IMAMATTA 17:15 - WUKE SUSI WATTI'U AL᷊AL᷊USASSA

¹⁵ Suapan taumatan Israel ara'e taumata raho apan uminassa ṛemessu binatangnga apan nate sassane ara'e nate niaṛṛattu binatangnga mal᷊aṛṛaga, ṛinone mabbansalla laungnge ana see mandeno wuṛṛu mallaṛṛaddo maddatingngu matannallo umattuppa, wakkute udde i tou mabbal᷊i waresi.

IMAMATTA 17:15 Referans Kwoze

TAHIUL᷊E 14:21

Winatangnga apan nate sassane imbaṛṛangnga inasanni yamiu, arawe wotongnge inasannu taumata raho apan uatana'a suwallati yamiu, ara'e iwal᷊u'a su walahanna raho. I yamiu uddewe al᷊aṛṛana'a apan niaṛṛaen Mawu Ruatanu. Ṛemessu ana'u domba ara'e ana'u ambinga imbaṛṛangnga lahannu ua'en susun inangnge.”

IMAMATTA 22:8

I tou imbaṛṛangnga uminassa ṛemessu winatangnga apan nate sassane ara'e nate niaṛṛattu winatangnga mal᷊aṛṛaga. Amungkangngu i tou niuminassa, i tou mabbal᷊i ma'arantinna. Ete i Ya'u Mawu.

SASABANGNGA 22:31

I yamiu al᷊aṛṛana-U, ana waugu udde al᷊awo'u winatangnga apan niaṛṛattu winatangnga mal᷊aṛṛagga, imbaṛṛangnga inasanni yamiu remenne; onggola'e udde su manga asu.”

SONDAPPA 7:14

“I ya'u wagga Tuangnga. I Tuangnga sassane masingkata,” sasimba'u. Ne i tou nabbisara si ya'u, “Ete indi manga taumata apan suete ringannu sal᷊amatta naralukka wuassu pananansara apan wahewalla. I mangitou suete nabbansala jubah mangitou wuṛṛu niola'i mangitou nabbal᷊i mawira ringannu ṛaṛṛan Ana'u Domba udde.

YEHEZKIEL 44:31

Manu'u winalanganna wuṛṛu manga winatangnga waine apan nate sassane, ara'e apan nitamboannu winatangnga mal᷊aṛṛaga, tawe wotongnge inasannu manga imam.”

YEHEZKIEL 4:14

Arawe i ya'u sinumimbakka, “Uare Mawu Apan Atanggaṛṛanne! Ro'en ta'e addio'a naddatingngu orassa indi, taambe saran paassa nalluhudda wadangku ringannu anna wuassu binatangnga nate ara'e anna lamben winatangnga mal᷊aṛṛaga. Taambe saran paassa niumanna anna apan ipappalli.”

IMAMATTA 15:5

Isai-sai apan nangindingnga taumata apan asabbangngu nana su tampan atatiil᷊anne, ara'e niuma'ianna su tampa apan buatte niaiananne, ara'e niadduannu taumata udde, ṛinone mabbansalla laungnge wuṛṛu mandeno, wuṛṛu i tou ma'arantinna maddatingngu matannallo umattuppa.

REENGANNA 19:21

Atoranna udde ipappaatta saran mal᷊annu-l᷊annu. Taumata apan nangalassu ua'e lal᷊aghu udde ṛinone mabbansalla laungnge wuṛṛu taumata apan nawokkannu ua'e udde mabbal᷊i ma'arantinna maddatingngu matannallo umattuppa.

REENGANNA 19:19

I tou ṛinone mamokka su allo atallune wuṛṛu su allo appitune. Su allo appitune udde nasuete lal᷊aghu pangangukkasa taumata apan ma'arantinna udde. Taumata udde ṛinone mabbansalla wuṛṛu mandeno. Manattakka matannalo umattuppa i tou nawaresite.

REENGANNA 19:8

Taumata apan nanambunnu sapi udde lai ṛinone mabbansalla laungnge wuṛṛu mandeno; i tou lai ta'e ma'arantinna maddatingngu matannallo umattuppa.

IMAMATTA 15:21

Isa-sai apan nangindingnga tampa apan buatte niatiil᷊anna ara'e niaianannu wawine tantal᷊anna niarantannu radda'u wawine, ṛinone mabbansalla laungnge wuṛṛu mandeno, wuṛṛu i tou ma'arantinna maddatingngu matannallo umattupa.

IMAMATTA 15:10

Isai-sai apan nangindingnga tampa lanna'a niaianannu taumata udde, mabbal᷊i ma'arantinna maddatingngu matannallo umattuppa. Suapan taumata apan mamasanna luranna udde ṛinone mabbansalla laungnge wuṛṛu mandeno, wuṛṛu i tou ma'arantinna maddatingngu matannallo umattuppa.

IMAMATTA 7:24

Tawan binatangnga apan nate sassane ara'e ana waugu niaṛṛatu binatangnga mal᷊aṛṛaga, tawe wotongnge inasanna arawe wotongnge ipaatta su hausanne waine.

IMAMATTA 11:40

Taumata apan uaapidda ara'e niumanna winal᷊unanna udde ṛinone mabbansalla laungnge, arawe i tou sidutu ma'arantinna madatingngu matannallo umattupa.

SASABANGNGA 22:30

see lai sapi wuṛṛu domba esakka apan paarorone niasungkangnga. Wala'e manga winatangnga udde matana'a ringannu inangnge al᷊annune pitu allo, ana see tantil᷊a'e si Ya'u su allo aual᷊une.

IMAMATTA 11:24

Sangkatou nabbal᷊i maarantinna maddatingngu matannallo umattuppa amungkangngu i tou nangindingnga winal᷊unannu winatangnga indi: winatangnga apan pia anuune, tabene'e anuune nawa'a wuṛṛu sussappa paarua, wuṛṛu winatangnga leddane appata wuṛṛu pia aalakke. Isai-sai apan mangapiddu hatin winal᷊unannu winatangnga udde ṛinone mabbansalla laungnge, arawe i tou ta'e maarantinna maddatingngu matannallo umattuppa.

IMAMATTA 11:31

Isai-sai apan nangindingnga winatangnga udde ara'e winal᷊unanne mabbal᷊i ma'arantinna maddatingngu matannallo umattuppa.

IMAMATTA 11:32

Amungkangngu winal᷊unannu winatangnga udde nanawo su sambau saranapa, ne saranapa udde mabbal᷊i ma'arantinna. Olangnge udde mariaddi su al᷊awo'u hatin saranapa wuassu alu, mal᷊aṛṛenessa, pisi, ara'e nasa karongnga wuṛṛu tawe maola'a hatto su ola'u saranapa udde i pappaatta. Saranapa udde ṛinone ilakkumma sulal᷊ummu ua'e, arawe sidutu ma'arantinna maddatingngu matannallo umattuppa.

IMAMATTA 11:39

Isai apan napangassa winal᷊unannu winatangnga apan tawe ipappalli mabbal᷊i ma'arantinna maddatingngu matannallo umattupa.