IMAMATTA 16:13 - WUKE SUSI WATTI'U AL᷊AL᷊USASSA

¹³ Dupa udde ṛinone itambunni tou su saruannu Wantallu Pa'aire, ma'oman sara timbulle mangooppa lal᷊ubbu Wantalla udde wuṛṛu i Harun tawe maasilo, ana waugu amungkangngu i tou ma'asilo, i tou sarun mate.

IMAMATTA 16:13 Referans Kwoze

SASABANGNGA 25:21

Addoa'e watu darua sulal᷊ummu wantalla udde wuṛṛu paseiten lal᷊uube rosone.

SASABANGNGA 30:1

Mawu nabbisara apia si Musa, “Pa'ola'e wuassu alu akasia sambau mezbah tampa pananutunganna amania.

IBRANI 9:24

Ana waugu i Kristus tawe sinumutta su Wabbo'a Susi inolaannu taumata, apan tumba'u hambarannu Wabbo'a Susi apan ṛinone. Mawu Yesus sinumutta sassane su surga; poiaroddi orassa indi i Tou uasaruanna Ruata hunane si ite.

IBRANI 7:25

Ana waugu udde saran mal᷊annu-l᷊annu Mawu Yesus wotongnge manal᷊amatta manga taumata apan nirumanta ringannu Ruata sulal᷊ummi Tou, ana waugu i Tou mabbiakka saran mal᷊annu-l᷊annu ipangapiddu sasal᷊ande su Ruata, hunane su manga taumata udde.

REENGANNA 16:46

ana see i Musa nabbisara si Harun, “Anute tampan putungngu, wuṛṛu loṛṛoiten waṛṛan putungnga wuassu mezbah wuṛṛu taṛṛoin amania su wowone. Apira'e paal᷊ihakke ringannu ṛuanganna wuṛṛu pa'ola'e lal᷊aghu pangangampunga rosa si mangitou. Paal᷊ihakka! Asasa'u Mawu sinumawudde wuṛṛu al᷊aṛṛusa'itta mannattakke.”

REENGANNA 16:18

Ne sambau-sambau nanganu tampan putungnge, tinaṛṛoannu waṛṛan putungnga wuṛṛu amania, ana see dirumarisikka su ngaran Dasanna Mawu suadio'a ringanni Musa wuṛṛu i Harun.

IMAMATTA 22:9

Anambon imam ṛinone tumuṛṛutta manga atoranna apan Ta'u nionggolla. Amungkangngu tawe, i mangitou nassal᷊a wuṛṛu sarun mate, ana waugu nilumawangnga manga atoranna apan susi. Ete i Ya'u Mawu, wuṛṛu ete i Ya'u Mawu apan naṛṛae mangitou huna-U.

SASABANGNGA 28:43

Sal᷊ana udde ṛinone sidutu ilalluṛṛen mangitou su tempo sumutta sulal᷊ummu Rasang-Ku ara'e mangundanin mezbah wuṛṛu ma'ola'a patataṛṛamawu sangkatou imam su Wabbo'a Susi, tadea'u i mangitou tawe mate ana waugu niasiloanna wageangngu wadangnga apan tawe suṛṛinone ellehanna. Atoranna udde sidutu iappaamatta si Harun wuṛṛu papapulunne.”

REENGANNA 4:15

Mawu nabbisara si Musa wuṛṛu si Harun, “Su tempo i yamiu manggohakku paddasananna, i Harun wuṛṛu al᷊aṛṛanangnge ṛinone sumutta sulal᷊ummu Rasang-Ku wuṛṛu manaappa anambon saranapa wuṛṛu aolangnge apan uaraddo isudde. Napawe wua'udde, manga taumatan Kehat wotongngete rumanta mamasanna. Arawe tawe wotongnge i mangitou ma'ellega, mangundani ara'e mangindinga manga saranapa udde, ana waugu buatte niṛṛae huna-U. Amungkangngu udde olaanni mangitou lai, i mangitou sarun mate. Nariaddi tadea'u manga taumatan Kehat udde tawe mapappassa wuassu ṛuanganni Lewi, i Harun wuṛṛu al᷊aṛṛanangnge ṛinone mapamanaran sangkatou-sangkatou su wallati mangitou apan ṛinone iapiddi mangitou. Eteudde manaran taumatan Kehat su tempo Rasang-Ku iingkatta. I Eleazar ana'i Harun, uariaga ahewallu Rasang-Ku, lanan sol᷊o, amania, sasamba gandumma ia'imbe mamiallo, lanan lal᷊aghu wuṛṛu sarangkanambone apan uaraddo sulal᷊ummu Rasangku udde.”

TAHIUL᷊E 33:10

I mangitou mangngaṛṛa'a al᷊aṛṛanang-Ngu tuttuṛṛutta anambon parenta-Nu wuṛṛu mangonggolu sasamba su meddan sasamba-Nu.