IBRANI 10:23 - WUKE SUSI WATTI'U AL᷊AL᷊USASSA

²³ Ṛinone i ite uaagasa atonna su antima apan pangimananni ite, ana waugu Ruata wotongnge apangimananna wuṛṛu i Tou sarun manuungngu pa'aire-Ne.

IBRANI 10:23 Referans Kwoze

1 TESALONIKA 5:24

Ruata, apan suete namaggo si yamiu, sarun ma'ola'a olangnge udde ana waugu i Tou tawe maabbul᷊i.

1 KORINTUS 1:9

Ruata mangke apangimananna atonna-tonna. Ete i Tou Ruata apan namaggo si yamiu maola'a sambau ringannu Anang-Nge, eteudde Yesus Kristus Mawun kite.

2 TESALONIKA 3:3

Arawe Mawu matuṛṛuta. I Tou sarun manohassa si yamiu wuṛṛu mallu'adda si yamiu wua si Lal᷊eo.

IBRANI 6:18

Darua inolaanna udde apan tawe wotonge mawal᷊u: Ruata tawe mangawusu su ola'u pa'aire wuṛṛu sasalu-Ne. Ana waugu udde, i ite apan uasirungke ringannu Ruata, nionggol᷊annu sasasa apan matohassa ipangagassa antimma apan uawilatta su saruanni ite.

TITUS 1:2

Al᷊aṛṛa'a udde pinangiananne wuassu antimma manungku i ite sarun manengkamma wiakka tutune wuṛṛu mal᷊annu-l᷊annu. Ruata suete na'iren wiakka udde ro'en panattaṛṛannu runia indi – wuṛṛu tawe mariaddi Ruata mangawusu.

IBRANI 3:6

Arawe i Kristus matuṛṛuta ere sangkatou Ana'a apan uariaga Wal᷊en Ruata. Wuṛṛu ete i ite indi Wal᷊en Ruata, amungkangu i ite sidutu maṛṛimadda wuṛṛu sidutu mangngimanna maasomba apa apan aantimanni ite.

1 KORINTUS 10:13

Al᷊awo'u wawono'a apan niasombanganni yamiu, eteudde wawono'a apan masokkate niapendamannu taumata. Arawe Ruata sidutu uaaggasa paaire-Ne. I tou maddiri mamalanu wono'anna nangillembo wuassu pangangimanni yamiu. Su tempo i yamiu nia'omannu wawono'a, i Tou sarun mamantingiddu lal᷊anna si yamiu tadea'u maola'a matohassa wuṛṛu i yamiu wotongnge maataṛṛangnga.

SONDAPPA 3:11

I Ya'u mal᷊ihakke rumanta! Paariagai paapia-pia apa apan tatahuananni yamiu, tadea'u tawe saran sangkatou mangaṛṛo lal᷊antaku auntungannu.

YAKOBUS 1:6

Arawe taumata apan maddoronga, ṛinone mangngimanna: i tou tawe wotongnge mapapadua. Ana waugu taumata uapapadua udde ere wallade su tahal᷊oangnga apan tattiupannu anginna uawal᷊elenganna.

IBRANI 11:11

Ana waugu mangngimanna, ne Abraham wotongnge naasomba walahanna wuassi Sara, salaiwe i Abraham tumaniten timmade, wuṛṛu Sara lai sassane tinna. I Abraham mangngimanna manungku Ruata sarun mapaatipussu pa'aire-Ne.

IBRANI 4:14

Ana waugu udde i ite ṛinone uaaggasa matohassa su panga'uannu pangangimanni ite. Ana waugu i ite uatahuanna Imam Bahewa lembon mawantuga, apan suete sinumutta na'oma su saruannu Ruata – eteudde Yesus Kristus Ana'u Ruata.

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

DARALO 26:1

Daralon Daud. Onggol᷊eten atatul᷊idda si ya'u, oh Mawu, ana waugu i ya'u mabbiakka ringannu naungnga matul᷊idda. I ya'u uaantimma Mawu, wuṛṛu tawe mapapadua sarangkadio'a.

LAL᷊ALLU 3:23

sidutu wakku suapan marua allo atonna, Mawu tumaniten satia!

2 KORINTUS 9:13

Wuṛṛu wuassu apapian kamiu udde, manambo taumatan Saṛṛani su Yudea sarun maddalo Ruata ana waugu i mangitou naasilo tatuṛṛuti yamiu su Watti'u Al᷊al᷊uassa su ola'i Kristus apan tatantalonganni yamiu udde. I mangitou lai maddalo Ruata, ana waugu i yamiu naungnge mapia mattahia si mangitou wuṛṛu su anambon taumata waine sarannapa apan pia si yamiu.

IBRANI 3:1

Manga tuṛṛangnga sansul᷊ungnga Saṛṛani apan suete niwagoannu Ruata lai! Annama'a ṛingiṛṛa'a paalal᷊umma su ola'u Mawu Yesus indi! Ruata nandolokki Tou sassane maola'a Imam Wahewa sulal᷊ummu agama apan pangngimananni ite.