HOSEA 7:1 - WUKE SUSI WATTI'U AL᷊AL᷊USASSA

¹ Mawu nabbisara, “Suapan i Ya'u mappulu mangundamma uma-U Israel wuṛṛu mamelengngu ola'u pabbiaṛṛanni mangitou, ne apan Ta'u aellehanna tumba'u al᷊al᷊eo wuṛṛu rosan mangitou. I mangitou ual᷊al᷊inga, i mangitou sussutta su wal᷊en taumata maddea'a manna'o, wuṛṛu i mangitou mangngaṛṛo su manga lal᷊anna.

HOSEA 7:1 Referans Kwoze

HOSEA 7:13

Nasilakate i mangitou, ana waugu i mangitou buatte nanantang-Ku. I mangitou sarun maṛṛimunsa'a ana waugu buatte nilumawangnga si Ya'u. I Ya'u mappulu manal᷊amatta si mangitou, arawe patataṛṛamawun mangitou mangke awusu atonna.

HOSEA 6:4

Arawe Mawu nabbisara, “Ei Israel wuṛṛu Yehuda! Apa rinone apan Ta'u olaanna si yamiu? Darangngunu si Ya'u mal᷊ihakka nawul᷊i ere ṛawu'a wuṛṛu angngukka su marua allo.

LUKAS 19:42

Wisara-Ne, “Ma'a'akkanna, apia eteapa amungkangngu allo indi i'o maasingkatta apa apan botongnge mandantam padarame! Arawe orassa indi i'o tawe maasilo.

HOSEA 4:2

I mangitou nassalu arawe i mangitou tawe nanipussa; i mangitou nangawusu, mammate, manna'o wuṛṛu sussandaga. Al᷊al᷊eo aatambanna, wuṛṛu pamamate ual᷊al᷊isansunna.

LUKAS 13:34

Yerusalem, Yerusalem! Manga nabi suete nipatenu! Manga ralol᷊oṛṛannu Ruata suete tinuntungannu watu na'oman sara nate! Paapirate i ya'u ma'apulu mangammullu anambon tumana'u soa indi ere inangngu manu'a mangooppa manga anangnge sulal᷊ummu papaidde, arawe i'o maddiri!

MATIUS 23:37

“Yerusalem, Yerusalem! Manga nabi suete nipatenu. Manga ralol᷊oṛṛannu Ruata suete tinuntungannu watu na'oman sara nate. Paapirate i Ya'u maapulu mangammullu tumana'u soa naal᷊ihidda ere inangngu manu'a mangooppa al᷊aṛṛanangnge sulal᷊ummu papaidde, arawe i yamiu madiri!

MIKHA 6:16

Sarangkanambone udde mariaddi ana waugu i yamiu tuttantalongnga manga inolaanni Ratu Omri wuṛṛu anangnge apan dal᷊eo, eteudde Ratu Ahab. I yamiu mattanno manga pallal᷊aghun mangitou. Ana waugu udde i Ya'u sarun makkimunsa'a si yamiu, wuṛṛu i yamiu sarun al᷊uandahanna wuṛṛu lobbosannu al᷊awo'u walahanna.”

AMOS 8:14

Manga tumata apan nassalu ringannu paal᷊uannu Samaria mabbisara, ‘Sulal᷊ummu mongannu walahannu Dan’, ara'e ‘Sulal᷊ummu Mongannu Bersyeba’ – sarun manawo wuṛṛu tate maawuatta apia.”

HOSEA 10:5

Tumana'u soa Samaria sarun mata'utta; i mangitou wuṛṛu manga imam apan mangimbe sapi wul᷊awanna su Babel udde sarun masusa wuṛṛu lumuai ana waugu al᷊awo'u araṛṛansangngu paal᷊uanni mangitou udde nawul᷊ite.

HOSEA 8:9

Naal᷊ihidda keledai matengnga apan mabbu'attikka, aroddi lai manga taumatan Israel tuttuṛṛutta apulune sassane. I mangitou madde'a sasumbala wuassu Asyur, wuṛṛu namalli paggahahawe su manga walahanna waine.

HOSEA 8:5

I Ya'u maddantinu sapi wul᷊awanna apan sassubbannu tumana'u soan Samaria. I Ya'u mangke nasa'u atonna si mangitou. Maddatingngu tingngera i mangitou sidutu mandal᷊eo watanganni mangitou ringannu massubba paaluanna?

HOSEA 5:1

Mawu nabbisara, “Paddaringikke, ei manga imam! Panutukke, ei taumatan Israel! Paddaringikke, ei manga taumata papapulunnu ratu! Ṛuumanna buatte niema'a si yamiu. Ana waugu, ṛinone i yamiu makkuungnga ringannu atatul᷊idda, arawe nawal᷊i'a i yamiu naola'a ere sedda su Mizpa, naal᷊ihidda wal᷊ati'a su Wowon Tabor,

HOSEA 4:17

Umattu Israel niawono'ante paal᷊uanna. Ana waugu udde wala'e i mangitou.

YEHEZKIEL 23:4

Mappahul᷊uanna aranne i Ohola; i tou naola'a lambangu Samaria. Tuarine aranne Oholiba; i tou naola'a lambangu Yerusalem. I ya'u na'awingngi mangitou wuṛṛu naasomba ana'a wuassi tarua.

YEHEZKIEL 16:46

Iaangngu uddewe Samaria su sawannakka ringannu anambon ampungnge. Wuṛṛu tuarinu uddewe Sodom su timukka ringannu anambon ampunge.

YEREMIA 51:9

Manga taumata raho apan uatana'a poiaroddi uahahatto sangkatou ringannu waine, ‘I ite buatte nattinsahadda mantul᷊ungngu Babel, arawe nal᷊iwue! Mappianne i ite manantangken banua indi wuṛṛu mapul᷊ete su wanuang kite sambau-sambau. Mawu nakkuumanten Babel ringannu maṛṛagissa, wuṛṛu mangke nakkimunsa'a.’ ”

YESAYA 59:12

Tumanite manambo al᷊al᷊eong kami su saruan-Nu; manga rosang kami mapaasal᷊ang kami. I yami atonna-tonna naatutukka al᷊al᷊eong kami, wuṛṛu naasingkatta manga rosan kami.

YESAYA 28:1

Nasilakate soa apan nabbal᷊i ipammunga manga taṛṛa wu'annu Israel! Araṛṛamage nawul᷊i ere saṛṛen bunga apan tinumolangnga su wowon pua mangitou. Nasilakate soa apan matanggakka su pattangngannu wawal᷊anne masuwukka, ilalluassu manga taumata apan wu'anna masaddatta.

YEHEZKIEL 24:13

Ei Yerusalem, manga inolaannu apan dal᷊eo buatte nalluhuda watangannu. Ia'o buatte na'annamma mamaresi si'o, arawe tawe gunane, waugu i'o sidutu lal᷊eo. I'o tate mawaresi apia ma'oman sara i Ya'u mapasabbangngu asasa'u-U si'o.

HOSEA 11:8

Mawu nabbisara, “Ei Israel, tawe mariaddi i'o Ta'u iwala ara'e Ta'u itantangnga. Wotongngewe i'o Ta'u ṛimunsaanna ere Adma? Ara'e Ta'u olaanna ere Zeboim? Tawe maola'a naung-Ku mapaammattu olangnge udde, ana waugu darangngu-U tumaniten bahewalla si yamiu!

YESAYA 59:13

I yami buatte nassinaadda wuṛṛu nilumawangnga Mawu, wuṛṛu maddiri tumantalongnga Ruatang kami. I yami buatte nangallangnga taumata waine wuṛṛu sinumewadde; ṛingiranni yami niumal᷊iwu, wuṛṛu manga wisaran kami awusu.

YESAYA 59:14

Tita apan matul᷊idda buatte niramme, wuṛṛu atatul᷊idda niapaarau. Apapia naungnga tate iaregga su tangngan awadaalla, wuṛṛu asasaṛṛionto'a nital᷊i'uranna.

HOSEA 12:1

Mawu nabbisara, “Walahannu Israel uapal᷊iwutta si Ya'u ringannu awusu wuṛṛu wawahia; walahannu Yehuda sidutu lullawangnge si Ya'u, Ruata Apan Susi wuṛṛu satia.

HOSEA 12:2

Al᷊awo'u saranapa apan niola'u taumatan Israel wuassu marua allo maddatingngu ṛabbi tawe gunane wuṛṛu olangnge maahohakka ere anginna ra'i. Pallal᷊inga wuṛṛu araṛṛagissa aatambanna suwallatti mangitou. I mangitou ma'ola'a manga paaire ringannu Asyur wuṛṛu nangapiddu lana watukku Mesir maola'a tatialan paggahahawe.”

AMOS 3:9

Al᷊iata'e su anga taumata apan uatana'a su wal᷊en araratuannu Mesir wuṛṛu Asdod, “Paammulle su manga wowone maranin Samaria, wuṛṛu panutukke aal᷊iba'ukka apan wahewalla see pangangallangnga apan niola'a poiaroddi.”

AMOS 3:10

Mawu nabbisara, “Manga taumata udde nalloṛṛo manga wal᷊en araratuanni mangitou ringannu manga saranapa apan nisombanganni mangitou wuassu pangangalangnga wuṛṛu araṛṛagissa. Ewe'e lai manga inolaanni mangitou tawe matul᷊idda.