IMAMATTA 14:10 - WUKE SUSI WATTI'U AL᷊AL᷊USASSA

¹⁰ Su allo aual᷊une taumata udde ṛinone mangapiddu darua ana'u domba esakka wuṛṛu sambau ana'u domba wawine uukke santonna, apan sambau-sambau tawe sangkulle. Wal᷊ine wua'isudde lai tatallu su kilone taponna apan buatte nilo'annu lanan zaitun wuṛṛu sepertiga su literene lanan zaitun.

IMAMATTA 14:10 Referans Kwoze

IMAMATTA 2:1

Amungkangngu pia sangkatou mangonggolu sasamba ia'imbe su Mawu, sasamba udde ṛinone taponna apan apianne apan nilal᷊inannu lanan zaitun wuṛṛu niandangannu amania su wowone.

LUKAS 5:14

See Mawu Yesus naningaddu taumata udde mabatti'u olangnge udde su manga taumata, tanatane, “Roote ringannu imam, wuṛṛu padorongnga si tou manantunna manungku i'o napiate. See roote pangagillu sasamba ere suete nirolokki Musa, maola'a pananaunganna su taumata manungku i'o atonna-tonna napiate.”

MARKUS 1:44

“Naunge, arie mabatti'a sisai-sai, arawe roote ringannu imam wuṛṛu padorongnga si tou manantunna manungku i'o napiate. See matataṛṛino su inapiannu wuassu radangngu udde, pangapidden sasamba tumuṛṛuttu ere suete niparenta Musa, maola'a sambau pananaunganna su manga taumata manungku i'o atonna-tonna napiate.”

MATIUS 8:4

See Mawu Yesus nabbisara si tou, “Naunge! Arie pabbatti'a sisai-sai. Arawe roote ringannu imam, wuṛṛu paddorongnga si tou manantunna manungku i'o napiate. Wua'udde anggil᷊a'e sasamba apan suete nitita Musa, maola'a manga tatiala su taumata manungku i'o napiate atonna!”

IMAMATTA 14:21

Amungkangngu taumata udde asiangnga wuṛṛu tawe addapanne, ne su sasamba lal᷊anna'a arugianna i tou wotongnge mangapiddu sambau ana'u domba esakka maola'a sasamba itoggokka su Mawu. Wal᷊ine wua'udde lai sangkilo taponna lo'annu lanan zaitun maola'a sasamba ia'imbe, wuṛṛu mal᷊oara ahewabbal᷊anne lanan zaitun.

IMAMATTA 14:15

Wua'udde imam manganu addio'a lanan zaitun wuṛṛu nilal᷊inna su pal᷊addu limane aiṛṛi sassane.

IMAMATTA 14:12

Imam ṛinone manganu sambau ana'u domba esakka wuṛṛu sepertiga su literene lanan zaitun maola'a sasamba lal᷊anna'a arugianna, wuṛṛu ionggola maola'a sasamba iatogokka su Mawu.

1 PETRUS 1:19

ewe'e sambau saranapa apan lembon maarega; eteudde wadangi Kristus sassane, apan naola'a ere domba nionggolla sasamba su Ruata ringannu tawe angngone.

YOHANES 6:51

Ete i Ya'u roti apan niumonto'a wuassu surga – roti apan mangonggolu wiakka. Taumata apan umanna roti indi sarun mabbiakka sarangkal᷊o'engnge. Roti apan Ta'u ionggolla ipabiakku taumata su runia eteudde ṛeme-U.”

YOHANES 6:33

Ana waugu roti apan nionggolu Ruata eteudde i Tou apan nirumanta wuassu surga wuṛṛu nangonggolu wiakku taumata su runia.”

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

REENGANNA 28:20

Onggol᷊a'a lai sasamba ia'imbe apan itattita, ereinai taponna lal᷊o'annu lanan zaitun; tatallu su kilone taponna hunan suapan sambau sapi esakka, wuṛṛu darua su kilone hunan domba esakka,

REENGANNA 6:14

ringannu mangapidda su Mawu tatallu winatangnga apan tawe sangkulle; sambau ana'u domba esakka uukke santonna maola'a sasamba itattambunna, sambau lai ana'u domba wawine uukke santonna maola'a sasamba aampungnga rosa, wuṛṛu sambau domba esakka maola'a sasamban paddarame.

IMAMATTA 23:13

Su sasamba anna onggol᷊a'e rua kilo taponna lal᷊o'annu lanan zaitun. Hal᷊urun sasamba udde ma'al᷊uassa naungngu Mawu. Suadio'a ringannu udde onggol᷊a'a lai sanlitere ua'en anggore.

IMAMATTA 9:1

Massallo apawe nal᷊iudde lal᷊aghun patatenega, su allo aual᷊une, i Musa namago si Harun wuṛṛu manga anangnge see lai manga piaṛṛa'u walahannu Israel.

IMAMATTA 4:32

Amungkangngu pia sangkatou nangonggolu sambau domba ipangampungnga rosane, domba udde ṛinone wawine wuṛṛu tawe sangkulle.

IMAMATTA 2:13

Suapan sasamba ia'imbe ṛinone haramanna, ana waugu haramma maola'a tatialan Pa'airen Duata ringanni yamiu. Nariaddi anambon sasamba ṛinone haramanna.

IMAMATTA 2:11

Sasamba ia'imbe su Mawu tawe wotongnge lo'annu pul᷊a ara'e ragi, ana waugu pul᷊a wuṛṛu ragi tawe wotongnge itambunna olaanna sasamba su Mawu.

IMAMATTA 1:10

Amungkangngu niola'a sasamba udde sambau domba ara'e ambinga, winatangnga udde ṛinone esakka wuṛṛu tawe sangkulle.

SASABANGNGA 29:40

Suadio'a ringannu ana'u domba olaanna sasamba marua'allo, ṛinone ionggola lai sangkilo taponna apianne wuṛṛu lo'annu sanlitere lanan zaitun tutune. Wal᷊ine wua'isudde lai sanlitere ua'en anggore.

IMAMATTA 14:11

Ana see imam ṛinone mangapiddi tou suadio'a ringannu sasambane udde su saruannu ngaran Dasanna Mawu.

IMAMATTA 1:3

Amungkangngu nionggola udde sambau sapi, winatangnga udde ṛinone esakka wuṛṛu tawe sangkulle. Sapi udde ṛinone iapiddi tou watukku ngaran Dasannu Mawu, tadea'u Mawu mal᷊uassa su taumata udde.