IMAMATTA 16:15 - WUKE SUSI WATTI'U AL᷊AL᷊USASSA

¹⁵ Wua'udde i Harun ṛinone mamototta ambinga maola'a sasamba ipangampungnga rosan balagu Israel. Daṛṛan ambinga udde ṛinone iapiddi tou watukku Wabbo'a Lembon Susi, ana see iwokka su wageangngu saruannu lal᷊uubbu Wantallu Pa'aire wuṛṛu su saruannu Wantalla, ere buatte niola'i tou su daṛṛan sapi esakka.

IMAMATTA 16:15 Referans Kwoze

IBRANI 9:7

Apan sussutta su wageangnge lal᷊umme su rasanna udde tumba'u imam wahewa. I tou mammanara udde tumbau santonna paassa. Udde mammanaranne ringannu mangngapiddu ṛaṛṛa ipassubba Ruata ana waugu watanganne sassane wuṛṛu ana waugu manga rosa apan niola'u pabbawalage su liuddu ṛingiranne.

IBRANI 9:12

Mawu Yesus sinumutta su Wabbo'a Lembon Susi sulal᷊ummu rasanna udde tumba'u paassa ma'oman sara mal᷊annu-l᷊annu. Su tempo udde i Tou tawe nangapiddu ṛaṛṛang kambinga esakka ara'e ṛaṛṛan ana'u sapi olaanna sassamba; i Tou nangapiddu ṛaṛṛan Tou sassane, wuṛṛu ringannu udde i Tou nanubusa rosang kite saran mal᷊annu-l᷊annu.

IBRANI 9:3

Su wageangu lal᷊umme, eteudde su liuddu pampele aruane, pia wabbo'a apan isassago Wabbo'a Lembon Susi.

IBRANI 2:17

Indi atappasanne manungku i Tou ṛinone maola'a uasul᷊unga ringannu manga tuṛṛa-Nge sulal᷊ummu al᷊awo'a. Wuṛṛu ringannu udde i Tou wotongnge maola'a Imam Wahewa apan matuṛṛuta wuṛṛu marangngu. Ringannu manara-Ne udde rosan taumata wotongnge aampunganna.

IBRANI 6:19

Antimmi ite udde ere wal᷊ango apan ual᷊abinga mal᷊al᷊umma wuṛṛu maola'a sambau pangangal᷊eanna apan matohassa wuṛṛu tawe singkal᷊one su pabbiaṛṛani ite. Antimma udde nallapasa su lal᷊indumu Wabbo'a Lembon Susi su Wal᷊e Mawu su surga.

IBRANI 5:3

Wuṛṛu ana waugu i tou sassane lome, ne i tou ṛinone mangonggolu sasamba, wal᷊ine tumba'u ana waugu rosan taumata, arawe ana waugu rosane lai sassane.

IMAMATTA 16:2

wisara-Ne, “Wal᷊oa'e si tuṛṛangngu i Harun, manungku tumba'u su tempo apan buatte nitantunna i tou wotonge sumutta su Wabbo'a Lembon Susi apan niwallatannu pampele, ana waugu ete isudde i Ya'u mattingka pasilon batangang-Ku sulal᷊ummu winabbawa su wowon lal᷊uubbu Wantallu Pa'aire. Amungkangngu i Harun lumawangnga parenta udde, i tou sarun mate.

IBRANI 7:27

I Tou tawe ere manga imam wahewa waine, apan miallo-miallo ṛinone mangapiddu sasamba ana waugu manga rosane sassane rorone, wua'udde ana waugu rosan walahanna. Mawu Yesus nangapiddu sasamba tumba'u paassa ma'oman sara mal᷊annu-l᷊annu, su tempo i Tou nattingkaola'u wadang-Nge sassane naola'a sambau sasamba.

IBRANI 9:13

Ṛaṛṛang kambinga wuṛṛu sapi esakka wuṛṛu awun sassamba ana'u sapi, nipaatta ipammokka manga taumata apan lal᷊eo tumuṛṛuttu atorannu agama tadea'u i mangitou mawaresi. Ne, amungkangu ṛaṛṛa wuṛṛu awu udde wotongnge maawaresi al᷊al᷊eo manga taumata udde,

IMAMATTA 4:21

Wua'udde sapi esakka udde ṛinone iapidda watukku liudde, wuṛṛu itambunna su liuddu paddasananna, ere lai su sasamba sapi esakka su ipangampungnga rosan Imam Bahewalla udde sassane. Etearoddi olangnge mangonggolu sasamba ipangampungnga rosan taumata.

IMAMATTA 4:5

Sambageanganna wuassu daṛṛane ṛinone iapiddi tou sumutta sulal᷊ummu Rasanna.

REENGANNA 17:11

I Musa tiumuṛṛutta sarangkanambone apan nirolokku Mawu.

REENGANNA 28:15

Maola'a tatambane su sasamba itattambunna udde mamiallo ringannu sasamba ua'en anggore, ṛinone i yamiu mangonggolu lai sambau ambinga esakka maola'a sasamba ipangampungnga rosa.