IBRANI 12:24 - WUKE SUSI WATTI'U AL᷊AL᷊USASSA

²⁴ I yamiu nirumanta sumaruanna Mawu Yesus, Uatangnga pa'aire apan wakku udde; i yamiu sumaruanna ṛaṛṛa wawokka apan wotongnge maola'a tatubbusu inolaanna apan lembon apianne wuassu apan nitubbusanu ṛaṛṛan Habel.

IBRANI 12:24 Referans Kwoze

IBRANI 9:15

Ana waugu udde i Kristus naola'a Pal᷊alawenne su sambau paaire apan wakku, tadea'u taumata apan suete niwagoannu Ruata wotongnge manengkamma manga al᷊amatta awasa apan suete pina'iren Ruata. Sarangkanambone udde wotongnge mariaddi ana waugu piateddu nate, eteudde i Kristus; wuṛṛu papate-Ne udde namallosu manga taumata wuassu manga pasasal᷊a apan niola'i mangitou su tempo pa'aire paarorone ta'e ipappa'atta.

IBRANI 11:28

Ana waugu mangngimanna, ne i Musa nallaghum Paskah wuṛṛu namarenta tadea'u iwokka ṛaṛṛa su ngara wal᷊en taumatan Israel taddea'u Mala'ekattu Papate tawe mamate al᷊aṛṛana'a pahul᷊u mangitou.

IBRANI 11:4

Ana waugu mangngimanna, ne i Habel nangonggolu sasamba apan apianne su Ruata wuassu aonggoli Kain. Ana waugu pangangimanne udde, Habel tinarimmatu Ruata naola'a sangkatou taumata apan mapia, ana waugu nilumiatta'e manungku Ruata nanengkamma aonggole. I Habel natete, arawe ana waugu pangangimanne udde, ne i tou ta'e uahahatto sara orassa indi.

IBRANI 8:6

Arawe orassa indi Mawu Yesus naasomba manaran imam apan lembon awantuhanne wuassu apan nimmanara manga imam udde. Ana waugu paaire apan niola'a su wallatu Ruata wuṛṛu taumata, eteudde pa'aire apan lembon apianne ana waugu pinangianannu paaire hunane su manga inolaanna apan lembon apianne.

PANDARIADDI 4:10

Ana see Mawu nabbisara, “Anio i'o ma'ola'a inolaanna apan maata'utta udde? Daṛṛan tuarinu uui si ya'u wuassu leta'a, naal᷊ihidda tingikka sussal᷊ande madorongnga wawal᷊inne.

1 TIMOTIUS 2:5

Ana waugu, tumba'u pia sambau Ruata, wuṛṛu tumba'u sangkatou mananangngan Duata wuṛṛu taumata, eteudde Kristus Yesus.

MATIUS 26:28

Ana waugu indi ṛaṛṛa-U apan mannohassa pa'airen Ruata ṛaṛṛa apan niapaturo ana waugu taumata nambo wuṛṛu ipangampungnga rosa mangitou.

MATIUS 23:35

Ana waugu udde, i yamiu sarun iṛṛuumanna ana waugu pamamate apan niola'a su manga taumata apan tawe sal᷊ane – nanatakka wuassu pamamate si Habel apan tawe sal᷊ane, na'oman sara pamamate si Zakharia ana'i Berekia apan nipateng kamiu su wallattu Wal᷊e Mawu wuṛṛu tampan sasamba.

LUKAS 22:20

Aroddi lai napawe suete inumanna, i Tou nangonggolu mangkon anggore udde si mangitou wuṛṛu nabbisara, “Mangko indi, eteudde pa'aire Ruata apan wakku, apan nitohassu daṛṛa-U – daṛṛa apan tinantilla ana waugu i yamiu].”

SASABANGNGA 24:8

Ana see i Musa nanganu daṛṛa sulal᷊ummu manga tinaṛṛiti udde wuṛṛu nialassa su tumana'u soa. Wisarane, “Daṛṛa indi mannohassa pa'aire Mawu ringanni yamiu pangaiananne wuassu manga parenta-Ne.”

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

IBRANI 9:21

Wua'udde ringannu inolaanna apan uasul᷊ungnga, i Musa nanebboku ṛaṛṛa udde lai su Rasannu Mawu wuṛṛu su al᷊awo'u sarannapam patataṛṛamawuanna.

IBRANI 13:20

Ruata suete napaawiakku Mawung kite Yesus Kristus wuassu papate. Ana waugu papate-Ne udde i Tou orassa indi naola'a Mallal᷊u'adda Mawantuga si ite, eteudde manga dombane. Papate-Ne udde lai mannohassa pa'aire apan tawe pangudusanne apan niola'u Ruata ringanni ite.

IBRANI 7:22

Ringannu udde lai Mawu Yesus naola'a wataṛṛu su sambau pa'aire apan lembon apianne.

LUKAS 11:51

nanattakka wuassu pamamate si Habel na'oman sara pamamate si Zakharia, apan nariaddi su wallattu pangadoannu sasamba wuṛṛu Wal᷊e Mawu. Pangimante: Manga taumata orassa indi sarun iṛṛuumanna ana waugu sarangkanambone udde.

MARKUS 14:24

Wua'udde Mawu Yesus nabbisara, “Ete indi ṛaṛṛa-U apan mapaasuungngu pa'airen Duata, ṛaṛṛa apan suete niapaturo hunan taumata nambo.

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

IBRANI 8:8

Arawe Ruata suete naasomba pasasal᷊a su pabbawalage, na'oman sara Ruata nabbisara, “Naunge, sarun dumanta tempone, I Ya'u sarun makkiinnu paaire apan wakku su walahannu Israel, wuṛṛu su walahannu Yehuda.

IMAMATTA 1:5

Wua'udde sapi udde ṛinone ṛatanna su saruannu ngaran Dasanna. Daṛṛane ṛinone ionggolu manga imam papapulunni Harun su Mawu, ana see iwokka su mezbah sandiṛṛanne appata wuṛṛu su saruannu ngaran Dasanna.

GALATIA 3:20

Ne, ṛinone pia darua wageange, wakkute udde pia sangkatou pal᷊elene. Arawe Ruata tawe mappanduma pal᷊elene, ana waugu i Tou sassane mammanara.

IBRANI 8:13

Ringannu napaasingkattu sambau pa'aire wakku, Ruata na'ola'a pa'aire apan paarorone udde natabbete wuṛṛu nal᷊al᷊eote, wuṛṛu apa apan tabbete sarun mal᷊ihakke mawul᷊i.

IBRANI 9:19

Paarorone atonna i Musa namasingkatu anambon titan Ruata su walahannu Israel. Wua'udde i Musa nanganu ṛaṛṛan ana'u sapi wuṛṛu ṛaṛṛang kambinga esakka, see nillo'annu ua'e, wua'udde nialassa su Wuke Manga Titan Ruata wuṛṛu su anambon walahannu Israel ringannu nappaattu nannal᷊o hisop wuṛṛu wambul᷊un domba lihidde ere ate.