IMAMATTA 11:8 - WUKE SUSI WATTI'U AL᷊AL᷊USASSA

⁸ Ṛeme imbaṛṛangnga inasanna wuṛṛu winal᷊unanne lai tawe wotongnge indinganna ana waugu winatangnga udde palli.

IMAMATTA 11:8 Referans Kwoze

IBRANI 9:10

Ana waugu manga lal᷊aghu udde tumba'u matataṛṛino su anna, inumanna, wuṛṛu al᷊awo'u lal᷊aghum pamamaresi. Sarangkanambone udde tumba'u atorannu wadanga apan tumba'u ma'oman sara tempone Ruata mallimbakku.

KOLOSE 2:16

Ana waugu udde, imbaṛṛanganga mamalan taumata mapaasal᷊an kamiu su ola'u umanna ara'e ma'inumma ua'e, ara'e su ola'u manga allo wahewan agama, ara'e manga ramean wul᷊anna wakku, ara'e su ola'u allon Sabatta.

HOSEA 9:3

I yamiu, ei walahannu Israel, tawe sidutu uatana'a su leta'a apan niongonggollu Mawu si yamiu. I yamiu ṛinone mabbelengnga su Mesir, wuṛṛu ṛinone umanna anna ipapapalli su Asyur.

YESAYA 52:11

Roote! Tantanga'e soan Babel, ei i yamiu apan uaapiddu aola'u wal᷊en Duata! Imbaṛṛangnga mangindinga saranapa tawe waresi, ukkasse watangannu tantal᷊anna taambe umamatta.

IMAMATTA 5:2

Amungkangngu pia sangkatou nassal᷊a ana waugu ringannu tawe nipattatudda nabbal᷊i narosate, ana waugu buatte nangeṛetta sambau apan maarosa, ereinai winal᷊unannu winatangnga, wuṛṛu wua'udde naatutukka inolaane.

EFESUS 5:11

Arie ma'ola'a inolaanna apan tawe gunane apan a'olaannu manga taumata apan mabbiakka su lal᷊ummu araranduma. Arawe ṛinone i yamiu mannualaga inolaanna ereudde. (

EFESUS 5:7

Nariaddi, imbaṛṛanga maggahawe manga taumata ereudde.

2 KORINTUS 6:17

Ana waugu udde, tantanga'e manga taumata apan tawe maaillal᷊a Ruata udde, wuṛṛu pattingkaṛṛaeten batangannu wuassi mangitou. Arie paa'aukka ringannu apa apan maarantinna ne i ya'u sarun manengkamma si yamiu.

1 KORINTUS 8:8

Su ṛinone anna sassane tawe maaola'a paa'aukki ite ringannu Ruata maola'a lembon mapia. Amungkangngu i ite umanna anna udde, i ite tawe maasomba auntunganna apa-apa. Aroddi lai amungkangngu i ite tawe umanna anna udde, i ite lai tawe marugi saran kadio'a.

ROMA 14:21

Mappianne ariete pa'inassa ṛemessa ara'e ma'inumma anggore ara'e ma'ola'a manga inolaanna, amungkangngu inolaanna udde maarosa tuṛṛangngu apan su pangangimanna sambau.

WATTI'U MANGA RASUL 15:29

imbaṛṛangnga umanna anna apan suete pinassubba paal᷊uanna; imbaṛṛangnga ma'inumma ṛaṛṛa, imbaṛṛangnga uminassa ṛemessu winatangnga nate niattongnga, wuṛṛu paaraun inolaanna apan lal᷊eo. Amungkangngu i yamiu mangindaun watanganni yamiu wuassu manga inolaanna udde, i yamiu suete na'ola'a apapia. Na'omate isindi, tabea!”

WATTI'U MANGA RASUL 10:28

See i tou nabbisara si mangitou, “Manga tuṛṛangnga sassane masingkatta manungku taumatan Yahudi isassingadu agamane mattembo ara'e ma'ammulu manga taumata wuassu walahanna waine. Arawe Ruata suete namasingkatta si ya'u manungku i ya'u tawe wotongnge massunna taumata waine lal᷊eo wuṛṛu ipapalli.

MARKUS 7:18

Ne Mawu Yesus nabbisara si mangitou, “Mangal᷊ene i yamiu taambe lai naasunna? Apa i yamiu tawe maasunna manungku apan sinumutta sulal᷊ummu sangkatou taumata tawe wotonge maaola'a taumata udde marosa?

MARKUS 7:15

Tawe saran sambau wuassu liudde apan sumutta sulal᷊ummu taumata wotongnge maarosa si tou. Arawe, apan sinumabangnga wuassu sangkatou eteudde ma'arosa si tou. [

MARKUS 7:2

I mangitou naasilo sire pira mallal᷊aṛṛenggennu Mawu Yesus u'anna ringannu lima tawe niukkassa tumuṛṛuttu atorannu agama, eteudde tawe nangukkassa lima rorone tumuṛṛuttu atorannu agama.

MATIUS 15:20

Manga inolaanna udde ma'arosa taumata, wal᷊ine u'anna ringannu lima tawe ukkasanna.”

MATIUS 15:11

Apan sinumutta su moṛṛongnga tawe maarosa taumata udde; tumba'u apan sinumabangnga wuassu moṛṛongnge eteudde ma'alal᷊eo si tou.”

IMAMATTA 11:7

Imbaṛṛangnga uminassa wawi. Winatangnga udde palli, ana waugu salaiwe anuune nawa'a, i tou tawe sumappa paarua.

IMAMATTA 11:9

I yamiu wotongnge uminassa al᷊awo'u inassa pia papaidde wuṛṛu pia onamme.