IMAMATTA 16:18 - WUKE SUSI WATTI'U AL᷊AL᷊USASSA

¹⁸ i Harun ṛinone sumabbangnga wuṛṛu inai watukku mezbah sasamba itattambunna tadea'u ipamaresi mezbah udde. I tou ṛinone manganu addio'a daṛṛan sapi wuṛṛu daṛṛan ambinga, wuṛṛu mamuṛṛa su manga tatandu'a su manga pabbuuannu mezbah.

IMAMATTA 16:18 Referans Kwoze

IMAMATTA 4:7

Sambageanganna wuassu daṛṛa udde ṛinone iwuṛṛa su manga tatandu'a wuṛṛu su manga pabbuuannu mezbah dupa mawangngi sulal᷊ummu Rasanna, wuṛṛu lambene ṛinone iwokka su apampakku mezbah sasamba itattambunna apan uaraddo su saruannu Rasanna.

IMAMATTA 16:16

Ringannu olangnge udde i tou napaasusin Wabbo'a Lembon Susi wuassu paddarosan walahannu Israel wuṛṛu wuassu al᷊awo'u rosa mangitou. Rasannu Mawu ṛinone iapaasusi ana waugu addone supattangngannu paddasanannu walahannu Israel wuṛṛu naṛṛinoannu ararantinni mangitou.

IMAMATTA 4:18

Sambageanganna lai ṛinone iwuṛṛa su manga tatandu'a su manga wu'un mezbah amania sulal᷊ummu Rasanna, wuṛṛu lambene ṛinone ialassa su apampakku mezbah tampan sasamba itattambunna apan uaraddo su ngaran Dasanna.

SASABANGNGA 30:10

Santonna paassa i Harun ṛinone ma'ola'a lal᷊aghun pangangukassa mezbah ringannu mangalassu daṛṛan binatangnga apan niola'a sasamba su tatandungnge appata maola'a aampungnga rosa. Olangnge udde ṛinone olaanna suapan tonna su al᷊o'engngu tempo. Mezbah udde ṛinone susi sarangkahewalle wuṛṛu ṛaea'e si Ya'u.”

IBRANI 2:11

Mawu Yesus namaresi taumata wuassu manga rosa mangitou; wuṛṛu i Tou apan namaresi udde; see i mangitou apan niwaresi udde, uatahuanna Mawu Iamangnga sambau. Ana waugu udde Mawu Yesus tawe masili manga'u si mangitou maola'a manga tuṛṛang-Nge.

YOHANES 17:19

Su hausanni mangitou, i Ya'u nanantillu riri-U maola'a pussa'an Iamangnga sassane, tadea'u i mangitou lai maola'a pussa'an Iamangnga sassane sulal᷊ummu atatul᷊idda.

IMAMATTA 4:25

Imam ṛinone mangammon tal᷊imaddone sulal᷊ummu daṛṛan binatangnga udde ana see iwuṛṛa su manga tatandu'a su manga wu'un mezbah wuṛṛu lambene iwokka su apampakku mezbah.

IMAMATTA 16:17

Manattakka wuassu i Harun sumutta su Wabbo'a Lembon Susi mangamattu lal᷊aghun pangangukkassa maddatingngu i tou sumabbangnga, saran sangkatou tawe wotongnge sulal᷊ummu Rasanna udde. Napawe buatte nangamattu lal᷊aghu su batanganne sassane, su amonanne wuṛṛu su anambon balahannu Israel,

REENGANNA 28:22

Onggol᷊a'a lai sambau ambinga esakka maola'a sasamba ipangampungnga rosa. Ringannu olangnge aroddi yamiu na'ola'a lal᷊aghu pamamappassa rosan taumata.

YEHEZKIEL 43:20

Panganute addio'a daṛṛa wuṛṛu apua'e su manga tatandu'a su wuune appatta su puiddu mezbah udde, aroddi lai su manga wuune wageangngu tangngane see su uapal᷊iwutta winggi mezbah udde. Ringannu olangnge udde i'o napa'ukkassu mezbah udde wuṛṛu naṛṛae mezbah udde tumba'u si Ya'u.

YEHEZKIEL 43:22

Tiṛṛabbine i'o ṛinone mangonggollu sasamba sambau ambinga mendangenna apan tawe sangkulle tadea'u maola'a sasamba aampunga rosa. Ukkasse mezbah udde ringannu daṛṛan ambinga udde, nassul᷊ungngu apa apan niolangngu ringannu sapi esakka apan ta'e saṛṛen tumuwo udde.

YEHEZKIEL 45:19

Imam ṛinone manganu daṛṛa wuassu sasamba papappassa rosa udde, ana see iapu su manga diṛṛi ngaran Bal᷊e-U, wuṛṛu lai su manga ngara pasallanganna apan mattudda watukku rallakku lal᷊umme.