IBRANI 13:2 - WUKE SUSI WATTI'U AL᷊AL᷊USASSA

² Arie humago'a mapaatana'a su wal᷊enu manga taumata apan ta'e awagananni yamiu. Ana waugu ringannu ma'ola'a aroddi, piate taumata, ringannu tawe niatutukka suete napaatana'u mala'ekatta su wal᷊ene.

IBRANI 13:2 Referans Kwoze

MATIUS 25:35

Ana waugu su tempo i Ya'u mal᷊unussa, yamiu nangagillu anna si Ya'u, wuṛṛu su tempo i Ya'u marou, i yamiu nangagillu ua'e si Ya'u. I Ya'u sangkatou raho, i yamiu nanarimmatta si Ya'u su wal᷊enu.

PANDARIADDI 18:1

Mawu naipasilon batangan-Ne si Abraham marani manga aaluanna pia taṛṛinone tampan patataṛṛamawuanna su Mamre. Su allo udde paddissa mapal᷊atta, wuṛṛu i Abraham tantal᷊anna ua'ianna su ngaran rasanne.

ROMA 12:13

Patatul᷊ungnga mapaasuungngu hausannu manga taumatan Saṛṛani waine wuṛṛu sal᷊ohoiwe manga tuṛṛangnga su pangangimanna sambau apan ta'e awaganannu, ringannu naungnga mal᷊uassa sulal᷊ummu wal᷊enu.

1 PETRUS 4:9

Ṛinone i yamiu uasasal᷊oho sangkatou ringannu waine sulal᷊ummu wal᷊enu sambau-sambau, ringannu tawe sumamboṛṛe.

MATIUS 25:43

I Ya'u taumata raho, i yamiu tawe nanarimmatta si Ya'u sulal᷊ummu wal᷊enu. I Ya'u tawe laubba i yamiu tawe nangagillu laubba si Ya'u. I Ya'u maradda'a wuṛṛu su ṛuumanna, i yamiu tawe nantul᷊ungku.’

TITUS 1:8

Ṛinone i tou mal᷊uassa manarimmattu taumata su wal᷊ene, maapulu manga inolaanna apan mapia, wotongnge maṛṛadannu aapulun naungnge, matul᷊idda, susi wuṛṛu ma'uddupa.

AYUB 31:32

Wal᷊e'u wawu'anna su taumata apan sussal᷊ele; taambe saran paassa i mangitou niwala'u mattiilla su lal᷊anna.

IMAMATTA 19:34

Ola'ewe i mangitou ere lai yamiu ma'ola'a manga taumata sambalahannu wuṛṛu pandangngute si mangitou ere lai yamiu mandangngu watangannu sassane. Paanaunge manungku i yamiu lai buatte nabbiakka ere taumata raho su Mesir. Ete i Ya'u Ruatanu.

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

1 TIMOTIUS 5:10

tinumelennga ere sangkatou wawine apan ma'ola'a apapia, ereindi: i tou suete namadul᷊i manga al᷊aṛṛanangnge ringannu mapia, naungnge mal᷊uassa mangimbe raho matana'a su wal᷊ene, mangimbe manga taumata mangngimanna, massumbala manga taumata susa, wuṛṛu mammanara atonna-tonna al᷊awo'u manara apan mapia.

1 TIMOTIUS 3:2

Sangkatou mallal᷊u'adda jamaatta ṛinone taumata tawe sal᷊ane, tumba'u sangkatou awingnge, masabare, pande, wuṛṛu maaduna; i tou maapulu manol᷊oho raho su wal᷊ene, wuṛṛu wotongnge mangaṛṛa'a taumata;

ROMA 16:23

Gayus napaapiddu tabea lai si yamiu. I ya'u uatana'a su wal᷊ene wuṛṛu jamaatti yami lai mattaṛṛamawu isudde. Erastus, tembonannu mananahipunna roittu soa, napaapiddu tabeane lai si yamiu. Aroddi lai tuṛṛangngi ite Kwartus. [

YESAYA 58:7

Tahiate annu su manga taumata apan mal᷊unussa, tarimmata'e manga taumata lallele su wal᷊enu. Onggol᷊eten laubba su taumata tantol᷊e, wuṛṛu arie mapawelengngu tuṛṛangngu apan ṛinone itul᷊ungnga.

WATTI'U MANGA RASUL 16:15

I Lidia wuṛṛu lal᷊oṛṛon bal᷊ene nisaṛṛanite. Napawe sueten saṛṛanine i tou nabal᷊o si yami. I tou nabbisara, “Amungkangngu manga tuṛṛangnga mammendamma i ya'u atonna-tonna suete nangngimanna Mawu Yesus, wette pangintal᷊ate su wal᷊e'u.” See i tou mammata'a tadea'u i yami tumuṛṛutta darorongngi tou.

AYUB 31:19

Napawe i ya'u maasilo taumata apan su awussa, tumaniten asiangnga na'oman sara tate maawalli laubba,

2 MARARATU 4:8

Su Sunem pia sangkatou wawine ala uatana'a. Su allo sambau sutempo i Elisa inaite watukku Sunem, wawine udde nangahe niumanna. Nanattakka orassa udde suapan i Elisa inai su Sunem i tou u'anna su wal᷊en bawine udde.

PANDARIADDI 19:1

Napawe buatte nattindaho ringanni Abraham, ruan katou mala'ekatta udde inaite su Sodom wuṛṛu na'omate poiaroddi alloarane. I Lot tantal᷊anna ua'ianna su ngaran soa, wuṛṛu napawe naasilo sitarua, i tou dirumarisikka manal᷊oho sitarua. Ana see niumal᷊intuddate i tou su saruanni tarua,

3 YOHANES 1:5

Tuṛṛangku! Tuṛṛangnga aroddi atuṛṛunne sulal᷊ummu manara apan a'olaannu tuṛṛanga su manga hawe labbisa taumatan Saṛṛani; ewe'e lai manga taumatan Saṛṛani apan taambe niasingkatannu lai, a'imbeanni yamiu.