IMAMATTA 14:40 - WUKE SUSI WATTI'U AL᷊AL᷊USASSA

^40-41 i tou ṛinone mamarenta tadea'u manga watun darandunga apan naṛṛenessa udde ihohakka wuṛṛu darandunga wageangngu lal᷊umme iisanna. Plesterene asan nii'issa wuṛṛu manga watu udde ṛinone iramme su sambau tampa apan ma'arantinna su liudde soa.

IMAMATTA 14:40 Referans Kwoze

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.

SONDAPPA 2:20

Arawe indi sasimba-U si yamiu: I yamiu nangonggolu naungnga si Izebel, wawine apan mangnga'u watanganne daroloṛṛannu Ruata udde. Manambote manga allang-Ku niawusuanne wuṛṛu niaṛṛaanna sussandaga wuṛṛu u'anna anna apan suete pinassubba paal᷊uanna.

SONDAPPA 2:6

Arawe pia sambau apapia si yamiu, eteudde: I yamiu maddantinu pallal᷊agu mallal᷊aṛṛenggenni Nikolaus apan iaaranting-Ku lai.

SONDAPPA 2:2

I Ya'u masingkatu apa apan a'olaanni yamiu: I yamiu mammanara maṛṛimadda wuṛṛu yamiu matammuda atonna. I Ya'u masingkata manungku i yamiu tawe mangonggolu naungnga su taumata lal᷊eo. Wuṛṛu manga taumata mangnga'u watanganne rasul, wutte'e wal᷊ine, suete niannamanni yamiu wuṛṛu niasombanganni yamiu, manungku i mangitou taṛṛa awusu.

TITUS 3:10

Taumata apan mandantan pattatiakka sulal᷊ummu jamaatta, ṛinone i tou tagguanna paassa ara'e paarua; wua'udde ariete lai maggawen tou.

YOHANES 15:2

Suapan ranna si Ya'u apan tawe mabua, pototanna, wuṛṛu ranna apan mabua, hainganna rongngane, wuṛṛu lauṛṛanna tadea'u lembo manambo lai wuane.

MATIUS 18:17

Amungkangngu i tou tawe naddaringikka tatantiro manga taumata udde, wal᷊oa'a hatto udde su tangngan Jamaatta. Wuṛṛu panginsueanne, amungkangngu i tou madiri maddaringikka tatantiron Jamaatta, ellehete i tou ere sangkatou maddarorongnga wose wuṛṛu ere sangkatou apan tawe maaillal᷊a Ruata.”

AMSAL 22:10

Limbuaṛṛete taumata apan taṛṛa al᷊uandaga, ne naddote patatiakka, pasaseetta wuṛṛu ual᷊al᷊obbossa.

DARALO 101:5

Taumata apan mangngal᷊uandaga ringannu mal᷊annabba, sarun ta'u pateanna. Taumata apan mawunga wuṛṛu naungnge matanggakka tawe ta'u iwala aroddi.

IMAMATTA 14:39

Su allo appitune i tou ṛinone rumanta wuṛṛu mamarikissa apia. Amungkangngu ṛenessa udde tawe nilumewa,

IMAMATTA 6:11

Wua'udde i tou ṛinone mangal᷊innu laubba wuṛṛu mangapiddu awu udde su liuddu paddasananna, su tampa apan buatte niṛṛae pangadoannu awu udde.