IBRANI 2:18 - WUKE SUSI WATTI'U AL᷊AL᷊USASSA

¹⁸ Wuṛṛu ana waugu i Tou sassane suete natataṛṛanga wuṛṛu niwono'anna, i Tou naapattul᷊ungu manga taumata apan niaṛṛiaannu wawono'a, ana waugu i Tou sassane suete niwono'anna wuṛṛu natataṛṛanga.

IBRANI 2:18 Referans Kwoze

1 KORINTUS 10:13

Al᷊awo'u wawono'a apan niasombanganni yamiu, eteudde wawono'a apan masokkate niapendamannu taumata. Arawe Ruata sidutu uaaggasa paaire-Ne. I tou maddiri mamalanu wono'anna nangillembo wuassu pangangimanni yamiu. Su tempo i yamiu nia'omannu wawono'a, i Tou sarun mamantingiddu lal᷊anna si yamiu tadea'u maola'a matohassa wuṛṛu i yamiu wotongnge maataṛṛangnga.

YUDAS 1:24

Ruata, apan wotongnge mallu'adda si yamiu ana see tawe manawo, wuṛṛu wotongnge mangapiddu su araratuan-Ne apan mawantuga ringannu al᷊al᷊uassa apan tawe urangnge,

IBRANI 5:2

Imam Bahewa udde sassane lome su al᷊awo'u inolaanna wuṛṛu ana waugu udde i tou wotongnge mattingkaola'a masaṛṛionto'a su saruannu taumata apan waggan apa-apa wuṛṛu apan niumal᷊iwun dal᷊anne.

SONDAPPA 3:10

Ana waugu i yamiu suete tinumuṛṛuta parenta-U tadea'u mangngimanna, i Ya'u lai sarun manillumma si yamiu wuassu tempon asasusa apan sarun mariaddi su ahewallu runia. Olangnge udde sarun mariaddi ipamono'a anambon taumata su runia.

2 PETRUS 2:9

Nariaddi, Mawu masingkatta ereapa manal᷊amatta manga taumata tuttuṛṛuta apulu-Ne su tempo i mangitou uasaruanna manga wawono'a. Wuṛṛu Mawu masingkata ereapa manahipunna manga taumata lal᷊eo udde sansaranna su Allo Pamarikisanna,

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

YOHANES 10:29

Iamang-Ku, apan suete nanantilli mangitou si Ya'u, nanampal᷊iu wuassu sarangkanambone. Wuṛṛu tawe saran sangkatou wotongnge mangaṛṛo si mangitou wuassu liman Iamangnga.

LUKAS 22:53

Miallo-miallo i Ya'u su sambau ringanni yamiu su Wal᷊e Mawu, arawe i yamiu tawe manametta si Ya'u. Arawe indite tempone i yamiu manametta, su tempo taṛṛinon ararandumma mappaamattu manarane.”

FILIPI 3:21

Wadangngi ite apan lome wuṛṛu wotongnge maṛṛenessa indi, sarun wal᷊uanni Kristus maola'a ere wadang-Nge sassane apan mawantuga. I Tou wotongnge ma'ola'a udde ana waugu I Tou uatahuanna taṛṛino mapassuṛṛubawan sarangkanambone.

LUKAS 22:28

Sulal᷊ummu al᷊awo'u asasusa-U, yamiu sidutu su sambau ringang-Ku.