IBRANI 6:2 - WUKE SUSI WATTI'U AL᷊AL᷊USASSA

² ara'e pinangianannu al᷊aṛṛa'a su ola'u pananaṛṛani ara'e mangaddon lima su wowon taumata, ara'e su ola'u mabbiakka apia napawe natete, ara'e ṛuumanna saran mal᷊annu-l᷊annu.

IBRANI 6:2 Referans Kwoze

WATTI'U MANGA RASUL 6:6

Siri pitu udde niapidda su manga rasul, see manga rasul udde inumal᷊iomanna wuṛṛu nadorongnga al᷊amattu Mawu rumanta si mangitou.

WATTI'U MANGA RASUL 24:25

Arawe napawe i Paulus nanassukku wisarane su ola'u atatul᷊idda wuṛṛu asasabare wuṛṛu su ola'u pallaṛṛuumanna su allong kiamatta, i Feliks nata'utta see nabbisara, “I'o wotongngete mapul᷊e orassa indi. I ya'u sarun mamago si'o apia amungkangngu pia tempone.”

WATTI'U MANGA RASUL 23:6

Paulus naasilo manungku sambageanganna wuassu mallaṛṛuungnga udde taumatan Saduki, wuṛṛu sambageanganna lai taumatan Farisi. Ana waugu udde i tou nabbisara su manga mallaṛṛuungnga udde, “Manga tuṛṛangnga! I ya'u sangkatou taumata walahannu taumatan Farisi. I ya'u niparikisanna isindi ana waugu i ya'u mangngimanna manungku manga taumata nate sarun mabbiakka apia.”

WATTI'U MANGA RASUL 17:18

Manga huru mallal᷊aṛṛenggenni Epikuros wuṛṛu Stoa uasasimbakki tou lai. Siri pira wuassi mangitou nabbisara, “Taumata indi masingkattu apa? Asingkanne tumba'u adio'a, arawe i tou tal᷊imoṛṛonganna!” Siri pirang katou waine nabbisara, “Lihidde i tou mabatti'u manga mongannu walahanna waine.” I mangitou nabbisara aroddi ana waugu i Paulus nabatti'u Mawu Yesus wuṛṛu su ola'u mabbiakka apia wuassu papate.

WATTI'U MANGA RASUL 16:33

Su ṛabbi mattangnga udde lai, tembonannu tuttupanna udde nangapiddi tarua see namaresi manga lessan tarua. Ne i tou wuṛṛu anambon lal᷊oṛṛon wal᷊ene lapiddu naisaṛṛani.

WATTI'U MANGA RASUL 16:15

I Lidia wuṛṛu lal᷊oṛṛon bal᷊ene nisaṛṛanite. Napawe sueten saṛṛanine i tou nabal᷊o si yami. I tou nabbisara, “Amungkangngu manga tuṛṛangnga mammendamma i ya'u atonna-tonna suete nangngimanna Mawu Yesus, wette pangintal᷊ate su wal᷊e'u.” See i tou mammata'a tadea'u i yami tumuṛṛutta darorongngi tou.

WATTI'U MANGA RASUL 10:47

“Pa'ellege, manga taumata indi naasombate Ghaṛṛahon Ruata ere lai i ite. Nariaddi apa wotongnge taumata apan mannal᷊are si mangitou saṛṛaniannu ua'e?”

WATTI'U MANGA RASUL 2:41

Manambo taumata mangngimanna watti'i Petrus, see i mangitou naisaṛṛanite. Ne reengannu taumata mangngimanna su allo udde niatambanna lai tallu ṛiwu su atoune.

WATTI'U MANGA RASUL 2:38

I Petrus sinumimbakka, “Awal᷊ute wuassu manga rosanu. Wuṛṛu i yamiu sambau-sambau ṛinone saṛṛanianna su arannu Mawu Yesus Kristus, tadea'u manga rosanu ampunganna. Ne manga tuṛṛangnga sarun manengkamma Ghaṛṛahon Ruata wuassu Ruata.

YOHANES 1:33

Tempo udde i ya'u ta'e wagga isai i Tou. Arawe Ruata apan nandolo'u manaṛṛani ringannu ua'e suete nabbisara si ya'u, ‘Napawe i'o maasilo Ghaṛṛahon Ruata niumonto'a, see matana'a mangintaṛṛo su sangkatou, ete i Tou apan manaṛṛani ringannu Ghaṛṛahon Ruata.’

MARKUS 16:16

Taumata apan tawe mangngimanna sarun iṛṛuumanna. Arawe taumata apan mangngimanna wuṛṛu saṛṛanianna, sarun masal᷊amatta.

MATIUS 28:19

Ana waugu udde roote su anambon taumata su wowon dunia indi, ola'e i mangitou mallal᷊aṛṛenggeng-Ku. Saṛṛanite i mangitou ringannu arannu Iamangnga, wuṛṛu Ana'a, wuṛṛu Ghaṛṛahon Duata.

DANIEL 12:2

Manambo suwallatti mangitou apan natete sarun tate mabbiakka apia; sambageanganna lai sarun aṛṛiaannu asasusa wuṛṛu atata'utta saran mal᷊annu-l᷊annu lai.

MANNANASE 12:14

Ruta sarun makkuungngu al᷊awo'u inolaanni ite; apan mapia wuṛṛu apan lal᷊eo, ewe'e apan uawuni lai.

2 PETRUS 3:7

Arawe langitta wuṛṛu runia apan sara orassa indi, nipadul᷊ianannu ṛengetannu Ruata udde lai, ana see tutungannu putungnga su tempo addantane. Orassa indi langitta wuṛṛu runia ta'e papadul᷊iananna ma'oman sara allo manga taumata apan lal᷊eo udde iṛṛuumanna wuṛṛu pateanna.

IBRANI 11:35

Ana waugu mangngimanna, ne manga wawine naasomba apia manga taumatane apan natete. Piaddu lai apan ma'apulu sansaranna ma'oman sara mate, wuṛṛu maddiri ipallosa, ana waugu ma'apulu iapa'awiakka apia su sambau ringannu pabbawiakka apan lembon mapia.

IBRANI 9:10

Ana waugu manga lal᷊aghu udde tumba'u matataṛṛino su anna, inumanna, wuṛṛu al᷊awo'u lal᷊aghum pamamaresi. Sarangkanambone udde tumba'u atorannu wadanga apan tumba'u ma'oman sara tempone Ruata mallimbakku.

2 TIMOTIUS 2:18

I mangitou suete nalliu wuassu al᷊aṛṛa'a apan su ṛinone, wuṛṛu nangal᷊iwun pangangimannu sangkawageanganna taumata. I mangitou nabbisara manungku pabbawangunna wuassu papate suete nariaddi.

KOLOSE 2:12

Ana waugu su tempo i yamiu nissaṛṛani, yamiu nilabbingnga su sambau ringanni Kristus; wuṛṛu ringannu sasaṛṛani udde lai yamiu niapaawiakka apia su sambau ringanni Kristus ana waugu i yamiu mangngimanna taṛṛinon Duata apan suete napaawiakki Kristus wuassu papate.

FILIPI 3:21

Wadangngi ite apan lome wuṛṛu wotongnge maṛṛenessa indi, sarun wal᷊uanni Kristus maola'a ere wadang-Nge sassane apan mawantuga. I Tou wotongnge ma'ola'a udde ana waugu I Tou uatahuanna taṛṛino mapassuṛṛubawan sarangkanambone.

1 KORINTUS 12:13

Aroddi lai i ite sarangkanambone, mawae taumatan Yahudi, see lai taumata wal᷊ine Yahudi, manga allangnga, ara'e manga taumata napallose; i ite sarangkanambone buatte nissaṛṛanin Ghaṛṛaho apan uasul᷊ungnga udde. I ite lai sarangkanambone sarun maapendama Ghaṛṛaho apan sambau udde ringannu tawe urangnge.

1 KORINTUS 10:2

Tadea'u maola'a mallal᷊aṛṛenggenni Musa, i mangitou sarangkanambone nissaṛṛani sulal᷊ummu winabbawa wuṛṛu sulal᷊ummu tahal᷊oangnga udde.

ROMA 2:16

Ete aroddi sarun mariaddi su allo apan suete tinantunna udde. Su allo udde – tumuṛṛuttu Watti'u Al᷊al᷊uassa apan ta'u niwatti'a – Ruata sulal᷊ummi Yesus Kristus, sarun mamarikissa al᷊awo'u addapingngu naungnga wuṛṛu ṛingiddu anambon taumata.

WATTI'U MANGA RASUL 26:8

Anio manga tuṛṛangnga manga taumatan Yahudi tawe mangngimanna manungku Ruata mapaawiakku taumata nate apia?

WATTI'U MANGA RASUL 24:21

Niaringiṛṛanni mangitou tumba'u wisara sampaddi indi apan niwisara'u su saruanni mangitou eteudde: I ya'u niparikisanna allo indi ana waugu i ya'u mangngimanna manungku manga taumata nate sarun iapaawiakka apia.”

WATTI'U MANGA RASUL 24:15

Ere lai i mangitou, i ya'u lai pia antimma su Ruata manungku anambon taumata sarun mabbiakka apia wuassu papate – taumata mapia, ara'e lai taumata lal᷊eo!

WATTI'U MANGA RASUL 4:2

I mangitou massa'u ana waugu i Petrus wuṛṛu i Yohanes mabatti'a manungku Mawu Yesus suete nabbiakka apia wuassu papate. Wuṛṛu udde maola'a tatiala manungku taumata nate sarun mabbiakka apia.

YOHANES 5:29

see sumabangnga wuassu lal᷊abinganna. Taumata apan suete na'ola'a apapia sarun mabangunna mabbiakka. Arawe taumata apan suete na'ola'a al᷊al᷊eo sarun mabangunna wuṛṛu iṛṛuumanna.”

LUKAS 14:14

I'o sarun al᷊amatanna, ana waugu manga taumata udde tawe maawal᷊issa apapianu. Apapiannu sarun bal᷊isannu Ruata su tempo manga taumata apan mapia iapaawangunna apia wuassu papate.”

LUKAS 12:50

Ta'e pia lai asasusa wahewa sarun ta'u pendamanna. Wuṛṛu naungku u'ambul᷊isada amungkangngu udde taambe natipussa.

LUKAS 11:38

Taumatan Farisi udde naherangnga naasilo Mawu Yesus inumanna tawe nangukkassa lima rorone, tumuṛṛuttu atorannu agama.

LUKAS 3:16

Ana waugu udde i Yohanes nabbisara si mangitou sarangkanambone, “I ya'u mannaṛṛani si yamiu ringannu ua'e, arawe paṛṛaddote sarun rumanta sal᷊immurine lembon ahewal᷊anne wuassia'u. Mamu'a tal᷊in sapatune lai ya'u tawe suṛṛinone. I Tou sarun manaṛṛani si yamiu ringannu Ghaṛṛahon Ruata wuṛṛu putungnga.

MARKUS 7:8

Manga parentan Ruata tawe pandumanni yamiu, arawe manga atorannu taumata aagasanni yamiu matoha-tohassa.”

MARKUS 7:4

Sarannapa niwallianna su pasakka tawe annananna, amungkangngu taambe niukkassa rorone. Wuṛṛu manambo atoranna waine wuassu iupungngu al᷊amona mangitou apan aagasanni mangitou matoha-tohassa, ere lai atorannu pangangukkassa halasi, mangko wuṛṛu manga sarannapa wuassu witu'a.

MATIUS 3:14

Arawe Yohanes ma'annamma mannol᷊a'u darorongngi Tou udde. I Yohanes nabbisara, “I ya'u indi ṛinone saṛṛanianni Iamangnga. Orassa indi'e Iamangnga nirumanta ringangku maisaṛṛani si ya'u.”

2 KORINTUS 5:10

Ana waugu atonnate i ite sarangkanambone sarun iapaasaruanna pamamarikisanni Kristus, wuṛṛu sangkatou-sangkatou sarun maasomba wawal᷊inne uasul᷊ungngu inolaanne su runia indi – ala'uanna mapia ara'e ala'uanna lal᷊eo.

WATTI'U MANGA RASUL 13:3

Napawe suete nappuasa wuṛṛu inumal᷊iomanna, i mangitou nangandangngu lima si Barnabas wuṛṛu si Saulus see nandoloken tarua.

YESAYA 26:19

Uman-Nu apan natete sarun mabbiakka apia, manga winal᷊unanni mangitou sarun mabbangunna apia. Taumata apan buatte nilabbinga sulal᷊ummu leta'a sarun mabbangunna wuṛṛu lumala'a. Naal᷊ihidda wal᷊angngukka apan ma'al᷊uassa runia, I'o napawiakku uman-Nu apan mal᷊annute nate.