IMAMATTA 16:21 - WUKE SUSI WATTI'U AL᷊AL᷊USASSA

²¹ I tou ṛinone mangandangngu darua limane su wowo puan ambinga udde lapiddu manga'u anambon pasasal᷊ane, rosa wuṛṛu lal᷊awangngu walahannu Israel. Ringannu aroddi anambon pasasal᷊an balahannu Israel niingkatta su puan ambinga udde. Ana see sangkatou apan niapamanara ṛinone mallimbuakka ambinga udde watukku wadda'a.

IMAMATTA 16:21 Referans Kwoze

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

YESAYA 53:6

I ite sarangkanambone nial᷊iwune ere domba, sambau-sambau maddea'a lal᷊anne sassane. Mawu buatte nangema'a si tou al᷊al᷊eo kite sarangkanambone.

DARALO 51:3

Akkanaawe i ya'u oh Ruata, ana waugu I'o sidutu marangngu, pappasawe rosa'u ana waugu darangngu-Nu apan wahewalla.

EZRA 10:1

Tantalanna Ezra u'al᷊iomanna lapiddu lulluai wuṛṛu mangnga'u rosa su saruannu Wal᷊en Mawu, manambo atonna taumatan Israel naammulla, mawae esakka, aroddi lai wawine wuṛṛu al᷊aṛṛana'a. I mangitou uapal᷊iwutta si tou lapiddu lulluai ma'ikka-ikkatta.

ROMA 10:10

Ana waugu ringannu naungnge taumata mangngimanna, na'oman sara Ruata nanengkamma si tou naola'a sangkatou taumata apan uasasangkapia Ruata. Wuṛṛu ringannu moṛṛongnge taumata mangnga'u, na'oman sara i tou naasomba asasal᷊amatta.

AMSAL 28:13

Isai apan mammunin dosane tawe mauntungnga. Isai manga'u wuṛṛu manantangngu rosa, sarun dangnguannu Mawu.

DARALO 32:5

Ana see i ya'u nanga'ute rosa'u Si'o, pasasal᷊a'u taweddu ta'u niwuni. I ya'u nakkawessa, sarangkanambone a'uanna Si'o, ne I'o nangampunga rosa'u.

IMAMATTA 26:40

Arawe papapulunnu sarun manga'u rosan iupungu al᷊amonan mangitou apan buatte nanal᷊are si Ya'u wuṛṛu nilumawanga si Ya'u,

SASABANGNGA 29:10

Wua'udde sapi esakka udde ṛinone iapiddu su saruannu Rasang-Ku. I Harun wuṛṛu manga anangnge ṛinone mangaddon lima mangitou su wowon puan binatangnga udde.

IMAMATTA 5:5

Sulal᷊ummu hatto udde, taumata apan nassal᷊a ṛinone manga'u pasasal᷊ane.

IMAMATTA 1:4

Ana see i tou ṛinone mangaddon limane su puan binatangnga udde, ne sasambane sarun sengkamannu Mawu ipangampungnga rosane.

IMAMATTA 16:20

Napawe buatte nangamattu lal᷊aghun pamamaresi Wabbo'a Lembon Susi wuṛṛu manga wageangnge waine wuassu Rasannu Mawu see lai mezbah, i Harun ṛinone mangonggola su Mawu ambinga apan ta'e wiakka apan nipile wuatti Azazeel.

IMAMATTA 16:22

Ambinga udde uaapiddu anambon dosan balahannu Israel su wageangngu leta'a mamara apan tawe atanaanna wuṛṛu i tou ṛinone ipallossa su wadda'a.