IBRANI 12:26 - WUKE SUSI WATTI'U AL᷊AL᷊USASSA

²⁶ Su tempo udde tingikke naaṛṛindu'a runia. Arawe orassa indi i Tou na'ire, “Paassa lai, ya'u sarun mamaṛṛindu'a wal᷊ine tumba'u su runia ewe'e su langitta lai.”

IBRANI 12:26 Referans Kwoze

YESAYA 13:13

Ya'u sarun ma'ola'a langitta mangngindo wuṛṛu runia umio'a wuassu tampane su allo i Ya'u, Mawu Apan Lembontaṛṛino, mapal᷊iatta'u asasa'u-U.

SASABANGNGA 19:18

Ahewallu Wowon Sinai aoopannu timbulla, ana waugu Mawu sinumossokka su puidde sulal᷊ummu putungnga. Timbulla udde sussal᷊oi naal᷊ihidda timbulla wuassu padduru'anna, wuṛṛu ahewallu wowone niumio'a ringannu lembone.

YOEL 3:16

Mawu u'ui wuassu Sion, wowonen Tou; wuasu Yerusalem nirumallu'a tingik-Ke. Langitta wuṛṛu runia niumio'a ana waugu i Tou. Arawe Mawu sidutu sarun mannamba'a wuṛṛu manirungnga Israel, uman-Ne.

YESAYA 2:19

Sutempo Mawu dumarisikka wuṛṛu mangio'u runia, taumata sarun sumutta sulal᷊ummu manga liangnga su manga wuiddu watu ara'e ma'al᷊i loṛṛangnga sulal᷊ummu leta'a tadea'u mal᷊iudda wuassu asasa'un Mawu wuṛṛu wuassu taṛṛino-Ne apan mawantuga. Amungkangngu allo udde nia'omante, manga pasasubba paal᷊uanna sal᷊a'a wuṛṛu wul᷊awanna apan nilanginni mangitou wuṛṛu sassubbanna, udde sarun itantangnga aroddi su wal᷊awo wuṛṛu pani'i.

IBRANI 12:27

Wisara “Paassa lai” mannantiro manungku ahewallu runia apan suete niolang-Nge sarun iio'a wuṛṛu iramme, tadea'u mallambe tumba'u sarannapa apan tawe umio'a.

HABAKUK 3:10

Naasilo Si'o, manga wowone niumio'a wuassu langitta sinumossokka uranna ere nilal᷊inna. Ua'e sulal᷊ummu lete'a maddallu'a tingikke, luangnge wahahewalla wuṛṛu mabbasse.

HAGAI 2:22

manga araratuanna Ta'u iapaṛṛa'a wuṛṛu taṛṛinon mangitou Ta'u ṛinumsaanna. Manga karetan pangalo ringannu mangangapidde sarun Ta'u iwal᷊insuangnga; anambon awal᷊o sarun nate wuṛṛu manga sumasa'ene sarun mapapate.

MAL᷊AṚṚUUNGNGA 5:4

Su tempo I'o manantangken Seir, oh Mawu, wuṛṛu I'o nanantangngu wageangngu leta'u Edom, runia niumio'a, manga sasal᷊ossoga su langitta lai nawu'a, wuṛṛu manga winabbawa nanossokku ua'ene.

YESAYA 66:22

Naal᷊ihidda langitta wakku wuṛṛu runia wakku sarun matatana'a ana waugu taṛṛino-U, aroddi lai pallaṛṛitenu wuṛṛu arannu sarun sidutu matatana'a.

HAGAI 2:21

tadea'u iapasingkatta si Gubernure Zerubabel. Unnu Mawu, “Tate mal᷊annu lai langitta wuṛṛu runia sarun Ta'u iio'a,