IBRANI 13:20 - WUKE SUSI WATTI'U AL᷊AL᷊USASSA

²⁰ Ruata suete napaawiakku Mawung kite Yesus Kristus wuassu papate. Ana waugu papate-Ne udde i Tou orassa indi naola'a Mallal᷊u'adda Mawantuga si ite, eteudde manga dombane. Papate-Ne udde lai mannohassa pa'aire apan tawe pangudusanne apan niola'u Ruata ringanni ite.

IBRANI 13:20 Referans Kwoze

YOHANES 10:11

Tumba'u i Ya'u mallal᷊u'adda apan mapia. Mallal᷊u'adda mapia mannantillu niawa-Ne ipanal᷊i manga domba-Ne.

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

DARALO 23:1

Daralon Daud. Si ya'u, Mawu naal᷊ihidda sangkatou mallal᷊u'adda, i ya'u tawe apausanne.

ROMA 15:33

Antimanna Ruata, apan nangonggolu paddarame su taumata, uatana'a ringanni yamiu sarangkanambone. Amin.

YEHEZKIEL 37:26

I Ya'u sarun makkiinnu sambau pa'aire ringanni mangitou apan manohassa atatammudi mangitou saran mal᷊annu-l᷊annu. I Ya'u sarun mangal᷊amatta wuṛṛu manamba reenganni mangitou. Su leta'i mangitou sarun Ta'u iapararisikka Wal᷊e-U apan sidutu poiaroddi saran mal᷊annu-l᷊annu.

2 TESALONIKA 3:16

Eteudde Mawu punnu paddaramen kite. Doronganna i Tou siddutu mangonggolu paddarame si yamiu su al᷊awo'u inolaanna. Doronganna Mawu makkundinganna tuṛṛanga sarangkanambone.

YOHANES 10:14

Tumba'u i Ya'u mallal᷊u'adda apan mapia. Ere lai Iamangnga maaillal᷊a si Ya'u, wuṛṛu i Ya'u lai ma'aillal᷊a Iamangnga, aroddi lai Ya'u maaillal᷊a manga domba'u wuṛṛu i mangitou lai maaillal᷊a si Ya'u. I Ya'u mannantillu niawa-U ana waugu i mangitou.

ZAKARIA 9:11

Mawu nabbisara su uman-Ne, “Ringannu paaire apan Ta'u niola'a si yamiu, paaire apan nitialanu daṛṛan sasamba, sarun Ta'u ipallossa tumanangngu apan uatataṛṛangnga sulal᷊ummu pamamuanganna naal᷊ihidda taumata apan uataṛṛo sulal᷊ummu paṛṛihi mamara.

WATTI'U MANGA RASUL 2:24

Arawe Ruata napaawiakki Tou apia wuassu wallattu manga taumata nate. I Tou niallupu papate, arawe Ruata napaal᷊iun Tou, ana waugu tawe ṛinone i Tou sidutu aagasannu papate.

SASABANGNGA 24:8

Ana see i Musa nanganu daṛṛa sulal᷊ummu manga tinaṛṛiti udde wuṛṛu nialassa su tumana'u soa. Wisarane, “Daṛṛa indi mannohassa pa'aire Mawu ringanni yamiu pangaiananne wuassu manga parenta-Ne.”

1 PETRUS 2:25

Dorone i yamiu ere domba nilamammiṛṛanne, arawe orassa indi yamiu suete niapidda apia tumantalongnga Mallal᷊u'adda wuṛṛu Mamamadul᷊i niawanu.

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

WATTI'U MANGA RASUL 3:15

Manga tuṛṛangnga namate si Tou, sumbal᷊i ete i Tou punnu wiakku taumata nambo. Wuṛṛu Ruata suete napaawiakki Tou apia wuassu papate. Wuṛṛu i yami suete naasilo sassane olangnge udde.

YESAYA 63:11

Wua'udde i mangitou nanaungke tempon al᷊amona, tempo Musa, allangngu Mawu. I mangitou naiwal᷊o, “Suapate Mawu apan nangehetta manga piaṛṛa'u uman-Ne niumamatta su tahal᷊oangnga? Suapate Mawu apan nangonggollu taṛṛino-Ne si mangitou?

1 PETRUS 1:21

Ete wuassi Tou i yamiu mangngimanna Ruata apan suete napaawiakki Tou apia wuassu papate wuṛṛu namantuga si Tou. Nariaddi ete Ruata apan pangimananni yamiu wuṛṛu ete su Ruata lai apan pangantimanni yamiu.

1 TESALONIKA 1:10

I mangitou uahahatto lai su ola'u ereapa i yamiu mangngantimma darantan Ana'u Ruata wuassu surga, eteudde Mawu Yesus, apan suete niapaawiakku Ruata wuassu papate. Ete Mawu Yesus udde lai apan manal᷊amatta si ite wuassu asasa'un Duata apan sarun rumanta.

KOLOSE 2:12

Ana waugu su tempo i yamiu nissaṛṛani, yamiu nilabbingnga su sambau ringanni Kristus; wuṛṛu ringannu sasaṛṛani udde lai yamiu niapaawiakka apia su sambau ringanni Kristus ana waugu i yamiu mangngimanna taṛṛinon Duata apan suete napaawiakki Kristus wuassu papate.

YEREMIA 32:40

I Ya'u sarun ma'ola'a paaire apan tawe pattaal᷊anne ringanni mangitou. I Ya'u tawe mangillol᷊o ma'ola'a apapia si mangitou. I Ya'u sarun ma'ola'a si mangitou matta'utta wuṛṛu maaddatta si Ya'u ringannu ahewallu naungnga tadea'u i mangitou tawe mangindau-U.

1 TAWARIKH 16:17

ana see nitohassa ringanni Yakub maola'a pa'aire tawe panguddusanne su walahannu Israel.

1 PETRUS 5:4

Wuṛṛu su tempo Mallal᷊u'adda Mawantuga udde rumanta apia, i yamiu sarun manengkamma mahkota apan mal᷊endapa wuṛṛu tawe mawulle sal᷊endamme.

IBRANI 10:29

Aroddi awakkane ṛuumanna apan ionggola su taumata apan maṛṛinda Ana'u Ruata. Taumata udde mangngadio'a ṛaṛṛam pa'airen Ruata, eteudde papaten Kristus apan namaresi si tou wuassu rosa. I Tou mangngadio'a Ghaṛṛaho apan mangngonggolu al᷊amatta.

IBRANI 9:20

Lapiddu ma'ola'a udde i Musa nabbisara, “Ete indi ṛaṛṛa apan mannohassa pa'aire wuassu Ruata apan ṛinone tuṛṛutanni yamiu.”

1 TESALONIKA 5:23

Antimanna Ruata sassane mangonggolu paddarame si ite, ma'ola'a si yamiu taumata apan atonna-tonna mabbiakka hunan Duata sassane. Doronganna Ruata mallu'adda ahewallu wadangngu, mawae ghaṛṛaho, ṛimuudda, wuṛṛu lai wadangngu, ma'oman sara tawe sangkule su tempo Mawun kite Yesus Kristus rumanta apia.

FILIPI 4:9

Ola'e apa apan a'urumanna wuṛṛu asengkamani yamiu wuassi ya'u: mawae wuassu manga wisara ara'e lai wuassu manga inolaangku. Ruata punnu paddarame, sarun mangal᷊amatta si yamiu.

ROMA 8:11

Amungkangngu Ghaṛṛahon Duata apan napaawiakki Kristus wuassu papate, mabbiakka sulal᷊ummu ririnu, ne i Tou apan napaawiakki Kristus wuassu papate udde, mapaawiakku ririnu lai apan wotongnge mate udde. I Tou na'ola'a udde ringannu Ghaṛṛaho-Ne apan mabbiakka sulal᷊ummu ririnu.

WATTI'U MANGA RASUL 5:30

Mawu Yesus, apan niarussang kamiu suete niapaawiakku Ruata iupungngu al᷊amonang kite apia wuassu papate.

MATIUS 26:28

Ana waugu indi ṛaṛṛa-U apan mannohassa pa'airen Ruata ṛaṛṛa apan niapaturo ana waugu taumata nambo wuṛṛu ipangampungnga rosa mangitou.

YEHEZKIEL 34:23

I Ya'u sarun manenegu sangkatou ratu apan ere allang-Ku Daud, tadea'u maola'a mallal᷊u'addi mangitou, wuṛṛu i tou sarun mappadul᷊i si mangitou.

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

2 SAMUEL 23:5

Aroddi lai papapulungku nial᷊amatannu Ruata, pa'aire-Ne si ya'u, tawe mawal᷊u, pa'aire-Ne udde mal᷊annu-l᷊annu wuṛṛu nasuungnga, mangke sidutu uaatokka su sarangkanambone. Ruata uariaga auntungangku wuṛṛu nangutungngu al᷊awo'u apulun naungku.

EFESUS 1:20

apan nipaatti Tou su tempo napaawiakki Kristus apia wuassu papate wuṛṛu nangonggolla si Tou aiananna atanggaṛṛanne su sambau ringannu Duata su surga.

GALATIA 1:1

Manga tuṛṛangnga manga jamaatta su wageangngu Galatia, i ya'u, Paulus, wuṛṛu anambon tuṛṛangnga taumatan Saṛṛani apan suadio'a ringangku, mangngantima doronganna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu paddarame si yamiu. I ya'u naola'a rasul wal᷊ine ana waugu wuassu taumata, ara'e ana waugu nitenegu taumata, ewe'e ana waugu Yesus Kristus Ruata Iamangngi ite apan suete napaawiakki Tou apia wuassu papate.

2 KORINTUS 13:11

Panginsueanne, manga tuṛṛangnga, ṛinone i yamiu lumuassa, wuṛṛu padea'a, tadea'u i yamiu maola'a masuungnga. Sengkamawe al᷊awo'u tatantiro'u. Ṛinone i yamiu naungnga sambau wuṛṛu mabbiakka su paddarame. Ruata Lembon Maakkanna wuṛṛu masaṛṛionto'a udde sarun matana'a ringanni yamiu.

2 KORINTUS 4:14

I yami pia antimma manungku Ruata apan buatte napaawiakku Mawu Yesus, sarun mapaawiakki yami lai ringannu Mawu Yesus, wuṛṛu mangapiddi yamiu wuṛṛu i yami su saruan-Ne.

1 KORINTUS 15:15

Nangillembo wua isudde, nasemakke manungku i yamiu mangngawusu su ola'u Ruata, ana waugu i yami mabbatti'a manungku Ruata buatte napaawiakki Kristus wuassu papate, wutte'e Ruata tawe napaawiakki tou apia – amungkangngu atonna taumata nate tawe iapaawiakka apia!

1 KORINTUS 14:33

Ruata eteudde Mawu apan maapulu uaatokka mapia; i Tou wal᷊ine Ruata apan maapulun patatiakka. Ere lai nariaddi sulal᷊ummu anambon jamaattu Ruata,

1 KORINTUS 6:14

Ruata suete napaawiakku Mawu Yesus wuassu papate, aroddi lai Ruata sarun mapaawiakki ite ringannu taṛṛino-Ne.

WATTI'U MANGA RASUL 17:31

Ana waugu i Tou suete nanantunnu sambau tempo ipamarikissa ahewallu runia indi ringannu atatul᷊idda. Manara udde sarun olaannu sangkatou apan suete nipilen Ruata su ipa'ola'a manara udde. Wuṛṛu tadea'u anambon taumata ma'asunna olangnge udde, Ruata suete napaawiakku taumata apia udde wuassu papate!”

WATTI'U MANGA RASUL 13:30

Arawe Ruata napaawiakki Tou apia wuassu papate.

WATTI'U MANGA RASUL 2:32

Ete Mawu Yesus udde apan niapaawiakku Ruata apia wuassu papate. Iami sarangkanambone suete naasilo sassane olangnge udde.

LUKAS 22:20

Aroddi lai napawe suete inumanna, i Tou nangonggolu mangkon anggore udde si mangitou wuṛṛu nabbisara, “Mangko indi, eteudde pa'aire Ruata apan wakku, apan nitohassu daṛṛa-U – daṛṛa apan tinantilla ana waugu i yamiu].”

MARKUS 14:24

Wua'udde Mawu Yesus nabbisara, “Ete indi ṛaṛṛa-U apan mapaasuungngu pa'airen Duata, ṛaṛṛa apan suete niapaturo hunan taumata nambo.

YEHEZKIEL 37:24

I mangitou sarun i'aukka su al᷊ungngu sangkatou ratu ere i Ratu Daud apan sarun mamarenta saran mal᷊annu-l᷊annu. Ringannu satia i mangitou sarun tumuṛṛutta manga tita-U. Wuṛṛu saran mal᷊annu-l᷊annu i mangitou see papapulunni mangitou sarun mamanua su leta'a udde, leta'a apan Ta'u nionggolla si Yakub wuṛṛu niwanuannu iupungngu al᷊amona mangitou.

YESAYA 61:8

Mawu nabbisara, “I Ya'u marangngu atatul᷊idda wuṛṛu maddantinnu pangangallanga se'e lai al᷊al᷊eo. I Ya'u sarun mangonggollu hadinu ringannu uaatokka, wuṛṛu mangiittu paddariandi sarangkal᷊o'enge ringanni yamiu.

ROMA 16:20

Ruata apan nangonggolu paddarame su taumata, mal᷊ihakke mandolokku Setanna massuṛṛubawa su taṛṛinonu wuṛṛu maṛṛimunsa'a si tou. Antimanna manga tuṛṛangnga sidutu aal᷊amatanni Yesus Kristus Mawun kite!

ROMA 1:4

arawe su ola'u saṛṛen pangangimanna i Tou udde Ana'u Ruata. Udde nilumiatta'a sulal᷊ummu taṛṛino apan wahewalla sulal᷊ummu pabbawangun-Ne wuassu papate.

WATTI'U MANGA RASUL 4:10

Ne, manga mawu sarangkanambone ṛinone maasingkatta wuṛṛu anambon walahannu Israel ṛinone lai maasingkatta manungku taumata indi uarisikka orassa indi ringannu wadangnga apan mapia su saruannu manga mawu, ana waugu atatohassa wuṛṛu taṛṛino wuassu Mawu Yesus Kristus taumatan Nazaret. Manga mawu suete nangarussa Mawu Yesus udde, arawe Ruata suete napaawiakki Tou apia.

DARALO 80:1

Su piaṛṛa'u mangangantari. Tumuṛṛuttu antari: Wunga hal᷊ohomma. Daralon tatialan Asaf.

2 TAWARIKH 30:12

Su Yehuda lai Ruata nammanara wuṛṛu nangaukku naungngu tumanangnge tadea'u atonna-tonna tumuṛṛutta apulun Duata ringannu tuttuṛṛutta lai manga parentan datu wuṛṛu mamanaran araratuanne.

ROMA 10:7

ara'e, ‘Isai apan sarun sumossokka su runian taumata nate?’ (atappasanne mappaawiakki Kristus wuassu papate).”