IBRANI 10:22 - WUKE SUSI WATTI'U AL᷊AL᷊USASSA

²² Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

IBRANI 10:22 Referans Kwoze

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

YOHANES 3:5

Mawu Yesus sinumimbakka, “Atonna-tonna wisara'U indi: amungkangngu taumata tawe iasungkangnga wuassu ua'e wuṛṛu Ghaṛṛahon Ruata, taumata udde tawe mawal᷊i su reengannu walahannu Ruata.

1 PETRUS 3:21

Ne riadianna udde naola'a sambau sasumandinga wuassu sasaṛṛani apan orassa indi mannal᷊amatta si yamiu. Sasaṛṛani indi wal᷊ine sambau lal᷊agu ipammaresi wadanga wuassu anambon luhuda, ewe'e maola'a sambau paairenu su Ruata wuassu lal᷊ummu naungnga apan mapia. Sasaṛṛani udde mannal᷊amatta si yamiu ana waugu Yesus Kristus suete nabbiakka apia wuassu papate,

EFESUS 5:26

Kristus na'ola'a ereudde tadea'u i Tou wotongnge mamaresi jamaatta udde ringannu al᷊aṛṛang-Nge wuṛṛu ringannu ua'en sasaṛṛani, tadea'u wua'udde i Tou wotongnge manantilla su Ruata.

1 KORINTUS 6:11

Siri pira su wallatti yamiu dorone pia pallal᷊agune ereudde. Arawe orassa indi yamiu niapaal᷊iatta'a waresi wuassu rosa. I yamiu naola'e pussa'a Ruata sassane. I yamiu nabelengke apia ringannu Ruata, ana waugu i yamiu mangngimanna Mawu Yesus Kristus, wuṛṛu ana waugu taṛṛinon Ghaṛṛaho wuassu Mawu Ruatan kite.

IBRANI 7:19

Titan agama Yahudi tawe maaola'a sambau inolaanna apan masuungnga. Ana waugu udde i ite orassa indi nionggol᷊annu pangangantima lembon apianne; ringannu aroddi i ite wotongnge mangundanin Ruata.

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

IBRANI 4:16

Ana waugu udde, wette i ite ringannu awawaṛṛani sumaruanna Ruata apan mammarenta ringannu naungnge mapia. Ruata sarun umakkana wuṛṛu mangal᷊amatta si ite tadea'u i ite maasomba tul᷊unganna maṛṛino su tempone.

IBRANI 12:24

I yamiu nirumanta sumaruanna Mawu Yesus, Uatangnga pa'aire apan wakku udde; i yamiu sumaruanna ṛaṛṛa wawokka apan wotongnge maola'a tatubbusu inolaanna apan lembon apianne wuassu apan nitubbusanu ṛaṛṛan Habel.

TITUS 3:5

I Tou nanal᷊amatta si ite, wal᷊ine ana waugu i ite suete na'ola'a apapia, ewe'e ana waugu i Tou sassane tinumal᷊antupi ite. I Tou nanal᷊amatta si ite sulal᷊ummu Ghaṛṛahon Duata, apan nangonggolu arariaddianna wakku si ite wuṛṛu wiakka wakku ringannu nangukkassu daṛṛa-Ne si ite.

DARALO 73:28

Arawe si ya'u tumaniten mapia maranin Duata, Mawu Ruata ta'u niola'a tampa pattillummangku, tadea'u i ya'u wotongnge mamasingkattu al᷊awo'u inolaan-Ne.

EFESUS 3:12

Ringannu mangngimanna si Kristus wuṛṛu ana waugu uaaukka ringanni Tou, i ite niwala wotongnge mangundanin Duata ringannu napenen pangangimanna.

YAKOBUS 4:8

Pangundaniten Ruata, ne Ruata lai sarun mangundanin kamiu. Ukkase limanu, i yamiu apan marosa! Wuṛṛu paatilangke naungngu, i yamiu apan naungnge uapenga!

IBRANI 9:19

Paarorone atonna i Musa namasingkatu anambon titan Ruata su walahannu Israel. Wua'udde i Musa nanganu ṛaṛṛan ana'u sapi wuṛṛu ṛaṛṛang kambinga esakka, see nillo'annu ua'e, wua'udde nialassa su Wuke Manga Titan Ruata wuṛṛu su anambon walahannu Israel ringannu nappaattu nannal᷊o hisop wuṛṛu wambul᷊un domba lihidde ere ate.

MATIUS 3:11

I ya'u mannaṛṛani si yamiu ringannu ua'e, udde mappaal᷊iatta'a manungku i yamiu nawal᷊ute wuassu paddarosang kamiu, arawe apan sarun dumanta sal᷊immurine wuassia'u, sarun manaṛṛani si yamiu ringannu Ghaṛṛahon Duata wuṛṛu putungnga. I Tou maggewal᷊anna wuassia'u saran mangapiddu sapatune lai Ya'u tawe su ṛinone.

YEREMIA 24:7

I Ya'u sarun mangonggolla si mangitou apendamma ipassunna manungku ete i Ya'u Mawu. Ne i mangitou sarun maola'a uma-U, wuṛṛu i Ya'u mabbal᷊i Ruata mangitou, ana waugu i mangitou sarun mabbelengnga ringang-Ku ringannu ahewallu naungnga.

IMAMATTA 8:6

Ana see i tou nandolokki Harun wuṛṛu manga anangnge niaparisikka su saruanne wuṛṛu niapawaresi watanganne.

YAKOBUS 1:6

Arawe taumata apan maddoronga, ṛinone mangngimanna: i tou tawe wotongnge mapapadua. Ana waugu taumata uapapadua udde ere wallade su tahal᷊oangnga apan tattiupannu anginna uawal᷊elenganna.

AMSAL 23:26

Panutukke paapia-pia wuṛṛu pattannote ola'u pabbiaṛṛangku, ana'u!

DARALO 119:7

Amungkangu i ya'u mangurumma ṛaṛṛawen-Nu apan matul᷊idda, i ya'u maddalo Si'o ringannu ahewallu naungku.

DARALO 51:10

Wala'ewe i ya'u maddaringikka watti'u al᷊al᷊uassa, tadea'u naungnga apan niṛṛimunsang-Ngu indi lumala'a apia.

REENGANNA 8:7

ringannu olangnge indi: saṛṛanite i mangitou ringannu ua'e hunan lal᷊aghun pamamaresi wuṛṛu doloṛṛae i mangitou mangiṛṛi ahewallu watanganne wuṛṛu mabbansalla laubbi mangitou. Ringannu aroddi i mangitou nawaresite.

IMAMATTA 14:7

Imam mangalassu daṛṛan manu'u winalanganna udde paapitu su taumata apan napiate, wuṛṛu namasingkatta i tou waresite. Ana see manu'u winalanganna apan ta'e wiakka ṛinone ipallossa su wadda'a.

IBRANI 11:28

Ana waugu mangngimanna, ne i Musa nallaghum Paskah wuṛṛu namarenta tadea'u iwokka ṛaṛṛa su ngara wal᷊en taumatan Israel taddea'u Mala'ekattu Papate tawe mamate al᷊aṛṛana'a pahul᷊u mangitou.

IBRANI 10:19

Ne, Manga tuṛṛangnga, ana waugu papate Mawu Yesus udde i ite orassa indi waṛṛani sumutta su Wabbo'a Lembon Susi.

ZAKARIA 13:1

Mawu Apan Lembontaṛṛino nabbisara, “Su allo udde sarun sumabbangnga sambau al᷊imatan kua'e ipangukkassa papapulunni Daud wuṛṛu tumana'u Yerusalem wuassu rosa wuṛṛu pasasubba paal᷊uanna apan buatte niola'i mangitou.

YESAYA 29:13

Mawu nabbisara, “Manga taumata udde tumba'u massubba si Ya'u ringannu manga wisara, arawe naungngi mangitou marau wuassi Ya'u. Agama mangitou tumba'u atorannu taumata apan wotongnge ihapalle.

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

SASABANGNGA 29:4

Doloṛṛa'e i Harun wuṛṛu manga anangnge rumanta watukku ngaran Dasang-Ku wuṛṛu mamaresi wadangnga.

IBRANI 9:10

Ana waugu manga lal᷊aghu udde tumba'u matataṛṛino su anna, inumanna, wuṛṛu al᷊awo'u lal᷊aghum pamamaresi. Sarangkanambone udde tumba'u atorannu wadanga apan tumba'u ma'oman sara tempone Ruata mallimbakku.

1 TIMOTIUS 4:2

apan niapaasingkatu taumata lilangkamal᷊e'a wuṛṛu taṛṛa wahia. Lal᷊ummu naungngu manga taumata udde marandumpe.

YEREMIA 30:21

Ratu apan mamarenta si yamiu inasapputanne wuassu walahannu. Ringannu tawe go'ane i tou sarun mangundani-U napawe i tou Ta'u waggoanna sumaruanna si Ya'u. Ana waugu isaite apan waṛṛani sumaruanna si Ya'u ringannu apulune sassane? I yamiu sarun maola'a uma-U wuṛṛu i Ya'u mabbal᷊i Ruatanu. I Ya'u, Mawu apan namasingkattu udde.”

YEREMIA 3:10

Napawe buatte na'ola'a sarangkanambone udde, Yehuda apan mal᷊awangnga udde mabbelengnga ringang-Ku arawe ringannu mammahia, ana waugu naungnge wengkolla. I Ya'u, Mawu, buatte nabbisara.”

YESAYA 52:15

Arawe orassa indi manambo walahanna apan niolangnge tinumiangnga, manga ratu nimoune tinangngone. I mangitou sarun maasilo wuṛṛu maasunna, apan dorone awagananni mangitou.”

DARALO 119:145

Ringannu ahewallu naungnga i ya'u sussal᷊ande Si'o; simbaṛṛewe i ya'u oh Mawu, i ya'u maapulu tumuṛutta parenta-Nu.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

EFESUS 6:5

Manga tuṛṛangnga apan naola'a allangnga! Paatuṛṛuta parenta mawunu su runia indi. Olaawe udde ringannu apendamma maaddata wuṛṛu matuṛṛuta ringannu atonna-tonna naal᷊ihida ere a'olaanni yamiu si Kristus sassane.

WATTI'U MANGA RASUL 8:21

I'o tawe maatantalongnga sulal᷊ummu manarang kami, ana waugu naungngu wengkola su saruannu Ruata.

YOHANES 8:9

Napawe naaringikka Mawu Yesus nabbisara aroddi, i mangitou nanantangken tampa udde, passangkatou nanattakka wuassu atimmaranne. Panginsueanne Mawu Yesus natantangnga sassane isudde ringannu wawine apan ta'e uarisikka su dararisiṛṛanne.

DARALO 119:80

Antimanna naungku tawe sumewadda wuassu tita-Nu, tadea'u i ya'u tawe masili.

DARALO 119:69

Taumata mawunga mallobbosa si ya'u, arawe i ya'u ringannu ahewallu naungnga tuttuṛṛutta parenta-Nu.

DARALO 119:58

Ringannu ahewallu naungnga i ya'u sumal᷊ande darangngu-Nu, akkanaawe i ya'u uasul᷊ungngu paaire-Nu.

DARALO 119:34

Olaawe i ya'u maasunna tita-Nu ana see i ya'u tuttuṛutta, wuṛṛu ta'u iapaamatta ringannu ahewallu naungnga.

DARALO 119:10

Ringannu ahewallu naungku i ya'u mattinsahadda ma'illal᷊a Si'o, arie pabbala'a i ya'u sumewadda wuassu parenta-Nu.

DARALO 119:2

Lal᷊umanna'a su taumata apan mappaamattu parenta-Ne, wuṛṛu ringannu ahewallu naungnge maddea'a ma'illal᷊a Mawu.

DARALO 111:1

Paddalote Mawu! Ringannu ahewallu naungnga i ya'u maadiangkamanna su Mawu su pattangngannu ammul᷊annu al᷊aṛṛanang-Nge.

DARALO 94:15

Ne tita sarun iapaamatta apia su pallaṛṛuungnga, anambon taumata matul᷊idda sarun maapulun tita udde.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

DARALO 32:11

Ei manga taumata susi, lallala'e wuṛṛu lalluasse ana waugu apa apan buatte niola'u Mawu. Paggioten al᷊al᷊uassa, ei anambon taumata apan naungnge matul᷊idda!

DARALO 9:1

Su piaṛṛa'u mangangantari. Tumuṛuttu aantarin Mut-Laben. Daralon Daud.

1 TAWARIKH 29:17

I ya'u masingkatta I'o mannal᷊u'atta naungngu taumata wuṛṛu maapulun taumata apan naungnge waresi. Ringannu asasaṛṛionto'a wuṛṛu al᷊al᷊uassu naungnga sarangkanambone indi ta'u ionggolla Si'o. I ya'u buatte na'ellega ereapa al᷊aṛṛanang-Ngu apan uasemodda isindi uaapiddu aonggolli mangitou Si'o ringannu al᷊al᷊uassu naungnga.

1 MARARATU 15:3

I Abiam na'ola'a manga rosa ere iamangnge. I tou tawe ringannu ahewallu naungnga matammuda su Mawu Ruatane, uapapaṛṛalan Daud, iupungnge.

IMAMATTA 16:4

Wua'udde i Harun ṛinone manutukka manga atoranna indi. Tantal᷊anna taambe sinumutta su Wabbo'a Lembon Susi i tou ṛinone mandeno ana see mabbansalla laubbu imam, eteudde laubba, sal᷊ana maautta, papeṛṛetta wuṛṛu paporongnga, sarangkanambone wuassu linen.

LUKAS 1:1

Teofilus apan naungnge mapia, Manambo taumata suete nammanara atonna mammoṛṛetta ringannu uaatokka su ola'u manga arariaddianna apan suete nariaddi su pattangnganni ite.

WATTI'U MANGA RASUL 22:16

Orassa indi ariete i'o maṛṛado mal᷊annu. Darisikke wuṛṛu paisaṛṛanite. Sal᷊andete su Mawu tadea'u i'o iapaal᷊iu wuassu manga rosanu.’ ”

IBRANI 6:11

I yami ma'apulu taasul᷊unge tadea'u i yamiu sangkatou-sangkatou maṛṛimadda saran panginsueanne, ma'oman sara i yamiu manengkamma apa apan a'antimanni yamiu udde.

IBRANI 10:1

Titan agama Yahudi tumba'u mangngonggolu hambaranne apan mal᷊abbuka su ola'u manga inolaanna mapia apan sarun dumanta, wuṛṛu wal᷊ine hambaranna apan su ṛinone wuassu manga inolaanna udde. Tawe mariaddi tita udde wotongnge mapaasuungngu taumata apan rudanta massubba Ruata ringannu uaapiddu sasamba, salaiwe suapan tonna mannantilu manga sasamba apan uasul᷊ungnga.