IMAMATTA 16:28 - WUKE SUSI WATTI'U AL᷊AL᷊USASSA

²⁸ Taumata apan nanambunna ṛinone mabbansalla laungnge wuṛṛu mandeno tantal᷊anna i tou taambe mapul᷊e watukku paddasananna.

IMAMATTA 16:28 Referans Kwoze

REENGANNA 19:7

Wua'udde imam ṛinone mangukkassa laungnge wuṛṛu mandeno. Wua'udde i tou wotongnge sumutta sulal᷊ummu paddasananna, arawe i tou ta'e ma'arantinna maddatingngu matannallo umattuppa.

REENGANNA 19:8

Taumata apan nanambunnu sapi udde lai ṛinone mabbansalla laungnge wuṛṛu mandeno; i tou lai ta'e ma'arantinna maddatingngu matannallo umattuppa.

IMAMATTA 11:24

Sangkatou nabbal᷊i maarantinna maddatingngu matannallo umattuppa amungkangngu i tou nangindingnga winal᷊unannu winatangnga indi: winatangnga apan pia anuune, tabene'e anuune nawa'a wuṛṛu sussappa paarua, wuṛṛu winatangnga leddane appata wuṛṛu pia aalakke. Isai-sai apan mangapiddu hatin winal᷊unannu winatangnga udde ṛinone mabbansalla laungnge, arawe i tou ta'e maarantinna maddatingngu matannallo umattuppa.

IMAMATTA 11:40

Taumata apan uaapidda ara'e niumanna winal᷊unanna udde ṛinone mabbansalla laungnge, arawe i tou sidutu ma'arantinna madatingngu matannallo umattupa.

IMAMATTA 15:5

Isai-sai apan nangindingnga taumata apan asabbangngu nana su tampan atatiil᷊anne, ara'e niuma'ianna su tampa apan buatte niaiananne, ara'e niadduannu taumata udde, ṛinone mabbansalla laungnge wuṛṛu mandeno, wuṛṛu i tou ma'arantinna maddatingngu matannallo umattuppa.

IMAMATTA 16:26

Taumata apan namallossu ambinga si Azazeel su wadda'a ṛinone mabbansalla laungnge wuṛṛu mandeno tantal᷊anna taambe mapul᷊e watukku paddasananna.

REENGANNA 8:7

ringannu olangnge indi: saṛṛanite i mangitou ringannu ua'e hunan lal᷊aghun pamamaresi wuṛṛu doloṛṛae i mangitou mangiṛṛi ahewallu watanganne wuṛṛu mabbansalla laubbi mangitou. Ringannu aroddi i mangitou nawaresite.

REENGANNA 19:10

Taumata apan mangngammulu awun sapi udde ṛinone mabbansalla laungnge, arawe i tou ma'arantinna maddatingngu matannallo umattuppa. Atoranna udde ipaatta saran mal᷊annu-l᷊annu, mawae su taumatan Israel ara'e lai su taumata raho apan uatana'a namanua su pattangnganni mangitou.

YOHANES 13:10

“Taumata apan suete nandeno, nawaresite sarangkanambone,” wisara Mawu Yesus si Petrus. “I tou salaiwe tate waresianna; tumba'u leddane. I yamiu indi nawaresite, arawe tawe sarangkanambone.” (