IMAMATTA 1:17 - WUKE SUSI WATTI'U AL᷊AL᷊USASSA

¹⁷ Wua'udde manu'u winalanganna udde ṛinone latto'anna su punnu papaidde, arawe papaidde tawe wotongnge mabassutta. Ana see manu'a udde ṛinone itambunna su wowon mezbah. Hal᷊urun sasamba itattambunna udde ma'al᷊uassa naungngu Mawu.

IMAMATTA 1:17 Referans Kwoze

PANDARIADDI 15:10

Ana see i Abram nanganute manga winatangnga udde ionggolla su Ruata. Sapi ambingnga wuṛṛu domba udde sambau-sambau niwa'a nabbal᷊i darua, wuṛṛu manga wa'ane udde niaddo uasasaruanna niantaga paddarua. Arawe manga munu'u winalanganna udde tawe niwa'a.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

ROMA 4:25

Mawu Yesus udde buatte tinantilla iapapate ana waugu manga rosan kite, see i Tou niapaawiakku Ruata apia, tadea'u i ite maaukka apia ringannu Ruata.

YOHANES 19:30

Mawu Yesus naattemma ua'en anggore udde see nabbisara, “Nia'omante!” See nal᷊apute pua-Ne wuṛṛu natete.

MATIUS 27:50

Wua'udde Mawu Yesus nangintul᷊i apia ringannu tingikka apan ma'ikkatta, see sinumangngon sasangngo panginsueanne.

DARALO 16:10

Ana waugu I'o tawe namala'u mate; taumata apan arangnguan-Nu tawe niwala-Nu mate.

IMAMATTA 5:8

Manga manu'a udde ṛinone iapiddaringannu imam. Imam ṛinone malliu ṛoro mangonggolu manu'a apan buatte tinantunna maola'a sasamba aampungnga rosa. Ullekkan manu'a udde ṛinone latto'anna, arawe tawe wotongnge mabbassutta puane.

IMAMATTA 1:13

Ana see taumata udde ṛinone mangukkassa tinaine wuṛṛu palangngu winatangnga udde. Wua'udde manga imam ṛinone mangonggolu sarangkanambone su Mawu, wuṛṛu manambunna su wowon mezbah. Hal᷊urun sasamba itattambunna udde ma'al᷊uassa naungngu Mawu.

PANDARIADDI 8:21

Hal᷊urun sasamba apan mawangngi udde naal᷊uassa naungngu Mawu, wuṛṛu i Tou nabbisara sulal᷊ummu naungnga, “I ya'u tate lai mamontoga runia indi ana waugu inolaannu taumata; i Ya'u masingkatta manungku ro'en i tou ta'e dario'a, ṛingirannu taumata udde lal᷊eo. I ya'u tate saran paassa mamate alawo'u riadianna wiakka naal᷊ihidda ere buatte Ta'u niola'a indi.

IMAMATTA 9:13

Wua'udde i mangitou nanantilla si tou pua wuṛṛu manga wageangnge waine wuassu winatangnga udde, wuṛṛu nitambunni tou su wowon mezbah.

IMAMATTA 2:2

I tou ṛinone mangapidda su manga imam papapulunni Harun. Imam apan mammanara ṛinone manganu sangkangkumma taponna udde ringannu lanan zaitun wuṛṛu anambon amaniane, ana see itambunna su wowon mezbah maola'a tatiala manungku sarangkanambone buatte nionggola su Mawu. Hal᷊uṛṛun sasamba anna udde ma'al᷊uassa naungngu Mawu.

IMAMATTA 3:5

sarangkanambone udde suadio'a ringannu sasamba itattambunna waine, ṛinone itambunna su wowon mezbah. Hal᷊urun sasamba anna udde ma'al᷊uassa naungngu Mawu.

IMAMATTA 6:14

Eteindi manga atoranna su ola'u sasamba ia'imbe su Mawu. Sasamba udde ṛinone iapiddu sangkatou wuassu papapulunni Harun su saruannu mezbah.

REENGANNA 15:3

Su sasamba itattambunna ara'e sasamba wawaekka riandi ara'e sasamba apulune sassane ara'e sasamba su manga ramea mamiallo, i yamiu wotongnge mangonggola su Mawu: sapi esakka, domba esakka, domba ara'e ambinga. Hal᷊uru manga sasamba udde ma'al᷊uassa naungngu Mawu.

REENGANNA 28:8

Ana'u domba sasamba wawallo ṛinone ionggola ringannu olangnge apan uasul᷊ungnga ere sasamban marua'allo, lal᷊apirannu ua'en anggore. Hal᷊urun sasamba itattambunna udde ma'al᷊uassa naungngu Mawu.