HOSEA 6:6 - WUKE SUSI WATTI'U AL᷊AL᷊USASSA

⁶ i Ya'u lembon maapulu i yamiu maaillal᷊a si Ya'u wuassi yamiu manambunna wuṛṛu mangonggollu sasamba si Ya'u.

HOSEA 6:6 Referans Kwoze

MATIUS 9:13

Ṛingiṛṛa'o apa atappasannu wageangngu Wuke Susi indi: ‘I Ya'u mappandumma darangngu, wal᷊ine sasamba wuassu winatangnga’. Ana waugu i Ya'u nirumanta wal᷊ine mamaggo taumata apan massunna ririne mapiate, ewe'e taumata apan sassunanna maṛṛusal᷊a.”

MATIUS 12:7

Sulal᷊ummu Wuke Susi uawoṛṛetta: Ete pa'a'akanna apan ipaapulu-U, wal᷊ine sasamba wuassu winatangnga. Amungkangngu i yamiu atonna-tonna maasunna wisara indi, natantuna i yamiu tawe mapaasal᷊a manga taumata apan tawe sal᷊ane.

AMSAL 21:3

Inolanna apan matul᷊idda wuṛṛu naṛṛino lembon maal᷊uassa Mawu sul᷊ungnge wuassu al᷊awo'u sasamba.

1 SAMUEL 15:22

Arawe i Samuel nabbisara, “Suapane apan lembon ipaapulu Mawu, atatuṛṛutta ara'e sasamba? Atatuṛṛutta su Mawu mappianne wuassu mangonggollu sasamba. Mararingikka mappianne wuassu tawan domba.

AMOS 5:21

Mawu nabbisara, “I Ya'u maddantinna wuṛṛu mattaṛṛa muta ma'ellega manga ramean agamanu!

YESAYA 1:11

Mawu nabbisara, “Su sunnanu i Ya'u maapulun al᷊awo'u sasamba apan sidutu ia'onggolli yamiu si Ya'u? Ya'u nualle manga domba sassambanu tattutunganna wuṛṛu tawan ana'u sapinu. Daṛṛan sapi esakka, domba wuṛṛu ambingnga i Ya'u maddirite.

MANNANASE 5:1

Paṛṛingidde tantal᷊anna taambe mabbisara, wuṛṛu arie tumaniten mal᷊ihakka maddiandi su Ruata. I Tou roso surga wuṛṛu i'o wowa su runia.

MATIUS 5:7

Lal᷊umanna'a su taumata apan mandangngu taumata waine; Ruata sarun mandangngu si mangitou lai!

DANIEL 4:27

Ana waugu udde rinone Tuangku maddaringikka tatantiron allangnga. Ariete Tuangku ma'ola'a rosa apia, arawe pa'ola'a inolaanna apan mapia wuṛṛu matul᷊idda, wuṛṛu aakkanten taumata asiangnga. Ringannu aroddi Tuangku sidutu sarun su lal᷊ummanna'a.”

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

YEREMIA 7:22

Sutempo i Ya'u nangapiddu al᷊amonanu sinumabbangnga wuassu Mesir, i Ya'u tawe nangonggolla si mangitou atoranna su ola'u sasamba itattambunna ara'e manga sasamba waine.

1 YOHANES 3:6

Anambon taumata apan mabbiakka uaaukka ringanni Kristus, tawe sidutu ma'ola'a rosa. Taumata apan sidutu ma'ola'a rosa, saran paassa tawe maasilo si Kristus ara'e maaillal᷊a si Tou.

1 YOHANES 2:3

Amungkangu i ite matuṛṛutta su manga parentan Duata, udde tatialane manungku i ite maaillal᷊a Ruata.

MIKHA 6:6

Apate apan sarun ionggolli ite su Mawu, Ruata su surga, napawe i ite rumanta mattaṛṛamawu si Tou? Ṛinone i ite mangapiddu sapi saṛṛentumuwo apan apianne maola'a sasamba itattambunna ionggolla si Tou?

HOSEA 4:1

Mawu pia gatto ringannu tumana'u wanua indi. Ei, Israel, paddaringikka apa apan niwisara-Ne, “Su wanua indi tawe tatuṛṛutta ara'e darangngu, wuṛṛu tumanangnge tawe manga'u i Ya'u udde Ruata.

YESAYA 58:6

Eteindi puasa apan ipa'apulu-U: Pallosa'e mantungngu pangangallanga wuṛṛu winabbawa mallinga, wuṛṛu pallosa'e manga taumata niallangnga.

HOSEA 2:20

Ere buatte pina'ire-U, i'o sarun Ta'u iawingnga. I'o sarun manga'u mangungku i Ya'u maola'a Mawunu sassane.

DARALO 50:8

Wal᷊ine ana waugu sasambanu i Ya'u mangansilla si yamiu; sasamba itattambunnu sidutu udde su saruang-Ku.

MARKUS 12:33

Wuṛṛu ṛinone taumata mandangngu Ruata ringannu ahewallu naungnge, wuṛṛu ringannu anambon ṛingiṛṛanne see lai ringannu anambon auatanne. Wuṛṛu i tou lai ṛinone umakkannu sansul᷊ungnge ere lai ririne sassane. Udde mappianne wuassu mangngonggolu sasamba itatambunna wuṛṛu manga sasamba waine su Ruata.”

HOSEA 14:2

Pabbelengke ringannu Mawu Ruatanu, ei walahannu Israel! Rosanu buatte naaola'a si yamiu mattambal᷊ioso wuṛṛu nanawo.

MIKHA 6:8

Tawe! Mawu buatte napal᷊iatta'a si ite apa apan apianne. Apan raddorongan-Ne wuassi ite eteudde tadea'u i ite mabbiakka matul᷊idda, sidutu uararangngu, wuṛṛu ringannu masaṛṛionto'a mabbiakka uaaukka ringannu Ruatan kite.

HOSEA 8:13

I mangitou apulune mangngonggollu sasamba si Ya'u, wuṛṛu u'inassa ṛemessu sasamba udde, arawe i Ya'u Mawu, tawe mal᷊uassa ringannu manga sasamba udde. Orassa indi i Ya'u mannaungke rosan mangitou wuṛṛu makkuumanni mangitou ana waugu manga rosa udde; i Ya'u sarun mangirimmi mangitou mabelengnga apia su Mesir!