IBRANI 11:34 - WUKE SUSI WATTI'U AL᷊AL᷊USASSA

³⁴ namaduma putungnga apan wahewalla, nal᷊iu wuassu pappilitanu hal᷊ele. I mangitou lome, arawe nabbal᷊i matohassa; i mangitou masaṛṛaungnga sulal᷊ummu pangalo na'oman sara napaarugi manga tantaram walahannu lumal᷊o'a.

IBRANI 11:34 Referans Kwoze

MAL᷊AṚṚUUNGNGA 15:8

Wua'udde i tou namangalo si mangitou ringannu maṛagissa wuṛṛu suwallati mangitou manambo apan nipate. Wua'udde, i tou inaite natana'a sulal᷊ummu loṛangnga susambau wuidda watu su Etam.

YESAYA 43:2

Napawe i'o mamare ua'e, i Ya'u sarun uaṛundinganna si'o, i'o tawe mawontolla sulal᷊ummu manga asasusanu. Napawe umamatta su putungnga, i'o tawe mal᷊oso, manga wawono'a mawakkatta tawe maasilaka si'o.

DARALO 144:10

I'o nangonggolu auntunganna su manga ratu, wuṛṛu namallossi Daud allang-Ngu.

2 MARARATU 6:32

Ana see ratu nandolokku sangkatou niapal᷊iuṛoro wuassi tou watukku wal᷊en Elisa. Tempo udde i Elisa tantal᷊anna su wal᷊en, wuṛṛu manga pira matatimmadu soa tantal᷊anna mattindaho isudde. Tantal᷊anna daroloṛannu ratu udde taambe na'oma, i Elisa nabbisara su matatimmadu soa udde, “Panutukke! Taṛṛa pate udde udde nandolokku taumata iapapate si ya'u. Amungkangu taumata udde na'omate isindi, ṛuura'a ngara, wuṛṛu i tou arie paasutta'a. Panginsueanne ratu sarun dumanta sassane.”

1 MARARATU 19:3

I Elia nata'utta, ana see tinumal᷊angnga tadea'u tawe pateanna. I tou inaite ringannu mangangimbene watukku Bersyeba su Yehuda. Poiaroddi i tou nanantangngu mangangimbene udde,

1 PETRUS 4:12

Manga tuṛṛangnga apan arangnguanna! I yamiu orassa indi lembon uatataṛṛanga susa ana waugu tantal᷊anna iaannamma. Arawe arie tumiangnga, paṛṛimaunnapa ere pia sambau riaddianna apan wahewalla mariaddi si yamiu.

YEREMIA 26:24

Arawe orassa indi, ana waugu al᷊amattu patatul᷊ungngi Ahikam ana'i Safan, i ya'u Yeremia tawe nitantilla su tumana'u wanua niapapate.

DARALO 66:12

I'o namalang kami lakkindannu seetta; i yami tinumumbe manawangnga wuṛṛu putungnga. Arawe orassa indi i yami buatte niapiddu Mawu watukku tampa apan masuwukka.

DARALO 6:8

Mata'u mal᷊abukka ana waugu massusa, wuṛṛu massusa ana waugu see'u.

AYUB 42:10

Wua'udde, napawe i Ayub niumal᷊iomannu siri tallu hawene, Mawu na'ola'a si tou naala apia wuṛṛu nangonggolla si tou paarua anambone wuassu anambon pussa'ane dorone.

AYUB 5:20

Napawe ṛutumma rumantate, i'o tawe mate amal᷊unusanna. Napawe pangalo mandasakka maata'utta, i'o mal᷊iu wuassu papate.

1 SAMUEL 20:1

Ne i Daud tinumal᷊angke wuassu Nayot maranin Rama wuṛṛu inaite naisasomban Yonatan, ana see naiwal᷊o, “Apa pasasal᷊a'u? Al᷊al᷊eo apa apan buatte ta'u niola'a wuṛṛu apa rosa'u su saruannu iamangngu na'oman sara i tou maapulu mamate si ya'u?”

SASABANGNGA 18:4

ana'a aruane nisago i Eliezer ana waugu i Musa nabbisara, “Ruata wabbantuhannu iupungngu al᷊amona'u buatte nantul᷊ungnga wuṛṛu nanal᷊amatta si ya'u na'oman sara i ya'u tawe niapaten ratun Mesir”.

1 SAMUEL 18:11

“Sambeangnga indi ta'u ipansakka sambeangnga indi si Daud ma'oman sara mallapassa su darandungnga!” ṛingiddi Saul, ana see i tou namanta'u sambeangnga udde paarua si Daud, arawe i Daud ma'al᷊inda'a.

1 SAMUEL 19:10

Ana see i Saul mangke mappandumma mamanta'u sambeangnga si Daud apan ua'ianna maranin darandungnga. Arawe i Daud nallinda'a, na'oman sara sambeangnga udde napanta'a su darandungnga. I Daud tinumal᷊angnga nanal᷊amatta watanganne.

1 MARARATU 19:1

I Ratu Ahab nabbatti'a su awingnge i Izebel, sarangkanambone apan buatte niola'i Elia, wuṛṛu lai ereapa i Elia namate anambon nabin Baal.

2 MARARATU 6:1

Su allo sambau manga nabi apan nitantiroanni Elisa, nassal᷊uane si tou. I mangitou nabbisara, “Tampa atatanaanni ite tumaniten maṛiputta!

DARALO 124:7

I ite naal᷊ihidda manu'u winalanganna apan napallossa wuassu seddan lumalul᷊u, sedda udde nabassutta, wuṛṛu i ite napallossa!

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”