IBRANI 12:11 - WUKE SUSI WATTI'U AL᷊AL᷊USASSA

¹¹ Atonna su tempo i ite a'aṛṛaanna, ṛuumanna udde tawe ma'al᷊uassa naungngi ite, ewe'e tumba'u maasusa. Arawe mal᷊iu wua isudde, si ite apan suete niaṛṛa'anna, ṛuumanna udde ma'ola'a si ite mabbiakka tuttuṛṛuta apulu Ruata, wuṛṛu mangngonggolu apendamu paddarame si ite.

IBRANI 12:11 Referans Kwoze

2 KORINTUS 4:17

Wuṛṛu asasusa apan tawe tumaniten mawakkata indi, apan tumba'u papendamanni yami tal᷊an kadio'a, sarun mangonggolu hessine si yami sambau al᷊al᷊uassa apan wahewalla wuṛṛu tawe pangudusanne. Al᷊al᷊uassa udde maggewal᷊anna marau amungkangngu isul᷊ungngu asasusa udde sassane.

1 PETRUS 1:6

Ana waugu udde ṛinone i yamiu lumuassa, salaiwe orassa indi tumba'u tal᷊an kadio'a i yamiu sarun masusa ana waugu i yamiu naapendama anambon hatin bawono'a.

IBRANI 12:10

Hagurangngi ite su runia mangngaṛṛa'a si ite tumba'u sulal᷊ummu tempo apan pia patta'al᷊anne, tumuṛṛuttu apa apan su apendami mangitou mapia. Arawe Ruata mangngaṛṛa'a si ite hunane su apapiang kite sassane, tadea'u i ite wotongnge maola'a susi suadio'a ringanni Tou.

DARALO 118:18

Mawu buatte nanansara si ya'u ringannu lembone, arawe i Ya'u tawe tinantilli tou su papate.

YESAYA 32:17

Suapan taumata sarun ma'ola'a ringannu naṛṛino, na'oman sara pia atatahul᷊andimma wuṛṛu langnganna saran mal᷊annu-l᷊annu.

AMSAL 19:18

Atoṛṛa'a anangngu tantal᷊anna ta'e pia antimma; amungkangngu tawe, atappasanne i'o maapulu i tou mal᷊al᷊eo.

DARALO 119:165

Taumata apan marangngu tita-Nu mal᷊angnganna wuṛṛu matammudda, taweddu maasal᷊are si mangitou.

AMSAL 15:10

Taumata apan ma'ola'a al᷊al᷊eo sarun sansaranna, taumata apan maddiri tagguanna sarun mate.

IBRANI 5:14

Anna apan maattika udde wuattu taumata timmade ana waugu asingkane, wotongngete maṛṛingidda suapa mapia wuṛṛu suapa apan lal᷊eo.

ROMA 14:17

Ana waugu amungkangngu Ruata mangatokku pabbawiakku sangkatou, apa apan wotongnge annananni tou ara'e inumanne, tawe tumanin mahuna. Ahunanne eteudde manungku taumata udde tuttuṛṛutta apulun Ruata, maapendamma al᷊al᷊uassu naungnga wuṛṛu mannengkamma al᷊al᷊uassa apan nionggolu Ghaṛṛahon Ruata.

DARALO 89:32

amungkangu i mangitou tawe maddaringikka tita-U wuṛṛu maddiriten atorang-Ku,

2 PETRUS 2:14

I mangitou tawe illol᷊one ma'ola'a rosa, wuṛṛu al᷊utuanni mangitou ma'ellega wawine masandaga. Wuṛṛu taumata apan wakku mangngimanna wuṛṛu ta'e matul᷊u pangangimanne, wal᷊onotanni mangitou. Naungngi mangitou ninumarampen awawal᷊iu. Ete i mangitou udde taumata apan niawontohante!

YESAYA 19:22

Mawu sarun manggesekka walahannu Mesir, arawe wua'udde i Tou sarun mangundamma si mangitou. I mangitou sarun mabbal᷊i'a mabelengnga ringannu Mawu, wuṛṛu i Tou sarun maddaringikka aal᷊iomanni mangitou lapiddu mangonggollu aul᷊en baddangnga.

2 TIMOTIUS 4:8

Wuṛṛu orassa indi lal᷊antaku auntunganna uaraṛṛaddo sia'u. Su Allon Kiamatta, Mawu, Mallaṛṛuungnga apan matul᷊idda udde sarun manantillu lal᷊antake udde si ya'u, ana waugu i ya'u mabbiakka uaaukka ringannu Ruata. Wuṛṛu wal᷊ine tumba'u i ya'u sassane apan manengkamma lal᷊antake udde, arawe lai anambon taumata apan uaraṛṛaddo darantan Mawu ringannu ahewallu naungnga.

PANDARIADDI 21:11

I Abraham mangke tawe mal᷊uassa su darorongnga udde, ana waugu I Ismael udde lai anangnge.