IMAMATTA 10:9 - WUKE SUSI WATTI'U AL᷊AL᷊USASSA

⁹ “Napawe buatte na'inumma ua'e anggore ara'e ua'e ma'awu'anna, i'o wuṛṛu manga anangngu imbaṛṛangnga sumutta sulal᷊ummu Rasang-Ku. Amungkangngu i yamiu lumawangnga atoranna udde, i yamiu sarun mate. Parenta udde sarun daringiṛṛannu anambon papapulunnu.

IMAMATTA 10:9 Referans Kwoze

LUKAS 1:15

I tou sarun maola'a taumata mapia su aellegu Mawu, wuṛṛu i tou tawe ma'inumma anggore ara'e inumanna ma'awu'anna. Ro'en inasungkangnge i tou aintaṛṛoanten Ghaṛṛahon Ruata.

1 TIMOTIUS 3:3

arie taumata taṛṛa wu'anna, ara'e taṛṛa wawul᷊o. Ewe'e i tou ṛinone sangkatou masaṛṛionto'a, wuṛṛu mal᷊utu su paddarame. Tawe wotongnge i tou wal᷊iun roitta.

TITUS 1:7

Mallal᷊u'ada jamaatta udde taumata apan mangngatokku manaran Duata, tawe wotongnge i tou pia pasasal᷊ane. Tawe wotongnge mawunga ara'e taṛṛa wul᷊o, ara'e taṛṛa wu'anna, ara'e taṛṛa wawul᷊o ara'e wal᷊iun doitta.

EFESUS 5:18

Imbaṛṛangnga i yamiu iwu'annu anggore, ana waugu udde maal᷊al᷊eo si yamiu. Arawe ṛinone i yamiu intaṛṛoannu Ghaṛṛahon Duata.

YEHEZKIEL 44:21

I mangitou imbaṛṛangnga ma'inumma anggore amungkangngu sumutta su rallakku lal᷊umme.

YESAYA 28:7

See lai manga nabi wuṛṛu manga imam wu'anna ana waugu tumanite manambo na'inumma anggore wuṛṛu tubba. I mangitou u'amatta lullallengge wuṛṛu mangke mattara ana waugu ṛingiranni mangitou nassongkakka. Manga nabi tate lai maasunna manga sondappa apan ia'onggollu Ruata si mangitou. Manga imam tate lai maaṛṛawessu manga hatto apan iappaola'a si mangitou.

1 TIMOTIUS 3:8

Ṛinone masasumbala jamaatta lai taumata mapia wuṛṛu matul᷊ida; tawe wal᷊iun doitta tawe tumaniten manambo ma'inumma anggore.

REENGANNA 6:3

tawe wotongnge ma'inumma ua'e anggore ara'e ua'e maawu'anna apan niola'a wuassu wuan anggore ara'e manga wua waine. I tou tawe wotongnge umanna wuan anggore wakku ara'e mamarate, ara'e sarangkanambone apan niola'a wuassu alu anggore; watune ara'e lal᷊uwone lai tawe wotongnge i tou umanna.

1 TIMOTIUS 5:23

Arie lai tumba'u ma'inumma ua'e; pa'inumma lai anggore addio'a ipallal᷊ima tinainu mammanara, ana waugu i'o masokka rumadda'a.

HOSEA 4:11

Mawu nabbisara, “Ei uma-U, mawae anggore tabbe ara'e anggore apan wakku buatte napaawul᷊in atatohannu ipaṛṛingidda ringannu mapia.

AMSAL 20:1

Ua'e apan maawu'anna maaola'a taumata tawe atoranne wuṛṛu mahio. Nawoddote taumata apan ma'inumma ma'oman sara iwu'anne.

REENGANNA 6:20

Ana see imam ṛinone mamasingkattu anna udde sambau aonggola apan niṛṛae su Mawu; uddewe wageangnge apan susi apan maola'a wageangngu imam, su liuddu sabba'a wuṛṛu palangngu domba esakka apan tumuṛṛuttu atoranna mabbal᷊i wageangngu imam. Wua'udde taumata tembonanne udde wotongngete ma'inumma ua'e anggore.

IMAMATTA 3:17

Taumatan Israel imbaṛṛangnga umanna tawa ara'e daṛṛa. Atoranna udde iapaamatta saran mal᷊annu-l᷊annu wuṛṛu tattuṛṛutannu suapan taumatan Israel apan uatana'a su al᷊awo'u tampa.

IMAMATTA 10:8

Mawu nabbisara si Harun,

SASABANGNGA 27:21

I Harun wuṛṛu manga anangnge ṛinone mallu'adda sol᷊o udde wuassu wawallo maddatingngu marua'allo su tampa i Ya'u rumanta, su liudde mal᷊aṛṛenessa apan ua'ele su saruannu Wantallu Pa'aire. Parenta udde ṛinone olaannu taumatan Israel wuṛṛu papapulunne saran mal᷊annu-l᷊annu.”