IMAMATTA 10:6 - WUKE SUSI WATTI'U AL᷊AL᷊USASSA

⁶ Ana see i Musa nabbisara si Harun wuṛṛu manga anangnge waine, eteudde i Eleazar wuṛṛu i Itamar, “Arie pabbala'a utangngu tawe aṛṛoanna, wuṛṛu arie panggesa'a laungngu apan mapal᷊iatta'a manungku iraddua massusa wuṛṛu lullal᷊o. Amungkangngu iradua ma'ola'a aroddi, iradua sarun mate, wuṛṛu anambon ṛuangannu Israel asa'uannu Mawu. Arawe anambon taumatan Israel waine wotongnge lumal᷊on duang katou apan nate ana waugu putungnga wuassu Mawu.

IMAMATTA 10:6 Referans Kwoze

YOSUA 22:18

Wuṛṛu orassa indi apa i yamiu maapulu tumal᷊iudda Mawu lai? Amungkangngu allo indi yamiu lumawangnga Mawu, tiṛṛabbi i Tou sarun masa'u anambon walahannu Israel.

YOSUA 7:1

Mawu buatte namarenta su walahannu Israel manungku wuassu al᷊awo'u saranapa su soan Yerikho apan ṛinone tutunganna, saran sambau imbaṛṛanga anuanna. Arawe parenta udde tawe niraringiṛṛana. Sangkatou esakka aranne i Akhan nilumawanna parenta udde, na'oman sara Mawu nasa'u su ṛuangannu Israel. (Iamangi Akhan aranne i Karmi wuṛṛu iupunge aranne i Zabdi wuassu ṛuanganni Zerah sulal᷊ummu ṛuanganni Yehuda.)

REENGANNA 16:22

Arawe i Musa wuṛṛu i Harun niumal᷊intudda nassubba wuṛṛu nabbisara, “Oh Ruata, tumba'u I'o apan mangngonggolu sasangngo su al᷊awo'a apan biakka. Amungkangngu tumba'u sangkatou apan narosa, apa I'o masa'u lai su anambon ṛuanganna?”

REENGANNA 1:53

Arawe manga taumatan Lewi ṛinone maddasanna mamal᷊iwutta Rasang-Ku. I mangitou ṛinone mallu'adda tadea'u tawe taumata mangundanine, ma'oman sara i Ya'u masa'u wuṛṛu makkuumanna walahannu Israel.”

2 SAMUEL 24:1

Mawu nasau apia su Israel, ana see i Daud nisal᷊ong-Nge ringannu pandumanna mandatan asasusa su walahanna udde. Mawu nabbisara si tou, “Pa'ola'e pandareengnga su Israel wuṛṛu Yehuda.”

YOSUA 22:20

Naungete, i Akhan ana'i Zerah madiri tumuṛṛutta parenta Mawu su ola'u manga saranapa apan ṛinone tutunganna, wuṛṛu apa sombangnge? Anambon ṛuangannu Israel niṛṛuumanna! Sumbal᷊i na'ola'a rosa tumba'u i Akhan, arawe wal᷊ine tumba'u i tou sassane nate!”

IMAMATTA 13:45

Sangkatou apan uapendamma radda'a pisi apan ma'ata'utta, ṛinone malluṛṛen laubba nahahesa'a wuṛṛu mamalan utangnge nassal᷊iwukka. I tou ṛinone mallindumma hatine al᷊iu wowane wuṛṛu mangngintul᷊i, “Ma'arantinna! Ma'arantinna!”

REENGANNA 18:5

Tumba'u i'o, Harun, wuṛṛu al᷊aṛṛanangngu apan ṛinone mammanara su Wabbo'a Na'ukkassa wuṛṛu su mezbah, tadea'u i Ya'u tate lai masa'u su walahannu Israel.

MIKHA 1:16

Ei taumatan Yehuda, pol᷊ote utangngu maola'a tatiala lullal᷊o su manga anangngu apan arangnguani yamiu. Iṛṛite puanu ma'oman sara mal᷊unggukka ere manu'u winalanganna apan u'inassa winal᷊unanna, ana waugu manga anangngu sarun ṛuwoanna watukku pamamuanganna.

YEREMIA 7:29

Mawu nabbisara, “Ei tumana'u Yerusalem, lallal᷊ote! Pol᷊ote utangngu wuṛṛu rammea'e! Pangantariten aantarin asasusa roso su manga puiddu panenteanna ana waugu i Ya'u Mawu, tantal᷊anna massa'u wuṛṛu nano'eten kami nambo.

YOSUA 7:11

Taumatan Israel buatte na'ola'a rosa. I Ya'u buatte namarenta tadea'u i mangitou sidutu uaagasa pa'aire su wallati mangitou wuṛṛu i ya'u, arawe i mangitou nilumawanna! Manga saranapa apan ṛinone tutunganna buatte nianu mangitou. I mangitou manna'o wuṛṛu namunin saranapa udde su wallatu saranapa mangitou tadea'u tawe asingkatanna.

TAHIUL᷊E 33:9

I mangitou marangngu Si'o nipangillembo wuassu al᷊awo'a, nipangillembo wuassu hagurangnga wuṛṛu tuṛṛangnga. Manga parenta-Nu tattuṛṛutanni mangitou, pa'aire-Nu niapatipussi mangitou.

REENGANNA 14:6

I Yosua ana'i Nun wuṛṛu i Kaleb ana'i Yefune, ruan katou suwallatu matataṛṛaso'o udde, nanggesa'a laubbi tarua tatiala massusa.

REENGANNA 5:18

Wua'udde i tou ṛinone mamu'a uta'u wawine udde, wuṛṛu mantaṛṛo taponna sasamba pallal᷊u'adda su limane, wuṛṛu lai imam sassane uaagassa ua'e mapetta apan mandatan awawontoga.

SASABANGNGA 6:23

I Korah pia siri tallu ana'a esakka; i Asir, i Elkana wuṛṛu i Abiasaf. I mangitou udde iupungngu al᷊amona wuassu ṛuangannu amonanni Korah.

REENGANNA 20:25

Apira'e i Harun wuṛṛu i Eleazar, anangnge, saate watukku Wowon Hor.

EZRA 7:5

i Abisua i Pinehas i Eleazar i Imam Mawantuga Harun