IMAMATTA 16:20 - WUKE SUSI WATTI'U AL᷊AL᷊USASSA

²⁰ Napawe buatte nangamattu lal᷊aghun pamamaresi Wabbo'a Lembon Susi wuṛṛu manga wageangnge waine wuassu Rasannu Mawu see lai mezbah, i Harun ṛinone mangonggola su Mawu ambinga apan ta'e wiakka apan nipile wuatti Azazeel.

IMAMATTA 16:20 Referans Kwoze

YEHEZKIEL 45:20

Pa'ola'e aroddi lai su allo appitune wul᷊anna udde, suapan taumata apan buatte na'ola'a rosa ringannu tawe nipatattudda ara'e ana waugu wagga. Ringannu olangnge udde i yamiu sarun maariaga asasusin Bal᷊e-U.

IMAMATTA 16:16

Ringannu olangnge udde i tou napaasusin Wabbo'a Lembon Susi wuassu paddarosan walahannu Israel wuṛṛu wuassu al᷊awo'u rosa mangitou. Rasannu Mawu ṛinone iapaasusi ana waugu addone supattangngannu paddasanannu walahannu Israel wuṛṛu naṛṛinoannu ararantinni mangitou.

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.

IBRANI 7:25

Ana waugu udde saran mal᷊annu-l᷊annu Mawu Yesus wotongnge manal᷊amatta manga taumata apan nirumanta ringannu Ruata sulal᷊ummi Tou, ana waugu i Tou mabbiakka saran mal᷊annu-l᷊annu ipangapiddu sasal᷊ande su Ruata, hunane su manga taumata udde.

KOLOSE 1:20

Wuṛṛu sulal᷊ummu Anang-Nge udde lai Ruata naṛṛingida mandiaddi manga al᷊awo'a maaukka apia ringanni Tou – mawae udde su runia, ara'e lai su surga. Ruata nandiaddi udde wuassu papaten Anang-Nge su alu arussa.

2 KORINTUS 5:19

I yami namasingkata manungku sulal᷊ummi Kristus, Ruata napaaukku taumata apia ringannu watangan-Ne. Ruata na'ola'a udde ringannu tawe naṛṛingiddu pasasal᷊a apan buatte niola'u taumata su saruannu watangan-Ne. Wuṛṛu i yami suete nirolokku Ruata iapapasingkatu Watti'a udde.

ROMA 8:34

Apa pia taumata apan mapaasal᷊an kite? Kristus Yesus sarun manamba'a si ite. Ete i Tou apan buatte nate, ara'e ete i Tou apan buatte nabbiakka apia wuassu papate wuṛṛu tampane ringannu Ruata, isudde i Tou mammarenta.

ROMA 4:25

Mawu Yesus udde buatte tinantilla iapapate ana waugu manga rosan kite, see i Tou niapaawiakku Ruata apia, tadea'u i ite maaukka apia ringannu Ruata.

IMAMATTA 8:15

Ana see i Musa namopotta wuṛṛu nanganu sambageanganna wuassu daṛṛane. Daṛṛa udde niwuṛṛan tal᷊imaddone su manga tatandu'a su manga pabbuuannu mezbah, tadea'u mezbah udde iṛṛae hanan Duata. Daṛṛa lambene niwokkan tou su apampakku mezbah. Etearoddi olangnge mezbah udde niola'a susi wuṛṛu niṛṛae hanan Mawu.

IMAMATTA 6:30

Winatangnga apan ipaatta su lal᷊aghun pangangampunga rosa apan nianu wuassu sambageanganna daṛṛane apan iapidda watukku Wabbo'a Susi, ṛinone itambunna ma'oman sara masue wuṛṛu tawe wotongnge annananna.

IMAMATTA 16:19

Ringannu tal᷊imaddone i tou ṛinone momokkan daṛṛa udde su wowon mezbah. Ringannu olangnge aroddi i tou namaresi mezbah wuassu ararantinnu walahannu Israel, tadea'u mabbal᷊i susi.

IMAMATTA 16:21

I tou ṛinone mangandangngu darua limane su wowo puan ambinga udde lapiddu manga'u anambon pasasal᷊ane, rosa wuṛṛu lal᷊awangngu walahannu Israel. Ringannu aroddi anambon pasasal᷊an balahannu Israel niingkatta su puan ambinga udde. Ana see sangkatou apan niapamanara ṛinone mallimbuakka ambinga udde watukku wadda'a.