IBRANI 8:9 - WUKE SUSI WATTI'U AL᷊AL᷊USASSA

⁹ Wal᷊ine ere pa'aire apan niola'u Ruata su iupungngu al᷊amona mangitou su tempo i Ya'u mangngehetta si mangitou sumabangnga wuassu leta'u Mesir. I mangitou mal᷊awangnga su pa'aire apan suete Ta'u niola'a ringanni mangitou; ana waugu udde i Ya'u tate mappanduma si mangitou.

IBRANI 8:9 Referans Kwoze

YEREMIA 31:32

Arawe pa'aire udde wal᷊ine ere pa'aire apan Ta'u niola'a ringannu al᷊amona mangitou sutempo Ta'u ni'ehetta i mangitou sinumabbangnga wuassu Mesir. Salaiwe i Ya'u ere sangkatou awingngi mangitou, arawe i mangitou nassinaaddu pa'aire-U si mangitou.

GALATIA 4:24

Indi wotongnge ipaatta maola'a sambau sasumandinga. Ruan katou wawine udde, paṛṛimaunnapa darua paaire: sambau wuassu Wowon Sinai – eteudde Hagar; al᷊aṛṛanangnge niasungkanga maola'a allangnga.

MARKUS 8:23

Ne Mawu Yesus nangagassa liman taumata wuta udde wuṛṛu nangehetta si tou su liuddu soa. Wua'udde Mawu Yesus nangaddu matan taumata udde. I Tou nangadon limane su matan taumata udde, see naiwal᷊o si tou, “Wotongngete i'o maasilo sarannapa orassa indi?”

WATTI'U MANGA RASUL 13:11

Orassa indi pa'ellega, Mawu sarun makkuumannu! I'o sarun mawuta, ma'oman sara i'o tawe maasilo semakku matannallo lai tal᷊ang kadio'a.” Orassa udde lai i Elimas naapendamma pia awu ma'itumma nallindumma matane, na'oman sara i tou u'amatta uasasaṛṛipo maddea'a taumata mangehetta si tou.

WATTI'U MANGA RASUL 9:8

See i Saulus dirumarisikka namu'a matane, arawe matane tate maasilo manga apa lai. Nariaddi i mangitou nangagassa limane wuṛṛu nangehette si tou sinumutta su Damsyik.

MALEAKHI 2:13

Wuṛṛu indi inolaannu apan waine. Mezbah Mawu niammoanni yamiu ringannu allom mata; i yamiu lulluai wuṛṛu sussangitta ana waugu tate lai manengkamma manga sasambanu.

AMOS 5:22

Amungkangngu i yamiu mangapiddu sasamba itattambunna wuṛṛu gandumma, i Ya'u maddiri manengkamma. I Ya'u maddiri manengkamma manga winatangngu apan mangkatawa udde apan ionggolli yamiu si Ya'u maola'a sasamban paddareme.

YEHEZKIEL 16:59

Mawu Apan Atanggaṛṛanne nabbisara, “I'o sarun Ta'u iṛṛuumanna uasul᷊ungngu inolaannu, ana waugu i'o buatte nassinaadu sasalunu see nilumawangnga pa'aire-U si'o.

YESAYA 63:9

i Tou sassane niaṛṛiaannu asasusa mangitou, Mawu tawe nandolokku daroloṛṛanna ara'e maṛṛinu; Ete i Tou sassane namallossi mangitou ana waugu darangngu wuṛṛu tatal᷊antum-Me. I Tou sidutu mammadul᷊i si mangitou ro'en al᷊amonane.

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

ANTARI MAWANTUGA 8:5

Isaite udde apan nirumanta wuassu wadda'u anne, uasandakka su tunanangane? Ta'u nipu'o i'o su al᷊ungngu punnu apel, sutampa i'o su illoṛṛo wuṛṛu niasungkanga.

DARALO 105:43

Ne al᷊aṛṛanang-Nge niehen-Ne ringannu al᷊al᷊uassa, manga taumata nipile-Ne ringannu hio lullala'a.

DARALO 78:57

I mangitou nandal᷊eo ere lai al᷊amonan mangitou, wuṛṛu tawe pangimananna ere papiti'a wengkolla.

DARALO 77:20

I'o u'amatta su lua'a, mammare tahal᷊oangnga, arawe wal᷊adda-Nu tawe asiloanna.

AYUB 8:20

Arawe Ruata tawe saran paassa manantangngu taumata satia, wuṛṛu tawe saran paassa lai i Tou mantul᷊ungngu taumata lal᷊eo.

TAHIUL᷊E 29:25

Wuṛṛu sasimbakke eteudde, ‘Ana waugu i mangitou tinumal᷊iudda pa'airen Mawu, Mawu Ruatan iupungngu al᷊amona mangitou; pa'aire apan niolang-Nge ringanni mangitou su tempo i Tou nangapiddi mangitou sinumabbangnga wuassu Mesir.

TAHIUL᷊E 29:12

Mawu Ruatanu na'ola'a pa'aire ringanni yamiu, wuṛṛu i yamiu sarangkanambone uasemodda isindi nabaiddu pa'aire udde ana see nanengkamma manga manara apan ala'anna.

TAHIUL᷊E 29:1

Indiwe manga wisaran pa'aire wuassu parentan Mawu apan niola'i Musa su walahannu Israel su tempo i mangitou su leta'u Moab. Pa'aire udde maola'a tatimune wuassu pa'aire apan niola'u Mawu si mangitou su Wowon Sinai.

SASABANGNGA 34:10

Unnu Mawu si Musa, “Orassa indi i Ya'u ma'ola'a pa'aire ringannu walahannu Israel. Su saruannu matan mangitou i Ya'u sarun ma'ola'a manga al᷊aṛṛindu'a apan taambe saran paassa niola'a su anambon balahanna su runia. Anambon balahanna sarun maasilo manga al᷊aṛṛindu'a apan sarun Ta'u olaanna, ana waugu i Ya'u, Mawu sarun ma'ola'a sambau apan ma'ata'utta si yamiu.

PANDARIADDI 19:16

I Lot niumal᷊iwu. Arawe Mawu niumakkanni tou; ana waugu udde ruan katou rahone nangehetta si Lot wuṛṛu awingnge see lai ruan katou anangnge watukku liuddu soa.

YESAYA 41:13

Ana waugu i Ya'u Mawu, Ruatanu, uapitaddu limanu aikkatanna; wisara-Nu, ‘Arie pa'ata'utta, i Ya'u sarun mantul᷊ungngu.’ ”

LAL᷊ALLU 4:16

Mawu tate lai mannaungnga uman-Ne; i Tou sassane apan nanal᷊iawukki mangitou wuṛṛu na'ola'a manga imam tate lai iaregga; manga piaṛṛangnge tateddu umakkanna.

YESAYA 51:18

Wuassu tumanangngu taweddu nangehetta si'o, wuassu mamamanuanu taweddu namiaṛṛangngu.

SASABANGNGA 32:8

I mangitou buatte sinumewadda wuassu manga parenta-U. I mangitou na'ola'a paal᷊uanna sapi wuassu wul᷊awanna niwoso, ana see nassubba wuṛṛu nangonggolu sasamba si tou. Unni mangitou, eteudde monganni mangitou apan nangapiddi mangitou sinumabbangnga wuassu Mesir.

WATTI'U MANGA RASUL 7:36

Ete i Musa udde apan namiaṛṛa'u walahannu Israel sinumabangnga wuassu Mesir ringannu na'ola'a al᷊aṛṛindu'a wuṛṛu inolaanna apan wahewalla su Mesir, su Tahal᷊oangnga Maṛṛamu wuṛṛu su wadda'a, appatu pul᷊o su tonnane al᷊annune.