IBRANI 10:25 - WUKE SUSI WATTI'U AL᷊AL᷊USASSA

²⁵ Ṛinone i ite sidutu ma'ammula suadio'a, wuṛṛu imbaṛṛanga wolo'a ere taumata waine. I ite ṛinone lembon satia wuṛṛu uatatohassa, ana waugu i ite masingkata manungku tate mal᷊annu lai Mawu sarun dumanta.

IBRANI 10:25 Referans Kwoze

WATTI'U MANGA RASUL 2:42

Ringannu maṛṛimada i mangitou sidutu mangngurumma al᷊aṛṛa'a wuassu manga rasul wuṛṛu sidutu uaammulla suadio'a. I mangitou u'anna su sambau wuṛṛu u'al᷊iomanna su sampunna.

MATIUS 18:20

Ana waugu suapa pia darua ara'e sire tallu uaammulla ana waugu i Ya'u, i Ya'u isudde su pattangnganni mangitou.”

1 TESALONIKA 5:11

Ana waugu udde ṛinone i yamiu sidutu uasasasa wuṛṛu uatatohassa ere lai a'olaanni yamiu orassa indi.

IBRANI 3:13

Nariaddi, tadea'u tawe saran sangkatou wuassu wallatti yamiu apan awono'annu rosa na'oman sara lumawangke Ruata, ṛinone i yamiu uatataggu su miallo-miallo tantal᷊anna i ite ta'e mabbiakka su tempo apan isassago “Allo Indi” sulal᷊ummu Wuke Susi.

IBRANI 10:24

Wuṛṛu ṛinone i ite ua'aellega sandingananna, tadea'u i ite wotongnge uasasasa mandangngu sansul᷊ungnga wuṛṛu ma'ola'a manga inolaanna apan mapia.

1 TESALONIKA 4:18

Ana waugu udde, ṛinone i yamiu uatatohassa naungnga ringannu mappaamattu manga wisara indi.

WATTI'U MANGA RASUL 2:1

Napawe nia'omante allom Pentakosta, anambon taumata apan mangngimanna na'ammulla su sambau tampa.

WATTI'U MANGA RASUL 20:7

Ṛabbing kallo misa i yami na'ammulla umanna suadio'a naola'a ere sangkatuṛṛanganna. I Paulus uahahatto manga taumata, ana tiṛṛabbine i tou maṛṛingidda inaite umamatta. Na'oman sara alloarane i Paulus uahahatto.

1 KORINTUS 14:3

Mawal᷊i'a, taumata apan mammasingkatu watti'a wuassu Ruata, namasingkattu watti'a udde lai su taumata; ipannohassa pangangimanni mangitou, ipangonggolu sasasa si mangitou wuṛṛu ipallimbata naungngi mangitou.

ROMA 12:8

Taumata apan pia asingkatta mangngonggolu sasasa su taumata waine, ṛinone atonna-tonna mangonggolu sasasa su taumata waine, taumata apan pia al᷊amatta mantul᷊ungngu taumata waine ringannu darotongnge, ṛinone ma'ola'a udde ringannu naungnga mawawo wuṛṛu mal᷊uassa. Taumata apan pia asingkatta mammiaṛṛa'a, ṛinone atonna-tonna mammiaṛṛa'a. Taumata apan pia al᷊amatta mamasilon darangngune su taumata waine, ṛinone ma'ola'a ringannu naungnga mal᷊uassa.

FILIPI 4:5

Ṛinone anambon taumata wotongnge maasilo pallal᷊agu naungngu apan mapia. Ana waugu tate mal᷊annu lai Mawu sarun dumanta.

2 PETRUS 3:9

Mawu tawe mal᷊iwue mangonggolu apa apan suete nipa'ire-Ne, salaiwe piaddu massunna aroddi. Arawe i Tou masabare si yamiu, ana waugu i Tou maddiri pia sangkatou apan mate. I Tou maapulu tadea'u anambon taumata mawal᷊u wuassu manga rosane.

YAKOBUS 5:8

Ṛinone i yamiu lai masabbare wuṛṛu pia naungnga wahewalla, ana waugu allon darantan Mawu maranite.

1 KORINTUS 14:23

Ana waugu, amungkangngu unnu wisara sulal᷊ummu ammul᷊annu jamaatta, al᷊awo'u jamaatta mabbisara sulal᷊ummu al᷊awo'u sasinaukka apan maaṛṛindu'a, wua'udde nirumanta sire pira taumata raho, ara'e manga taumata wal᷊ine Saṛṛani, taumata udde sarun massunna si yamiu sarangkanambone nabbewate!

YUDAS 1:19

Ete i mangitou indi apan mapaarantam patatiakka. I mangitou tawe tataṛṛinoannu Ghaṛṛahon Duata, ewe'e tataṛṛinoannu pallal᷊agun dunia.

2 PETRUS 3:14

Ana waugu udde, manga tuṛṛangnga apan arangnguanna, tantal᷊anna i yamiu uaṛṛaddo Allo udde, pappandumpe atonna-tonna mabbiakka susi wuṛṛu tawe pasassal᷊a su saruannu Ruata. Wuṛṛu paddul᷊ianete paa'aukka apan mapia ringannu Ruata.

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

2 PETRUS 3:11

Ana waugu sarangkanambone udde sarun ṛimunsaanna ringannu olangnge apan aroddi, ereapate ṛinone i yamiu mabbiakka? I yamiu mabbiakka susi wuṛṛu hunane tumba'u su Ruata sassane,

1 KORINTUS 11:20

Arawe su tempo i yamiu maammula, apa niola'i yamiu udde wal᷊inewe andeangngu Mawu.

1 KORINTUS 3:13

Manaran sangkatou-sangkatou sarun asiloanna su tempo Kristus rumanta apia. Ana waugu su allo udde putungnga sarun manemakka manaran sangkatou-sangkatou see asiloanna. Putungnga sarun manal᷊u'atta wuṛṛu manantunnu apapian manara udde.

WATTI'U MANGA RASUL 16:16

Su sambau allo tantal᷊anna i yami u'al᷊iomanna, i yami nassomban sangkatou wawine; i tou allangnga. Wawine udde aintaṛṛoannu ghaṛṛaho lal᷊eo apan wotongnge mani'attu arariadianna apan sarun dumanta. Ringannu manni'attu inolaannu taumata, wawine udde mangngonggolu auntunganna apan bahewa su mawune.

MATIUS 10:15

Paanaunge! Su Allong Kiamatta, manga taumatan soa Sodom wuṛṛu Gomora malluasanna ampungannu Ruata wuassu manga taumata su soa udde!”

YOHANES 12:48

Taumata apan mannol᷊a-U wuṛṛu maddiri maddaringikka wisara-U, piate mallaṛṛuungnge. Wisara apan Ta'u iapaasingkatta, eteudde sarun ipamarikissa si tou su Allong Kiamatta.

IBRANI 10:37

Ana waugu sulal᷊ummu Wuke Susi uaroṛṛetta, “Ete tal᷊ang kadio'a lai, ne i Tou apan sarun dumanta udde, sarun rumanta ringannu mal᷊ihakka; I Tou sarun tawe mangaddo mal᷊annu daranta-Ne.

IBRANI 13:22

I ya'u sumal᷊ande tadea'u i yamiu tumuṛṛutta manga tatantiro'u indi ringannu masabare, ana waugu sura'u indi tawe tumaniten mal᷊o'e.