IMAMATTA 14:4 - WUKE SUSI WATTI'U AL᷊AL᷊USASSA

⁴ imam mandolokki tou mangapiddu darua manu'u winalanganna apan ta'e wiakka wuṛṛu tawe ipappalli, ringannu sampoto alu cemara, sambua tal᷊i maṛṛamu wuṛṛu sandanna hisop.

IMAMATTA 14:4 Referans Kwoze

REENGANNA 19:6

Wua'udde imam ṛinone manganu addio'a alu aras wuṛṛu tal᷊i maṛṛamu sambua, ana see ituntungnga sulal᷊ummu putungnga apan tantal᷊anna mannutungnga sapi maṛṛamu udde.

IBRANI 9:19

Paarorone atonna i Musa namasingkatu anambon titan Ruata su walahannu Israel. Wua'udde i Musa nanganu ṛaṛṛan ana'u sapi wuṛṛu ṛaṛṛang kambinga esakka, see nillo'annu ua'e, wua'udde nialassa su Wuke Manga Titan Ruata wuṛṛu su anambon walahannu Israel ringannu nappaattu nannal᷊o hisop wuṛṛu wambul᷊un domba lihidde ere ate.

IMAMATTA 14:6

Manu'a sambau lai ringannu alu cemara, tal᷊i maṛṛamu wuṛṛu sandanna hisop ṛinone iammo sulal᷊ummu daṛṛan manu'u winalanganna apan buatte nipototta.

DARALO 51:7

Mangke atonna, i ya'u lal᷊eo ro'en i ya'u niasungkangnga, wuṛṛu naṛṛaitannu rosa ro'en ta'e su illoṛṛo.

SASABANGNGA 12:22

Panganute lai samba'issa hisop, ammoa'a sulal᷊ummu mangko apan lal᷊oṛṛoannu daṛṛa domba udde, ana see wuṛṛa'a su darua sal᷊aba'u ngara wuṛṛu pua ngara al᷊iurosone wuassu wal᷊enu. Maddatingngu marua'allo imbaṛṛangnga pia sangkatou su wallati yamiu manantangngu wal᷊en.

REENGANNA 19:18

Sulal᷊ummu olangnge paaororone, eteudde amungkangngu pia taumata apan paarorone nate sulal᷊ummu rasanna, taumata apan baresi ṛinone manganu sandanna hisop, iammo sulal᷊ummu ua'e udde, ana see mamokka rasanna udde wuṛṛu al᷊awo'u saranapa apan uaraddo sulal᷊umme, wuṛṛu manga taumata isudde lai. Su olangnge aruane, eteudde napawe sangkatou naeṛṛetannu asuangnga, labbingnga ara'e duṛṛin taumata nate, taumata apan baresi udde ṛinone mamokka taumata apan ma'arantinna udde ringannu olangnge apan uasul᷊ungnga lai.

IMAMATTA 12:8

Amungkangngu wawine udde tawe maasaddia sambau ana'u domba, i tou ṛinone mangapiddu ruan bau manu'a merpati saṛṛen tumuwo ara'e bakiangnga saṛṛen tumuwo; sambau maola'a sasamba itattambunna wuṛṛu sambau lai maola'a sasamba ipangampungnga rosa. Imam ṛinone ma'ola'a lal᷊aghun ipamappassa rosan bawine udde, ne i tou nabbal᷊ite waresi.

IMAMATTA 5:7

Arawe amungkangngu taumata nassal᷊a udde tawe maasaddia domba ara'e ambinga ipanubbussa rosane, i tou ṛinone mangapiddu sampare manu'a bakiangnga ara'e manu'a merpati saṛṛen tumuwo, sambau maola'a sasamba ipangampunga rosa, wuṛṛu sambau lai maola'a sasamba itatambunna.

IMAMATTA 1:14

Amungkangngu niola'a sasamba udde sambau manu'u winalanganna, ṛinone manu'a bakiangnga ara'e merpati wakku.

IMAMATTA 14:5

Manu'a samba'u ṛinone pototanna su urinna leta'a apan lal᷊oṛṛoannu ua'e waresi wuassu al᷊imatan kua'e.