IMAMATTA 10:1 - WUKE SUSI WATTI'U AL᷊AL᷊USASSA

¹ Su allo sambau i Nadab wuṛṛu i Abihu, manga ana'i Harun, nanganu tanpan putungngu sambau-sambau wuṛṛu tinaṛṛoannu waṛṛa. Ana see itarua nangaddon amania su putungnga udde wuṛṛu nionggola sasamba su Mawu. Arawe putungnga udde tawe waresi ana waugu Mawu tawe nandolokki tarua niapaonggolu sasamba.

IMAMATTA 10:1 Referans Kwoze

REENGANNA 26:61

I Nadab wuṛṛu i Abihu nate su tempo itarua nangonggolu sasamba putungnga apan tawe ipaapulun Duata.

IMAMATTA 16:12

i tou ṛinone manganu tampan putungnga wuassu mezbah wuṛṛu loṛṛoannu waṛṛa ma'oman sara mapene wuṛṛu ruan kangkumma amania al᷊ussa, ana see iapidda su Wabbo'a Lembon Susi.

TAHIUL᷊E 12:32

Tuṛṛutte sarangkanambone apan ta'u nirolokka si yamiu; arie pattambai ara'e hainganna.

REENGANNA 16:46

ana see i Musa nabbisara si Harun, “Anute tampan putungngu, wuṛṛu loṛṛoiten waṛṛan putungnga wuassu mezbah wuṛṛu taṛṛoin amania su wowone. Apira'e paal᷊ihakke ringannu ṛuanganna wuṛṛu pa'ola'e lal᷊aghu pangangampunga rosa si mangitou. Paal᷊ihakka! Asasa'u Mawu sinumawudde wuṛṛu al᷊aṛṛusa'itta mannattakke.”

SASABANGNGA 24:1

Wua'udde Mawu nabbisara si Musa, “Rangante sumaruanna si Ya'u, i'o suadio'i Harun, i Nadab wuṛṛu i Abihu, wuṛṛu pitun pul᷊o piaṛṛa'u walahanna, wuṛṛu al᷊intudate passubba si Ya'u wuassu marau.

SASABANGNGA 6:23

I Korah pia siri tallu ana'a esakka; i Asir, i Elkana wuṛṛu i Abiasaf. I mangitou udde iupungngu al᷊amona wuassu ṛuangannu amonanni Korah.

DARALO 141:2

Sengkammawe aal᷊iomangku maola'a ere sambau sasamba amania, wuṛṛu lima'u apan uawilatta maola'a sasamban ṛabbi.

IMAMATTA 22:9

Anambon imam ṛinone tumuṛṛutta manga atoranna apan Ta'u nionggolla. Amungkangngu tawe, i mangitou nassal᷊a wuṛṛu sarun mate, ana waugu nilumawangnga manga atoranna apan susi. Ete i Ya'u Mawu, wuṛṛu ete i Ya'u Mawu apan naṛṛae mangitou huna-U.

SASABANGNGA 28:1

“Waggoite i Harun iaangngu suadio'a ringannu manga anangnge i Nadab, i Abihu, i Eleazar wuṛṛu i Itamar, wuṛṛu ṛaea'a i mangitou tadea'u wotongnge mangimbe si Ya'u maola'a sangkatou imam.

SASABANGNGA 24:9

Wua'udde i Musa, i Harun, i Nadab, i Abihu wuṛṛu siri pitun pul᷊o piaṛṛa'a udde sinumaate wowone,

IMAMATTA 16:1

Napawe ana'i Harun ruan katou nate su tempo mangonggolu sasamba putungnga apan tawe ipaapulun Mawu, Mawu nabbisara si Musa,

IMAMATTA 9:24

Inaṛṛombanganne Mawu nanossokku putungnga apan nanutungnga na'oman sara nasue sasamba itattambunna wuṛṛu manga wageangnge apan pia tawane su wowon mezbah. Su tempo ṛuangannu Israel naasilo i mangitou mangngintul᷊i wuṛṛu apiddu nassubba.

SASABANGNGA 27:3

Pa'ola'e manga urinna wahewalla, sikopo, manga mangko, manga saṛṛampangnga wuṛṛu tampan putungnga. Saranapa sarangkanambone udde ṛinone olaanna wuassu witu'a.

IBRANI 9:4

Sulal᷊ummu wabbo'a udde pia medda pangangadoannu sasamba apan niola'a wuassu wul᷊awanna panutunganna dupa, wuṛṛu pia lai Wantalu Pa'aire apan sarangkahewalle papi'unannu wul᷊awanna. sulal᷊ummu wantala udde pia urinna wul᷊awanna lal᷊oṛṛoannu manna, ta'inni Harun apan nassollate, wuṛṛu ruang kul᷊appa watu pamamoṛṛetanna apan su wowone wawoṛṛetannu mapul᷊o titan Ruata.

YEREMIA 44:15

Wua'udde nirumantate manambo atonna taumata ringangku, eteudde anambon esakka apan masingkatta manungku awingnge mangngonggollu sasamba su monganna, wuṛṛu anambon bawine apan tantal᷊anna uarisikka isudde, nasutta taumatan Israel apan uatana'a su Patros, samba'an timukku Mesir. I mangitou nabbisara si ya'u,

YEREMIA 44:8

Anio i yamiu ma'ola'a manga inolaanna apan maasa'u si Ya'u? I yamiu nirumanta wuṛṛu natana'a su Mesir, wanua apan awaganannu udde, wua'udde i yamiu nassubbate pa'al᷊uanna wuṛṛu nangonggollu sasamba su manga mongannu wanua udde! Apa i yamiu mappulu makkimunsa'a watangannu sassane tadea'u i yamiu heloannu anambon balahanna su runia wuṛṛu arannu ipaatta ipammontoga?

YEREMIA 32:35

I mangitou napararisikku manga mezbah hunam Baal su Wawal᷊annu Hinom, wuṛṛu nangonggollu manga ana'i mangitou si Dewa Molokh. Sumbal᷊i, i Ya'u taambe saran paassa nandolokki mangitou ma'ola'a inolaanna udde, ewe'e lai tawe nilumapputa sulal᷊ummu ṛingirang-Ku manungku i mangitou ma'ola'a inolaanna al᷊al᷊eone udde wuṛṛu naarosa taumatan Yehuda.”

YEREMIA 19:5

I mangitou napararisikku mezbah si Baal tadea'u pangonggol᷊annu manga ana'i mangitou maola'a sasamba itattambunna, sumbal᷊i Ya'u tawe saran paassa nandolokki mangitou ma'ola'a inolaanna udde, ewe'e lai tawe saran paassa olangnge ereudde lumapputta sulal᷊ummu ṛingirang-Ku.

YEREMIA 7:31

Sambau mezbah aranne Tofet buatte niaparisikki mangitou su Wawal᷊annu Hinom tadea'u pangonggol᷊annu al᷊aṛṛana'i mangitou maola'a sasamba itattambunna. Sumbal᷊i Ya'u taambe saran paassa nandolokki mangitou ma'ola'a olangnge udde, ewe'e lai taambe saran paassa olangnge ereudde sinumabbangnga wuassu ṛingirang-Ku.

TAHIUL᷊E 17:3

wuṛṛu parenta-Ne ringannu massubba wuṛṛu massuṛṛubawa su manga Mawu waine ara'e su matannallo, wul᷊anna ara'e manga anumpitanna,

TAHIUL᷊E 4:2

Apa apan nirolo'u, arie pattambai ara'e hainganna sarangkadio'a. Paatuṛṛute manga parentan Mawu Ruatanu apan ta'u nionggola si yamiu.

SASABANGNGA 40:27

ana see i tou nanambunnu amania mawangngi ere buatte niparentan Mawu si Musa.

SASABANGNGA 38:3

I tou lai na'ola'a manga urinna, sikopo, manga mangko, manga porokka wuṛṛu tampan putungnga. Anambon saranapa udde niola'a wuassu witu'a.

SASABANGNGA 37:29

I Bezaleel lai na'ola'a lanan lal᷊aghu wuṛṛu amania tutune apan mawangngi, nipallalo'a naal᷊ihidda lana mawangngi.

SASABANGNGA 31:11

lanan lal᷊aghu, wuṛṛu amania mawangngi su Wabbo'a Susi. Sarangkanambone udde ṛinone olaanni mangitou uasul᷊ungnga tumuṛṛuttu tatantiro apan Ta'u nionggola si'o.”

1 MARARATU 18:38

Ana see Mawu nangirimmu putungnga wuassu langitta wuṛṛu nanoṛṛobba na'oman sara nepodda sasamba udde suaddio'a ringannu alune, manga watune wuṛṛu letangnge see nilumewa ua'e su hote udde na'oman sara nasue.

SASABANGNGA 8:27

Yami ṛinone inai watukku wadda'a araune tallu allo amatanna inai mangonggolu sasamba su Ruatan kami, ere buatte nirolokki Tou si yami.”