IBRANI 11:4 - WUKE SUSI WATTI'U AL᷊AL᷊USASSA

⁴ Ana waugu mangngimanna, ne i Habel nangonggolu sasamba apan apianne su Ruata wuassu aonggoli Kain. Ana waugu pangangimanne udde, Habel tinarimmatu Ruata naola'a sangkatou taumata apan mapia, ana waugu nilumiatta'e manungku Ruata nanengkamma aonggole. I Habel natete, arawe ana waugu pangangimanne udde, ne i tou ta'e uahahatto sara orassa indi.

IBRANI 11:4 Referans Kwoze

IBRANI 12:24

I yamiu nirumanta sumaruanna Mawu Yesus, Uatangnga pa'aire apan wakku udde; i yamiu sumaruanna ṛaṛṛa wawokka apan wotongnge maola'a tatubbusu inolaanna apan lembon apianne wuassu apan nitubbusanu ṛaṛṛan Habel.

PANDARIADDI 4:10

Ana see Mawu nabbisara, “Anio i'o ma'ola'a inolaanna apan maata'utta udde? Daṛṛan tuarinu uui si ya'u wuassu leta'a, naal᷊ihidda tingikka sussal᷊ande madorongnga wawal᷊inne.

YUDAS 1:11

Nasilakate i mangitou! I mangitou suete niumamatta su lal᷊anni Kain. Tadea'u maasomba roitta, i mangitou namontollu wadangnge su inolaanna lal᷊eo ere Bileam. Wuṛṛu i mangitou lai nipate ana waugu nilumawanna ere Korah.

MATIUS 23:35

Ana waugu udde, i yamiu sarun iṛṛuumanna ana waugu pamamate apan niola'a su manga taumata apan tawe sal᷊ane – nanatakka wuassu pamamate si Habel apan tawe sal᷊ane, na'oman sara pamamate si Zakharia ana'i Berekia apan nipateng kamiu su wallattu Wal᷊e Mawu wuṛṛu tampan sasamba.

AMSAL 15:8

Mawu mannengkamma aal᷊iomannu taumata mapia, arawe i Tou maddantinnu sasamban taumata lal᷊eo.

IBRANI 9:22

Atonna tumuṛṛuttu titan agama Yahudi, al᷊awo'u sarannapa a'ukkasannu ṛaṛṛa; wuṛṛu rosa tumba'u wotongnge aampunganna ringannu mapaaturon ṛaṛṛa.

PANDARIADDI 4:15

Arawe Mawu nabbisara, “Tawe. Amungkangngu i'o pateanna, ne maola'a wawal᷊inne, siri pitu nasutta lai iapa namate si'o udde sarun pateanna lai.” Wua'udde Mawu naniala si Kain tadea'u isai-sai apan massombane tawe mamate si tou.

PANDARIADDI 4:8

Ana see unni i Kain si Habel, tuarine, “Wette iaddua inai su wailla.” Su tempo itarua na'omate isudde, i Kain namangalo wuṛṛu namate si Habel tuarine.

IBRANI 12:1

Ne, su ola'i ite sassane, uapaal᷊iwutta si ite manambo atonna mattatiala! Ana waugu udde wette i ite mandammen anambon apa apan mammakkata si ite wuṛṛu rosa apan sidutu uareeta si ite. Wuṛṛu wette i ite ringannu ma'udduppa sumutta su pattalumanna apan sasaruannani ite.

LUKAS 11:51

nanattakka wuassu pamamate si Habel na'oman sara pamamate si Zakharia, apan nariaddi su wallattu pangadoannu sasamba wuṛṛu Wal᷊e Mawu. Pangimante: Manga taumata orassa indi sarun iṛṛuumanna ana waugu sarangkanambone udde.

AMSAL 21:27

Mawu tawe lumuassu sasamban taumata lal᷊eo, nangillembote amungkangngu ionggolla ringannu naungnga lal᷊eo.

1 MARARATU 18:38

Ana see Mawu nangirimmu putungnga wuassu langitta wuṛṛu nanoṛṛobba na'oman sara nepodda sasamba udde suaddio'a ringannu alune, manga watune wuṛṛu letangnge see nilumewa ua'e su hote udde na'oman sara nasue.

IMAMATTA 9:24

Inaṛṛombanganne Mawu nanossokku putungnga apan nanutungnga na'oman sara nasue sasamba itattambunna wuṛṛu manga wageangnge apan pia tawane su wowon mezbah. Su tempo ṛuangannu Israel naasilo i mangitou mangngintul᷊i wuṛṛu apiddu nassubba.

PANDARIADDI 4:25

I Adam wuṛṛu awingnge naasomba sangkatou ana'a esakka apia. Unni Hawa, “Ruata buatte nangonggollu ana'a esakka si ya'u maola'a hahantin Habel, apan buatte nipaten Kain.” Ana waugu udde i Hawa nanagon ana'a udde i Set.

TITUS 1:16

I mangitou mabbisara manungku i mangitou maaillal᷊a Ruata, wutte'e inolaanni mangitou massinaaddu Ruata. I mangitou maarantinna, wuṛṛu i mangitou tawe tumuṛṛutta, ete i mangitou udde taumata apan tawe maaola'a manarane apan mapia.

IBRANI 5:1

Suapan imam bahewa nipile wuassu wallatu taumata, wuṛṛu nitenega iapa'imbe Ruata maola'a mangangapiddu tingikki mangitou. Manarane eteudde mangngapiddu manga aonggola su Ruata wuṛṛu sasamba ipangampunga rosa.

IBRANI 11:2

Ana waugu pangangimanna, ne manga taumata su tempo nal᷊iu iaal᷊uassu Ruata.

2 PETRUS 2:8

Su pattangannu manga taumata udde, Lot apan mapia udde mabbiakka ringannu naungnga susa, ana waugu miallo-miallo i tou maasilo wuṛṛu maaringikka pallal᷊agu mangitou apan lal᷊eo.

AYUB 8:10

Daringiṛṛete wisaran taumata pande tempon dorone, i mangitou nangonggollu al᷊aṛṛa'a indi si'o,