IBRANI 12:12 - WUKE SUSI WATTI'U AL᷊AL᷊USASSA

¹² Ana waugu udde, tohasse limanu apan lome wuṛṛu wuunu apan mangngindo udde!

IBRANI 12:12 Referans Kwoze

YESAYA 35:3

Tohassawe ta'iakka apan lome, uattawe wu'u apan huggolle.

IBRANI 12:3

Annama'a ṛingira'a ereapa asasusane Mawu Yesus sinumaruanna manga taumata marosa apan nilumawangnga si Tou aroddi al᷊aṛṛage! Ana waugu udde arie maadio'a naungngu wuṛṛu mallome.

1 TESALONIKA 5:14

I yami maddoronga lai, manga tuṛṛangnga, taggue ringannu paddarame taumata apan maddiri mammanara; tohassa naungngu taumata apan matta'utta; tul᷊unga'a taumata apan wotongnge iatul᷊unga, wuṛṛu paasabare su saruannu awadaalla.

YEHEZKIEL 21:7

Amungkangngu i mangitou maiwal᷊o anio i'o ma'u are, wal᷊oa'e manungku i'o massusa ana waugu watti'a apan sarun dumanta. Watti'a udde sarun maaola'a naungngi mangitou mata'utta, lima mangitou mallome, wuṛṛu wu'u mangitou mangngiladda, i mangitou sarun apadiannu ikkatta. Atonna tempone nia'omante, wuṛṛu sarangkanambone udde sarun mariaddi. I Ya'u Mawu Apan Atanggaṛṛanne buatte nabbisara.”

IBRANI 12:5

Wuṛṛu imbaṛṛanga maabul᷊in tanatan Ruata indi, apan nionggolla si yamiu manga al᷊aṛṛanang-Nge: “Al᷊aṛṛana'u, paatutuṛṛe paapia-pia al᷊aṛṛa'u Mawu, wuṛṛu arie naungngu maadio'a amungkangu i Tou masa'u si'o.

YEHEZKIEL 7:17

Suapan taumata sarun mallome limane wuṛṛu lumongkokka wuune.

NAHUM 2:10

Niniwe naṛṛimunsa'e, mal᷊annabba wuṛṛu nal᷊ol᷊okka. Naungnga nabbal᷊i maammi ana waugu matta'utta. Wantiṛṛanna nabbal᷊i lome wuṛṛu mangngindo. Ne anambon taumata nabbal᷊i namikkassa mawira-wira.

DANIEL 5:6

I tou nabal᷊i namillossa wuṛṛu arodi ata'unne na'oman sara wuune mangngiladda.

DARALO 109:24

Wuu'u mangngindo ana waugu mappuasa, waddangku nabbal᷊i maṛṛasa-ṛasa.

ZEFANYA 3:16

Sarun a'omanna tempone manga taumata sarun mabbisara sal᷊immurine, “Ei Yerusalem, ariete paata'utta wuṛṛu maaddio'a naungngu.