IBRANI 9:1 - WUKE SUSI WATTI'U AL᷊AL᷊USASSA

¹ Pa'aire apan paarorone pia manga atorannu patataṛṛamawu, wuṛṛu pia lai tampa patataṛṛamawuanna niola'u taumata.

IBRANI 9:1 Referans Kwoze

SASABANGNGA 25:8

Doloṛṛa'e walahanna udde ma'ola'a rasang-Ku, tadea'u i Ya'u wotongnge matana'a suadio'a ringanni mangitou.

IBRANI 8:2

I Tou manarane naola'a sangkatou Imam Bahewa su Wabbo'a Lembon Susi, eteudde sulal᷊ummu rasannu Mawu apan tutune, apan niapararisikku Mawu, wal᷊ine niapararisikku taumata.

IMAMATTA 18:30

Ne Mawu nabbisara, “Paatuṛṛutte su manga atoranna apan Ta'u nionggola wuṛṛu imbaṛṛangnga mattanno inolaannu manga taumata uatana'a su leta'u Kanaan tantal᷊anna i yamiu taambe nirumanta. Imbaṛṛangnga i yamiu mandal᷊eo watanganni yamiu sassane ringannu ma'ola'a manga pallal᷊aghu udde. I Ya'u Ruatanu.”

IMAMATTA 22:9

Anambon imam ṛinone tumuṛṛutta manga atoranna apan Ta'u nionggolla. Amungkangngu tawe, i mangitou nassal᷊a wuṛṛu sarun mate, ana waugu nilumawangnga manga atoranna apan susi. Ete i Ya'u Mawu, wuṛṛu ete i Ya'u Mawu apan naṛṛae mangitou huna-U.

IBRANI 8:7

Unnu wisara tawe auranganne pa'aire apan paarorone, ne salaiwe lasa'e ma'ola'a paaire aruane.

KOLOSE 2:8

Ṛinone i yamiu paatehamma, arie ma'oman sara piaddu mamono'a si yamiu ringannu manga al᷊aṛṛa'u taumata apan tawe gunane, ewe'e tumba'u mangngal᷊iwu. Manga al᷊aṛṛa'a udde wal᷊ine wuassi Kristus, ewe'e wuassu ṛingiṛṛannu taumata sassane wuṛṛu wuassu manga ghaṛṛahon tembonannu runia.

YEHEZKIEL 43:11

Wuṛṛu napawe i mangitou nasilite ana waugu manga inolaanni mangitou, tal᷊aa'e ṛiinnu Wal᷊e-U indi si mangitou: saṛṛene, manga ngara sasuttanna wuṛṛu sabbanganne, atokku wal᷊ene, wuṛṛu al᷊awo'u atoranna wuṛṛu manga titane. Woṛṛeta'e sarangkanambone udde si mangitou tadea'u i mangitou wotongnge maasilo wuṛṛu maatutukka ola'u mangatokku al᷊awo'a, see tumuṛṛutta anambon atoranne.

REENGANNA 9:12

Imbaṛṛangnga manantangngu manga apa wuassu anna udde maddatingngu tiṛṛabbi marua allone, wuṛṛu imbaṛṛangnga saran sambau wuassu duṛṛin binatangnga apan nionggola si Ya'u. Laghua'e Paskah udde tumuṛṛuttu al᷊awo'u atoranne.

IBRANI 8:13

Ringannu napaasingkattu sambau pa'aire wakku, Ruata na'ola'a pa'aire apan paarorone udde natabbete wuṛṛu nal᷊al᷊eote, wuṛṛu apa apan tabbete sarun mal᷊ihakke mawul᷊i.

LUKAS 1:6

Rua sangkawinganna udde, mabbiakka ma'al᷊uassa naungngu Ruata. Itarua matuṛṛutta anambon parenta wuṛṛu tita Mawu ringannu ahewallu naungnge.

ROMA 9:4

Ete i mangitou udde walahanna apan nipile wuṛṛu Ruata nanga'u si mangitou maola'a al᷊aṛṛanang-Nge sassane, lapiddu napaal᷊iatta'u taṛṛino-Ne si mangitou. I Tou na'ola'a paaire si mangitou wuṛṛu nangonggolu titan agama si mangitou. Ruata namasingkata si mangitou ereapa i mangitou ṛinone mattaṛṛamawu wuṛṛu i mangitou suete nanengkamma lai manga paaire-Ne.

IBRANI 9:24

Ana waugu i Kristus tawe sinumutta su Wabbo'a Susi inolaannu taumata, apan tumba'u hambarannu Wabbo'a Susi apan ṛinone. Mawu Yesus sinumutta sassane su surga; poiaroddi orassa indi i Tou uasaruanna Ruata hunane si ite.