanna wuṛṛu ala'uanni mangitou. I Ya'u ma'ellega ala'uanni mangitou udde palli, ere wawine apan tantal᷊anna aamatannu radda'u wawine.