IBRANI 6:17 - WUKE SUSI WATTI'U AL᷊AL᷊USASSA

¹⁷ Ruata ma'apulu manualaga su manga taumata apan manengkamma paaire-Ne, manungku i Tou tawe mamal᷊u ṛiin-Ne. Ana waugu udde i Tou nanamba sasalu su pa'aire-Ne udde.

IBRANI 6:17 Referans Kwoze

IBRANI 6:18

Darua inolaanna udde apan tawe wotonge mawal᷊u: Ruata tawe mangawusu su ola'u pa'aire wuṛṛu sasalu-Ne. Ana waugu udde, i ite apan uasirungke ringannu Ruata, nionggol᷊annu sasasa apan matohassa ipangagassa antimma apan uawilatta su saruanni ite.

AMSAL 19:21

Taumata pia manambo ṛiinna, arawe tumba'u laṛṛawessu Mawu apan maola'a.

YESAYA 55:11

Aroddi lai wisara apan niwisara-U tawe mabbelengnga ringang-Ku ringannu tawe gunane, arawe mahessi maola'a apa apan ipa'apulu-U, wuṛṛu manuungngu al᷊awo'u pandumang-Ku.

IBRANI 11:9

Ringannu mangngimanna, i Abraham natana'a ere sangkatou raho su leta'a apan suete pina'iren Ruata si tou udde. I Abraham uatana'a isudde su rasanna. Aroddi lai Ishak wuṛṛu i Yakub, apan nanengkamma paaire apan nassul᷊ungnga wuassu Ruata.

YESAYA 14:24

Mawu Apan Lembontaṛṛino nassalu: “Apan buatte Ta'u nihol᷊aga sarun matipussa.

DARALO 110:4

Ringannu sasalu Mawu buatte na'ire, i Tou tawe mangul᷊e apia, “Ete I'o imam sarangkal᷊o'engnge, ere i Melkisedek.”

YOHANES 10:10

Taṛṛa ta'o rumanta tumba'u manna'o, mamate, wuṛṛu manggohakka. Arawe i Ya'u nirumanta tadea'u taumata maasomba wiakka – wiakka apan tawe masue.

DARALO 33:11

Arawe ṛiinnu Mawu sidutu ta'e aroddi, apan niatokke uata'a su al᷊o'engngu tempo.

1 PETRUS 3:7

Wuṛṛu i yamiu lai, manga awingnga esakka, ṛinone mabbiakka ringannu napenen pasasunna su saruannu awingngu, wuṛṛu ringannu asingkata manungku ete i mangitou udde walahanna apan lome. Olaawe i mangitou ringannu addata, ana waugu i mangitou su sambau ringanni yamiu, sarun manengkamma al᷊amattu pabbiaṛṛana apan tutune wuassu Ruata. Olaawe indi, tadea'u taweddu maasal᷊awa'a aal᷊iomannu.

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

YAKOBUS 1:17

Suapan aonggola apan mapia wuṛṛu lal᷊antake apan nasuungnga darantane wuassu surga, nisossoku Ruata, Mandariaddi al᷊awo'u asasemakka su langitta. I Tou Ruata apan tawe mawal᷊u, wuṛṛu tawe lai mapaarantan ararandumma.

IBRANI 6:16

Amungkangu manga taumata massalu, i tou massalu ringannu arannu taumata waine apan mattanggaṛṛana wuassi tou, ne sasalu udde mangudusu al᷊awo'u pattatiakka.

IBRANI 6:12

I yami maddiri yamiu mabbal᷊i wolo'a. Arawe i yami maapulu tadea'u i yamiu mabbiakka ere manga taumata apan mannengkama apa apan suete pina'iren Ruata, ana waugu mangngimanna si Tou wuṛṛu ana waugu uaraṛṛaddo ringannu asasabare.

GALATIA 3:29

Amungkangngu i yamiu tatahuanni Kristus ne eteudde i yamiu papapulunni Abraham. Ne i yamiu sarun manengkamma apa apan buatte pina'iren Duata.

ROMA 11:29

Ana waugu amungkangngu Ruata mamile taumata wuṛṛu mangal᷊amatta taumata udde, Ruata tawe mangul᷊e apia apa apan buatte niolang-Nge.

MALEAKHI 3:6

“Ete i Ya'u Mawu, wuṛṛu i Ya'u tawe mawalu. Ana waugu udde i yamiu, papapulunni Yakub, tawe pateanna.

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

IBRANI 11:7

Ana waugu mangngimanna, ne i Nuh niapasingkatannu Ruata su ola'u apa apan sarun mariaddi su allo murine, apan tawe asiloanni tou. I Nuh tinumuṛṛuta Ruata na'oman sara i tou nallanginnu apalla apan sal᷊immurine niasingkatanna napanal᷊amatta wadangnge wuṛṛu lal᷊oṛṛon bal᷊ene. Ringannu aroddi runia niṛṛuumanna, arawe i Nuh sassane ana waugu pangangimanne niapaal᷊iatta'u Ruata ere sangkatou taumata apan mapia.

ROMA 8:17

Ne, amungkangngu ete i ite al᷊aṛṛana'u Ruata, ne i ite lai mananahuanna wurru sarun manengkamma manga al᷊amatta apan buatte nissaddian Duata su manga al᷊aṛṛanang-Nge. I ite sarun manengkamma suadio'a ringanni Kristus apa apan buatte nissaddian Duata si Tou; ana waugu amungkangngu i ite uatataṛṛanga su sambau ringanni Kristus, i ite sarun wantuhanna lai su sambau ringanni Kristus.

YESAYA 46:10

Wuassu panattaṛṛanne i Ya'u namasingkattu manga apa apan sarun mariaddi sal᷊immurine, ro'en dorone i Ya'u mabbatti'a apa apan sarun mariaddi. Manga wisara-U: Putusang-Ku sarun maola'a, apulu-U sarun Ta'u olaanna!

ANTARI MAWANTUGA 5:1

I ya'u nirumanta su wawail᷊angku, tuari, pare'u, ta'u niammulla mur wuṛṛu rampa-rampa'u; ta'u nianna sal᷊akku langon pul᷊a wuṛṛu pul᷊a'u, ta'u niinumma susu wuṛṛu ua'e'u anggore Aante wuṛṛu pa'inumpe, manga hawe, pa'inumpe ma'oman sara iwu'annu paapulu.

SASABANGNGA 22:11

Su olangnge udde i tou ṛinone inai watukku tampan pattataṛṛamawuanna wuṛṛu massalu ringannu arannu Mawu manungku i tou tawe nanna'o winatangnga apan buatte niapal᷊u'adda si tou. Amungkangngu atonna-tonna i tou tawe nanna'o, tatahuanne ṛinone mamasanna arugianna udde, wuṛṛu taumata apan uapadul᷊i salaiwe tate mamaekka arugianna.

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

DARALO 36:8

Tumaniten maarega darangngu-Nu, oh Ruata, taumata uasirungnga sulal᷊ummu al᷊ungngu papaiddu Mawu.

PANDARIADDI 26:28

Ana see i mangitou sinumimbakka, “Orassa indi yami masingkatte manungku Mawu ual᷊u'adda si'o wuṛṛu tumuṛṛuttu addapati yami, mappianne i ite ma'ola'a pa'aire. Passalute

EFESUS 1:11

Ruata mammanara al᷊awo'a tumuṛṛuttu apulu-Ne wuṛṛu ṛaṛṛawen-Ne sassane. Ro'en paarorone i Tou buatte namile si ite, ana waugu i Tou maapulu tadea'u i ite maola'a al᷊aṛṛanang-Nge ana waugu uaaukka ringanni Kristus.