IBRANI 6:9 - WUKE SUSI WATTI'U AL᷊AL᷊USASSA

⁹ Arawe manga tuṛṛangnga apan arangnguanna, salaiwe i yami mabbisara aroddi, arawe i yami mangngimanna su ola'i yamiu. I yami mangngimanna manungku i yamiu suete nanengkamma manga inolaanna apan lembon mapia, eteudde manga al᷊amatta apan maola'a sambau wageangnga wuassu asasal᷊amannu.

IBRANI 6:9 Referans Kwoze

IBRANI 10:39

I ite indi wal᷊inewe walahanna apan sussoṛṛota wuṛṛu u'al᷊iwu. Arawe i ite uddewe walahanna apan mangngimanna Ruata wuṛṛu apan iapaasal᷊amatta.

IBRANI 2:3

Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.

2 KORINTUS 7:10

Ana waugu asasusa ereudde maawal᷊u naungnga apan mandantan asasal᷊amatta. Wuṛṛu taumata tawe sumassilla su olangnge udde. Arawe asasusa apan su lal᷊annu apulun taumata maawawa papate.

IBRANI 10:34

wuṛṛu i yamiu lai mammendama su sambau, asasusan taumata apan su tuttupanna. Wuṛṛu su tempo manga al᷊awo'a apan tatahuananni yamiu aṛṛoanna, i yamiu nanengkamma udde ringannu naungnga mal᷊uassa, ana waugu i yamiu masingkata manungku i yamiu ta'e uatahuanna sambau apan lembon mapia, apan mataṛṛanga saran mal᷊annu-l᷊annu.

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

1 KORINTUS 10:14

Ana waugu udde, manga tuṛṛangnga apan arangnguanna, ṛinone i yamiu maddantinu pasassubba paal᷊uanna.

WATTI'U MANGA RASUL 20:21

Mapia udde su manga taumatan Yahudi aroddi lai su manga walahanna waine i ya'u sidutu mannanata tadea'u i mangitou mawal᷊u wuassu manga rosa mangitou wuṛṛu rumanta ringannu Ruata, see lai mangngimanna Mawu Yesus.

MARKUS 16:16

Taumata apan tawe mangngimanna sarun iṛṛuumanna. Arawe taumata apan mangngimanna wuṛṛu saṛṛanianna, sarun masal᷊amatta.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

IBRANI 6:10

Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

WATTI'U MANGA RASUL 11:18

Napawe naaringikke udde, i mangitou tate nanompola apia. See i mangitou nadalote Ruata. I mangitou mabbisara, “Amungkangngu aroddi, manga taumata apan bal᷊ine Yahudi lai inonggol᷊annu Ruata tempone mawal᷊u wuassu manga rosane wuṛṛu maapussa'a wiakka apan tutune!”

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

2 KORINTUS 12:19

Wotongnge mariaddi yamiu massunna, al᷊annunete indi yami tantal᷊anna mangngambangnga watanganni yami su saruanni yamiu? I yamiu nial᷊iwune atonna! Ruata masingkata manungku al᷊awo'u wisaran kami udde tumuṛṛuttu apulun Kristus. Wuṛṛu al᷊awo'u inolaanni yami udde niola'a ipannohassa pangangimanni yamiu.

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.

2 PETRUS 3:1

Manga tuṛṛangnga apan arangnguanna! Ete indi sura'u aruane si yamiu. Sulal᷊ummu suratta darua indi, ya'u mangke mappandumma mapaasabangu manga ṛingiranna apan mapia si yamiu.

1 YOHANES 2:7

Manga tuṛṛangnga apan arangnguanna! Apa niwoṛṛe'u indi wal᷊inewe sambau parenta apan wakku. Indi parenta tabbe apan suete niapaasingkata si yamiu ro'en i yamiu nanattakka mangngimanna si Kristus; eteudde watti'a wuassu Ruata apan suete niaringiṛṛani yamiu ro'en i yamiu taambe nangimanna.

YUDAS 1:3

Manga tuṛṛangnga apan arangnguanna! I ya'u atonna-tonna pia pandumanna mamoṛṛettu suratta si yamiu su ola'u asasal᷊amatta apan suete niapendamanni ite suaddio'a. Arawe orassa indi ya'u pia pandumma mangaṛṛa'a si yamiu ringannu suratta indi tadea'u i yamiu siddutu mammanara maddea'a pangangimanna apan paassate nionggolu Ruata ma'oman sara mal᷊annu-l᷊annu su al᷊aṛṛanang-Nge.