IMAMATTA 16:29 - WUKE SUSI WATTI'U AL᷊AL᷊USASSA

^29-31 Manga atoranna indi ṛinone ipaatta saran mal᷊annu-l᷊annu. Su allo appul᷊one wul᷊anna appitune, taumatan Israel wuṛṛu taumata raho apan uatana'a su wallatti mangitou ṛinone mappuasa wuṛṛu imbaṛṛangnga mammanara, ana waugu allo indi allo apan lembon susi. Su allo udde ṛinone olaanna lal᷊aghu ipamaresi walahannu Israel wuassu al᷊awo'u rosan mangitou tadea'u i mangitou mawaresi.

IMAMATTA 16:29 Referans Kwoze

YESAYA 58:3

Walahanna udde naiwal᷊o, “Apa hunane mappuasa amungkangngu Mawu tawe maasilo? Apa hunane i ite mattingkawawon batanganni ite amungkangngu i Tou tawe mappandumma?” Mawu nabbisara, “Atonna-tonna manungku tantal᷊anna i yamiu mappuasa, i yamiu maddea'a auntunganna sassane wuṛṛu mammoddo manga taumatan sewanu.

REENGANNA 29:7

Su allo appul᷊one wul᷊anna appitune i yamiu ṛinone ma'ola'a ammulu patataṛṛamawu. Su allo udde i yamiu ṛinone mappuasa wuṛṛu tawe wotongnge mammanara.

DANIEL 10:12

Wua'udde wisarane si ya'u, “Daniel, arie paata'utta. Ruata buatte naddaringikka aal᷊iomannu ro'en allo paarorone i'o nakkawessa tadea'u mapaawawon batangannu tadea'u maola'a pande. I ya'u nirumantate maola'a sasimbakku aal᷊iomannu.

YESAYA 58:5

Napawe i yamiu mappuasa, i yamiu mannansara watangannu, i yamiu uaru'uttu puanu ere rongngan wal᷊abbuka. I yamiu mammilattu kaingnga karongnga wuṛṛu mannal᷊iawukku awu, see natiilla rosone. Eteudde apan isassaggon kami mappuasa? Sunannu i Ya'u mal᷊uassa su inolaanni yamiu udde?

DARALO 35:13

Sutempo i mangitou maradda'a, i ya'u massusa wuṛṛu tawe umanna; i ya'u u'al᷊iomanna ringannu uaruutta,

IMAMATTA 23:21

Su allo udde i yamiu ṛinone ma'ola'a ammul᷊annu patataṛṛamawu wuṛṛu tawe wotongnge mammanara mawakkata. Atoranna indi ṛinone tattuṛṛutannu papapulunnu saran mal᷊annu-l᷊annu, su al᷊awo'u tampa i mangitou uatana'a.

SASABANGNGA 20:10

arawe allo appitune uddewe allo pangillol᷊oanna apan niṛṛae tumba'u hunane si Ya'u. Su allo udde tawe saran sangkatou apan botongnge mammanara, mawae i yamiu, ara'e lai manga anangngu, manga allangngu, winatangngu ara'e taumata raho apan uatana'a su wanuanu.

IBRANI 4:10

Ana waugu taumata apan nanengkamma pangangillol᷊o apan nipa'iren Ruata si tou udde, sarun mangillol᷊o lai wuassu anambon manarane, ere lai Ruata.

1 KORINTUS 11:31

Arawe amungkangngu i ite mamarikissa wadangngi ite rorone, i ite tawe iṛṛuumannu Ruata.

DANIEL 10:3

Al᷊annune sutempo udde i ya'u tawe umanna anna apan matemangnga ara'e lai ṛemessa; i ya'u tawe ma'inumma anggore, wuṛṛu tawe lai maaṛṛo uta'a.

YESAYA 58:13

Mawu nabbisara, “Pangaddatte allon Sabatta maola'a allo huna Mawu. Imbaṛṛangnga mammanara hausannu sassane su allo udde. Laghua'e allo udde maola'a allo al᷊al᷊uassa; Pangaddatte allon Mawu ringannu tawe sumal᷊ele; arie lai mammanara ara'e mabbisara wisara apan tawe gunane.

DARALO 69:10

Ikka'u nahewalla ana waugu darangngu su Wal᷊en-Nu, manga al᷊uandagu taumata apan mallobbosa Si'o naṛṛia'a su waddangku.

EZRA 3:1

Su wul᷊anna appitune, manga taumatan Israel namanuate su soane sambau-sambau. Su allo paarorone wul᷊anna udde i mangitou nammulla su Yerusalem,

1 MARARATU 8:2

Ne i mangitou sarangkanambone nirumantate su Allon Ramea Rasannu Rongnga sulal᷊ummu wulanna Etanim.

IMAMATTA 23:3

Pia annummu allo ipammanara, arawe allo appitune, allon Sabat, eteudde allo pangillol᷊oanna apan niṛṛaen Mawu. Su allo udde ṛinone i yamiu ma'ola'a ammul᷊annu patataṛṛamawu wuṛṛu imbaṛṛangnga mammanara.

SASABANGNGA 30:10

Santonna paassa i Harun ṛinone ma'ola'a lal᷊aghun pangangukassa mezbah ringannu mangalassu daṛṛan binatangnga apan niola'a sasamba su tatandungnge appata maola'a aampungnga rosa. Olangnge udde ṛinone olaanna suapan tonna su al᷊o'engngu tempo. Mezbah udde ṛinone susi sarangkahewalle wuṛṛu ṛaea'e si Ya'u.”

SASABANGNGA 12:16

Su allo paarorone, wuṛṛu lai su allo appitune, i yamiu ṛinone ma'ammulla mattaṛṛamawu. Su allo udde imbaṛṛangnga i yamiu mammanara tabene'e mallaha anna.

WATTI'U MANGA RASUL 27:9

Su tempo udde Allo Wahewan Paddaramen taumatan Yahudi nal᷊iute. Manambo tempo naholo'a si yami, na'oman sara tate tempone lai yami massenggota lenakka. Ana waugu udde i Paulus nanantiro arendi si mangitou,

SASABANGNGA 31:14

Allon pangillol᷊oanna udde ṛinone addatanni yamiu maola'a sambau allo apan susi. I yamiu Ta'u nionggol᷊annu annummu allo ipammanara, arawe allo appitune eteudde allo wahewalla apan niṛṛae si Ya'u. Isai apan tawe mangaddata allo udde, arawe mammanara su allo udde ṛinone iṛṛuumanna pateanna.

IMAMATTA 3:17

Taumatan Israel imbaṛṛangnga umanna tawa ara'e daṛṛa. Atoranna udde iapaamatta saran mal᷊annu-l᷊annu wuṛṛu tattuṛṛutannu suapan taumatan Israel apan uatana'a su al᷊awo'u tampa.

1 SAMUEL 7:6

Ana see i mangitou sarangkanambone naammulle su Mizpa. I mangitou nania ua'e ana see nilal᷊inna maola'a sambau sasamba su Mawu, see lai i mangitou nappuasa su al᷊o'engngu allo udde. I mangitou nabbisara, “Yami buatte na'ola'a rosa su saruannu Mawu.” (Su Mizpa udde i Samuel nanattakke nanginsue hatton pabbawawul᷊on taumatan Israel.)

EZRA 8:21

Ana see su wingngin Sal᷊ukku Ahawa udde i ya'u niumal᷊iata manungku sarangkanambone ṛinone mappuasa wuṛṛu uma'ukku'u watanganne su saruannu Ruata. I yami niumal᷊iomanna tadea'u Ruata mamiaṛṛa'i yami sulal᷊ummu amatanna udde, see mallu'adda si yami, manga ana'i yami, wuṛṛu al᷊awo'u darotongngi yami.

IMAMATTA 25:9

Ana see su allo appul᷊one wul᷊anna appitune, eteudde allo pangampunganna rosa, doloṛṛa'e taumata maniuppa trompeta su al᷊awo'u tampa su ahewallu wanua.