HOSEA 6:5 - WUKE SUSI WATTI'U AL᷊AL᷊USASSA

⁵ Ana waugu udde i Ya'u nandolokku manga nabi-U iapapasingkatta si yamiu laṛṛawe-U manungku i yamiu ṛinone iṛṛuumanna wuṛṛu pateanna. Apan ipaapulu-U wuassi yamiu nasemakke wuṛṛu natualage:

HOSEA 6:5 Referans Kwoze

YEREMIA 23:29

Wisara-U naal᷊ihidda putungnga, wuṛṛu ere darupa apan maaṛṛimunsa'a watu!

YEREMIA 1:10

Allo indi i Ya'u mangonggolla si'o taṛṛino su manga walahanna wuṛṛu manga araratuanna – taṛṛino ipanuwangnga wuṛṛu ipangema'a, tadea'u ipamaddo wuṛṛu ipamate, iapararisikka wuṛṛu ipassuanna.”

YEREMIA 5:14

Ana see Mawu Apan Lembontaṛṛino nabbisara si ya'u, “Yeremia, ana waugu manga taumata udde nabbisara aroddi, ne i mangitou sarun aṛṛiaannu asasilaka apan tumuṛṛutti mangitou tawe mariaddi. I Ya'u sarun ma'ola'a manga wisara-U ere putungnga sulal᷊ummu moṛṛongngu. Walahanna udde sarun maola'a ere anutungnga, wuṛṛu putungnga udde sarun manoṛṛobba si mangitou ma'oman sara masue.”

IBRANI 4:12

Wisaran Ruata eteudde wisara apan biakka wuṛṛu matohassa; maṛṛoroanna wuassu hal᷊el᷊e rorone ruam ba'a. Wisara udde uusippa ma'oman sara su wallatu niawa wuṛṛu ghaṛṛaho; ma'oman sara su wallattu manga passi'uanna wuṛṛu duṛṛin liudda, na'oman sara maasingkata al᷊al᷊ummu ṛingiranna wuṛṛu apulu naungngu taumata.

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

SONDAPPA 9:21

I mangitou lai tawe manantangngu manga inolaanni mangitou apan lal᷊eo, eteudde pamamate, wal᷊iimmata, pasasandaga wuṛṛu panana'o.

SONDAPPA 9:15

See sire appata mala'ekatta udde nipallose. I mangitou suete nisaddia mandiaga orassa, allo, wul᷊anna wuṛṛu tonna, udde hunane ipamate sepertiga wuassu anambon taumata.

SONDAPPA 2:16

Ana waugu udde, awal᷊ute wuassu manga rosanu! Amungkangu tawe, tate mal᷊annu lai Ya'u sarun rumanta ringanni yamiu wuṛṛu mamangalo manga taumata udde ringannu hal᷊ele apan uaraddo su moṛṛong-Ku.

SONDAPPA 1:16

Lima uanan-Ne uaagassa anumpitanna pitu, wuṛṛu wuassu moṛṛo-Nge sinumabangnga hal᷊ele maṛṛoro sammata, apan ṛoṛṛone ruam ba'a. Hati-Ne lullansiangnga naal᷊ihidda matannallo su allo allattune.

WATTI'U MANGA RASUL 7:31

I Musa naherangnga naasilo olangnge udde, na'oman sara i tou inaite nangundani tadea'u maasingkatta apa nariaddi udde. See i tou naaringikka tingikku Mawu nabbisara,

ZEFANYA 3:5

Arawe Mawu ta'e su soa udde; i Tou sidutu ma'ola'a apapia wuṛṛu taweddu massal᷊a. Suapan marua allo i Tou sarun mangonggollu atatul᷊idda su uman-Ne. Arawe, taumata apan tawe maaillal᷊a atatul᷊idda su soa udde sidutu ma'ola'a al᷊al᷊eo ringannu tawe masili.

YEHEZKIEL 43:3

Aellega uasul᷊ungnga ere lai ta'u niasiloanna sutempo Ruata nirumanta makkimunsa'a Yerusalem, wuṛṛu ere lai ta'u niasiloanna su Sal᷊ukku Kebar. Ana see i ya'u naṛṛa'a wuṛṛu niumal᷊intudda.

YEHEZKIEL 3:9

I'o Ta'u olaanna atohanne ere rapappakka wuṛṛu aatikke ere intan. Arie mata'uttu manga lumal᷊awangnga udde.”

YEREMIA 13:13

Ne wal᷊oa'e si mangitou manungku manga taumatan wanua indi, manga ratune papapulunni Daud, manga imam, nabi, wuṛṛu anambon tumana'u Yerusalem sarun Ta'u loṛṛoannu anggore ma'oman sara mapene tadea'u iwu'anne.

YEREMIA 1:18

Paddaringikka! I'o sarun tompol᷊annu manga tumana'u wanua indi, eteudde manga ratun Yehuda, manga mangangumbele parenta, manga imam, wuṛṛu tumanangnge. Arawe allo indi Ya'u mangonggolla si'o atatohassa ipando'appa si mangitou. I'o sarun mabbal᷊i ere soa pia tanda batune, naal᷊ihidda diṛṛi atta'a wuṛṛu darandungnga witu'a. I mangitou sarun tawe mapamaddonu, ana waugu i Ya'u sarun uarundinganna wuṛṛu ual᷊u'adda si'o. I Ya'u, Mawu, buatte nabbisara.”

YESAYA 58:1

Mawu nabbisara, “Pangintul᷊ite ringannu ahewallu auatanna! Pasingkata'e su uma-U manga rosa mangitou.

YESAYA 11:4

Taumata asiangnga ṛuunganne ringannu matul᷊idda, taumata lome sasamba'anne ringannu atonna; taumata nassal᷊a iṛṛuumanna wuassu parentane, taumata lal᷊eo radda'anne.

DARALO 119:120

I ya'u mangngindo ana waugu matta'un-Nu, naungku mangiladda su saruannu raṛṛawen-Nu.

DARALO 37:6

I Tou sarun mapal᷊iatta'u tatuṛṛunnu ere asasemakka, wuṛṛu pallal᷊agunu ere allo.

AYUB 34:10

Ei manga taumata apan pande, paddaringikka! Tawe mariaddi Ruata Apan Lembontaṛṛino ma'ola'a pasasal᷊a?

2 TAWARIKH 21:12

Ana see i Yehoram naasomba sangkul᷊appa suratta apan niwoṛṛetti Nabi Elia sutempo ta'e wiakka. Arendi tingikku suratta udde, “Mawu, Ruata apan sassubbanni Daud, sarun makkuumanni Tuangnga ana waugu i Tuangnga tawe nangaṛṛussa wal᷊iuddu iamangnga wuṛṛu iupungngi Tuangnga.

2 MARARATU 1:16

Ana see i Elia nabbisara ratu, “Mawu nabbisara, ‘I'o nandolokku taumata niaparoronga tatantiro si Baal-Zebub mongannu soan Ekron naal᷊ihidda su Israel tawe Ruata pa'iwal᷊oanna. Ana waugu udde i'o tawe mapia wuassu radda'a, i'o sarun mate!’ ”

1 MARARATU 19:17

Isai-sai apan tawe nipate Hazael, sarun pateanni Yehu, wuṛṛu i mangitou apan naatal᷊angnga wuassi Yehu sarun pateanni Elisa.

1 MARARATU 18:17

Sutempo i Ahab naasilo si Elia, i Ahab nangintul᷊i, “Indete i tou mangangal᷊iba'ukka su Israel!”

1 MARARATU 17:1

Pia sangkatou nabi aranne i Elia. I tou darantane wuassu Tisbe, sambau soa su wageangngu Gilead. Su allo sambau i tou nirumanta ringanni Ratu Ahab wuṛṛu nabbisara, “Ringannu arannu Mawu apan biakka, Ruata apan sassubbannu taumatan Israel wuṛṛu ta'u a'imbeanna, i ya'u mamasingkatta si Tuangnga manungku al᷊annune darua ara'e tallu tonna apan manansunna indi sarun tawe angngukka ara'e uranna saran addio'a, tabbene'e i ya'u mabbisara.”

1 MARARATU 14:6

Arawe aroddi i Nabi Ahia naaringikka tingikku lempangnge su ngara, i tou nabbisara, “Wette suttate, i ya'u masingkatta i'o awingngi Yerobeam. Lasa'e pamahia. Pia batti'a lal᷊eo si'o.

1 SAMUEL 15:22

Arawe i Samuel nabbisara, “Suapane apan lembon ipaapulu Mawu, atatuṛṛutta ara'e sasamba? Atatuṛṛutta su Mawu mappianne wuassu mangonggollu sasamba. Mararingikka mappianne wuassu tawan domba.

1 SAMUEL 13:13

Naaringkka udde i Samuel nabbisara si Saul, “Pallal᷊agun Tuangnga udde tumaniten longonna. Amungkangu i Tuangnga matuṛṛutta parentan Mawu Ruatan Tuangnga, Mawu sarun manantunni Tuangnga wuṛṛu papapulunni Tuangnga maola'a ratu su Israel saran mal᷊annu-l᷊annu.

PANDARIADDI 18:25

Ariewe manga taumata apan tawe sal᷊ane udde pateanna suadio'a ringannu taumata pia sal᷊ane. Arie Mawu! Ana waugu amungkangngu udde olaannu Mawu, taumata apan tawe sal᷊ane sarun iṛṛuumanna suadio'a ringannu taumata nassal᷊a. Tawe mariaddi mallaruungngu ul᷊ilin pati'uppa makkungnga tawe su atatul᷊idda!”

EFESUS 6:17

Anute asasal᷊amatta udde maola'a sambau araposa waja, wuṛṛu wisara Ruata maola'a sambau hal᷊ele wuassu Ghaṛṛahon Duata.

1 SAMUEL 15:32

Wua'udde i Samuel nandolokku tantarane, “Apira'a i Ratu Agag inawarendi.” I Agag nirumanta ringanni tou, ringannu napenen antimma ana waugu i tou maṛṛingidda, “Asasilaka pateanna si ya'u nal᷊iudde.”

1 SAMUEL 15:33

Ana see i Samuel nabbisara, “Ere lai hal᷊elenu apan buatte na'ola'a manambo inangnga apan niawul᷊iannu anangnge, aroddi lai inangngu sarun awul᷊iannu anangnge.” Ana see i Samuel nanattadda si Agag su saruannu mezbah su Gilgal.

YEHEZKIEL 32:18

“Ei taumata apan mattate, lallal᷊ote su lal᷊oṛṛon soa su Mesir. Doloṛṛa'e i mangitou watukku runian taumata nate suadio'a ringannu manga wanua apan matohassa waine.

AYUB 15:30

I tou sarun tawe maal᷊iu wuassu ararandumma; putungnga sarun manutungnga manga sollane. I tou sarun masue ṛatangannu singangu wuassu moṛṛongngu Ruata.