IMAMATTA 15:14 - WUKE SUSI WATTI'U AL᷊AL᷊USASSA

¹⁴ Su allo aual᷊une i tou ṛinone mangapiddu darua manu'a merpati saṛṛen tumuwo ara'e manu'a bakiangnga saṛṛen tumuwo watukku saruannu ngaran Dasannu Mawu ana see manantilla su imam.

IMAMATTA 15:14 Referans Kwoze

IMAMATTA 12:8

Amungkangngu wawine udde tawe maasaddia sambau ana'u domba, i tou ṛinone mangapiddu ruan bau manu'a merpati saṛṛen tumuwo ara'e bakiangnga saṛṛen tumuwo; sambau maola'a sasamba itattambunna wuṛṛu sambau lai maola'a sasamba ipangampungnga rosa. Imam ṛinone ma'ola'a lal᷊aghun ipamappassa rosan bawine udde, ne i tou nabbal᷊ite waresi.

IBRANI 10:14

Nariaddi ringannu sasamba sambau, i Kristus napaasuungngu manga taumata apan suete niwaresi wuassu rosa.

IBRANI 10:12

Arawe i Kristus tumba'u nangonggolu sambau sasamba ipanubbusa rosa, wuṛṛu sasamba udde ipappaatta saran mal᷊annu-l᷊annu. Napawe suete nanantillu sasamba udde, i Kristus inuma'ianna su uanannu Ruata wuṛṛu mammarenta suadio'a ringanni Tou.

IBRANI 10:10

Yesus Kristus suete tinumuṛṛuta apa apan ipaapulun Ruata wuṛṛu nanantillu watanganne maola'a sassamba. Ringannu sasamba udde, apan niolangnge tumba'u paassa ma'oman sara mal᷊annu-l᷊annu, i ite sarangkanambone niwaresi wuassu rosa.

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

REENGANNA 6:10

Su allo aual᷊une i tou ṛinone mangapiddu darua manu'a merpati ara'e darua manu'a bakiangnga ringannu imam su ngaran Dasannu Mawu.

IMAMATTA 12:6

Napawe nal᷊iudde tempone i tou na'ukkassa, mawae ana waugu buatte nanungkangnga ana'a esakka ara'e wawine, wawine udde ṛinone mangapiddu sasamba su imam su saruannu ngaran Dasanna Mawu. Sasamba udde erenai sambau ana'u domba uukke santonna maola'a sasamba itattambunna, wuṛṛu sambau manu'a merpati saṛṛen tumuwo ara'e bakiangnga saṛṛen tumuwo maola'a sasamba ipangampungnga rosa.

IMAMATTA 1:14

Amungkangngu niola'a sasamba udde sambau manu'u winalanganna, ṛinone manu'a bakiangnga ara'e merpati wakku.