IMAMATTA 14:14 - WUKE SUSI WATTI'U AL᷊AL᷊USASSA

¹⁴ Imam ṛinone manganu addio'a daṛṛan ana'u domba ana see iwuṛṛa su tal᷊inga aikkatanna, wuṛṛu su inangngu tal᷊imaddo lima aikkatanna wuṛṛu su inangngu tal᷊imaddon ledda aikatannu taumata apan sarun iapasingkatta waresi.

IMAMATTA 14:14 Referans Kwoze

SASABANGNGA 29:20

Ana see ṛatate domba esakka udde, panganute addio'a daṛṛane wuṛṛu wuṛṛa'a su aikkatannu tal᷊ingan i Harun wuṛṛu manga anangnge, su inangngu talimaddo aikkatanna wuṛṛu inangngu tal᷊imaddon ledda aikkatanni mangitou. Lamben daṛṛa udde ṛinone iwokka su mezbah sandiṛṛanne appata.

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

FILIPI 1:20

Lembon ipaapulu'u wuṛṛu aantimanna eteudde tadea'u imbaṛṛangnga i ya'u tawe maa'sue manara'u. Arawe i ya'u mangantimma tadea'u suapan tempo, nangillembo orassa indi, ya'u wotongnge maola'a waṛṛani ma'oman sara ringannu ahewallu apulun waddangku – mawae i ya'u wiakka ara'e i ya'u nate – Kristus mangke wabantuhanna.

1 KORINTUS 6:20

Ruata suete namalli si yamiu wuṛṛu nasueten baekke. Ana waugu udde, paata'e wadangngu aroddi olangnge ma'oman sara Ruata wantuhanna.

ROMA 12:1

Manga tuṛṛangnga! Ruata tumaniten mapia si ite. Ana waugu udde ya'u sumal᷊ande si yamiu ringannu ahewallu naungnga tadea'u i yamiu manantillu wadangngi yamiu maola'a sambau sasamba apan wiakka su Ruata sassane wuṛṛu maal᷊uassa naung-Nge. Patataṛṛamawunu su Ruata ṛinone lai aroddi.

ROMA 6:19

Ana waugu pasasunnanu aroddi al᷊omene, i ya'u mappaattu manga ola'u patataṛṛuallangnga tadea'u i yamiu wotongnge maasunna. Dorone i yamiu mannantillu ririnu maola'a allangngu manga inolaanna apan maarantina wuṛṛu apan lal᷊eo su pandumanna apan lal᷊eo. Aroddi lai orassa indi, ṛinone i yamiu manantillu ahewallu watanganni yamiu maola'a allangngu apulu Ruata su pandumannu Ruata sassane.

ROMA 6:13

Arie lai i'o manantillu wageangngu wadangngu su taṛṛinon dosa ana waugu ipaatta su manga pandumanna apan lal᷊eo. Arawe tantila'e ririnu su Ruata ere taumata apan buatte niingkata wuassu papate watukku pabbiaṛṛanna. Tantila'e ahewallu ririnu su Ruata tadea'u ipaatta ma'ola'a apulu Duata.

YESAYA 1:5

Anio i yamiu sidutu mangke mannompolla? I yamiu mappulu iṛṛuumanna lembon awakkatanne lai? Puanu napeneten manga pinsulla, naungnga wuṛṛu ṛingirannu maradda'a.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

IMAMATTA 14:19

Wua'udde imam ṛinone mangonggolu sasamba ipangampungnga rosa tadea'u taumata apan ma'arantinna udde mabbal᷊i waresi. Wua'udde i tou ṛinone mamototta winatangnga maola'a sasamba itattambunna

IMAMATTA 14:25

Ana see imam ṛinone mamototta ana'u domba udde ana see addio'a daṛṛane iwuṛṛa su tal᷊inga aikkatanna, inangngu tal᷊imaddo aikkatanna wuṛṛu inangngu tal᷊imaddon ledda aikkatannu taumata apan sarun iapasingkatta waresi.

TAHIUL᷊E 24:8

Amungkangngu niasombanganna pia radda'a su pisi apan ma'ata'utta, paatutuṛṛe ringannu mapia apa apan nirolokku manga imam Lewi si yamiu; daringiṛṛe manga tatantiro apan ta'u nionggola si mangitou.